ಈ ವಾರದ ಸಾಧಕನ ಹೆಸರು ರಿವೀಲ್​...ವೀಕೆಂಡ್​ ಟೆಂಟ್​ಗೆ ಬರಲಿದ್ದಾರೆ ಈ ನಟ

ಈ ವಾರ ಸೋಮವಾರವೇ ಸಾಧಕರ ಹೆಸರನ್ನು ಬಿಟ್ಟುಕೊಟ್ಟಿದೆ. ಈ ಶನಿವಾರ ರೆಡ್​ ಸೀಟ್​ ಮೇಲೆ ರೋರಿಂಗ್ ಸ್ಟಾರ್ ಶ್ರೀಮುರಳಿ ಆಸೀನರಾಗಲಿದ್ದಾರೆ.

'ವಿಕೇಂಡ್ ವಿಥ್ ರಮೇಶ್' ನಾಲ್ಕನೇ ಸೀಸನ್​ ದಿನದಿಂದ ದಿನಕ್ಕೆ ಹೆಚ್ಚು ಕುತೂಹಲ ಹೆಚ್ಚಿಸುತ್ತಿದೆ. ಈಗಾಗಲೇ ಆರು ಜನ ಸಾಧಕರನ್ನು ಪರಿಚಯಿಸಿರುವ ವೀಕೆಂಡ್​ ತಂಡ, ಇದೀಗ ಈ ವಾರದ ಸಾಧಕ ಯಾರು ಎಂಬುದನ್ನು ರಿವೀಲ್ ಮಾಡಿದೆ.

ಚಿತ್ರಕೃಪೆ : zee kannada ಇನ್​ಸ್ಟಾಗ್ರಾಂ

ಪ್ರತಿ ಬುಧವಾರ ವಾರದ ಅತಿಥಿ ಯಾರೆಂದು ವಾಹಿನಿ ಬಹಿರಂಗ ಪಡಿಸುತ್ತಿತ್ತು. ಆದರೆ, ಈ ವಾರ ಸೋಮವಾರವೇ ಸಾಧಕರ ಹೆಸರನ್ನು ಬಿಟ್ಟುಕೊಟ್ಟಿದೆ. ಈ ಶನಿವಾರ ರೆಡ್​ ಸೀಟ್​ ಮೇಲೆ ರೋರಿಂಗ್ ಸ್ಟಾರ್ ಶ್ರೀಮುರಳಿ ಆಸೀನರಾಗಲಿದ್ದಾರೆ. ಅವರ ಎಪಿಸೋಡಿನ ಪ್ರೋಮೋ ಜೀ ವಾಹಿನಿ ತಮ್ಮ ಫೇಸ್​ಬುಕ್​ನಲ್ಲಿ ಹಂಚಿಕೊಂಡಿದೆ. ಕನ್ನಡ ಚಿತ್ರರಂಗದಲ್ಲಿ ಸಾಕಷ್ಟು ಏಳುಬೀಳು ಕಂಡಿರುವ ಶ್ರೀಮುರಳಿ ವೀಕೆಂಡ್​ ಟೆಂಟ್​​ನಲ್ಲಿ ತಮ್ಮ ಸಾಹಸಗಾಥೆ ಬಿಚ್ಚಿಡಲಿದ್ದಾರೆ.