ಎಂಜಿನಿಯರಿಂಗ್​ನಿಂದ ಗಾಯನದ ಕಡೆಗೆ.. ಎಸ್​ಪಿಬಿ ಬದುಕನ್ನೇ ಬದಲಿಸಿದ ಟೈಫಾಯ್ಡ್​!!

ಓದುವ ಸಮಯದಲ್ಲಿ ಮೆದುಳು ಜ್ವರ ಅಥವಾ ಟೈಫಾಯ್ಡ್​ ಕಾಣಿಸಿದ್ದರಿಂದ ಅವರು ಎಂಜಿನಿಯರಿಂಗ್‌ನ ಅರ್ಧಕ್ಕೆ ಬಿಟ್ಟು ಗಾಯನ ಕ್ಷೇತ್ರದಲ್ಲಿ ಒಲವು ತೋರಿದರು..

ಬೆಂಗಳೂರು :ಎಸ್​ಪಿ ಬಾಲಸುಬ್ರಮಣ್ಯಂ ಅವರು ಎಂಜಿನಿಯರ್​ ಆಗಿದ್ದರೆ ಹೇಗಿರುತ್ತಿತ್ತು. ನೀವು ಊಹಿಸಲು ಅಸಾಧ್ಯ ಅಲ್ಲವೇ?

ಗಾಯಕ ಆಗದಿದ್ದರೆ ಅವರು ಖಂಡಿತವಾಗಿಯೂ ಒಬ್ಬ ಎಂಜಿನಿಯರ್​ ಆಗುತ್ತಿದ್ದರಂತೆ. ಅನಂತಪುರದ ಜೆಎನ್​ಟಿಯು ಕಾಲೇಜಿನಲ್ಲಿ ಎಂಜಿನಿಯರಿಂಗ್​ ವಿದ್ಯಾರ್ಥಿಯಾಗಿದ್ದ ಎಸ್​ಪಿಬಿ ಅವರು ತಮ್ಮ ಪದವಿಯನ್ನು ಅರ್ಧಕ್ಕೆ ನಿಲ್ಲಿಸಿದರು.

ಓದುವ ಸಮಯದಲ್ಲಿ ಮೆದುಳು ಜ್ವರ ಅಥವಾ ಟೈಫಾಯ್ಡ್​ ಕಾಣಿಸಿದ್ದರಿಂದ ಅವರು ಎಂಜಿನಿಯರಿಂಗ್‌ನ ಅರ್ಧಕ್ಕೆ ಬಿಟ್ಟು ಗಾಯನ ಕ್ಷೇತ್ರದಲ್ಲಿ ಒಲವು ತೋರಿದರು.

ಆದರೂ ಎಂಜಿನಿಯರ್​ ಆಗಲಿಲ್ಲ ಎನ್ನುವ ಕೊರಗು ಅವರಲ್ಲಿತ್ತು. ಹಾಗಾಗಿಯೇ, ಚೆನ್ನೈನ ಎಂಜಿನಿಯರ್ಸ್​ ಇನ್ಸ್‌ಟಿಟ್ಯೂಷನ್​ನಲ್ಲಿ ಅವರು ಅಸೋಸಿಯೇಷನ್​ ಮೆಂಬರ್​ ಆಗಿ ಸೇರಿದರು.