ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಬರ್ತ್ ಡೇಗೆ ಇನ್ನೆರಡೇ ದಿನ ಬಾಕಿ. ಈ ರಾಜಕುಮಾರನ ಹುಟ್ಟು ಹಬ್ಬಕ್ಕೆ ಯುವರತ್ನ ಚಿತ್ರ ತಂಡದಿಂದ ಭರ್ಜರಿ ಗಿಫ್ಟ್ ರೆಡಿಯಾಗಿದೆ.
ಅಪ್ಪು ಬರ್ತ್ಡೇ ಸರ್ಪ್ರೈಸ್ ಕೊಡ್ತಿದ್ದಾರೆ ನಿರ್ದೇಶಕ ಸಂತೋಷ! - undefined
ಇದೇ 17 ರಂದು ನಟ ಪುನೀತ್ ರಾಜಕುಮಾರ್ 44 ನೇ ವಸಂತಕ್ಕೆ ಕಾಲಿಡಲಿದ್ದಾರೆ. ಅಂದು ಯುವರತ್ನ ಚಿತ್ರದ ಫಸ್ಟ್ ಲುಕ್ ಬಿಡುಗಡೆಯಾಗಲಿದೆ. ಇದರ ಜತೆಗೆ ನಟಸಾರ್ವಭೌಮ ನಿರ್ದೇಶಕ ಪವನ್ ಒಡೆಯರ್ ಕೂಡ ಅಪ್ಪುಗೆ ಒಂದು ಸರ್ಪ್ರೈಸ್ ನೀಡಲು ರೆಡಿಯಾಗಿದ್ದಾರೆ.
ಅಪ್ಪು ಹುಟ್ಟುಹಬ್ಬಕ್ಕೆ ಫಸ್ಟ್ ಲುಕ್
ಪುನೀತ್ ರಾಜ್‍ಕುಮಾರ್ ನಟಿಸುತ್ತಿರುವ ಯುವರತ್ನ ಚಿತ್ರತಂಡ ಅಪ್ಪುಗೆ ಸರ್ಪ್ರೈಸ್ ನೀಡಲು ಪ್ಲಾನ್ ಮಾಡಿದೆ. ಅಪ್ಪು ಬರ್ತ್ ಡೇಗೆ ಚಿತ್ರದ ಫಸ್ಟ್ ಲುಕ್ ಬಿಡುಗಡೆ ಮಾಡಲು ಸಜ್ಜಾಗಿದೆ. ಫುಲ್ ಸ್ಟೈಲಿಶ್ ಆ್ಯಂಡ್ ಮಾಸ್ ಆಗಿರೋ ಫಸ್ಟ್ ಲುಕ್ ಇದೇ 17 ರಂದು ರಿಲೀಸ್ ಆಗಲಿದೆ ಎಂದು ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಟ್ವಿಟ್ಟರ್ನಲ್ಲಿ ಹೇಳಿಕೊಂಡಿದ್ದಾರೆ.
ಇನ್ನು ರಾಜಕುಮಾರ ಚಿತ್ರದ ನಂತರ ಪುನೀತ್ ಹಾಗೂ ನಿರ್ದೇಶಕ ಸಂತೋಷ್ ಆನಂದ್ ಯುವರತ್ನ ಚಿತ್ರದಲ್ಲಿ ಒಂದಾಗಿದ್ದಾರೆ. ಹೊಂಬಾಳೆ ಫಿಲ್ಮ್ ಬ್ಯಾನರ್ನಡಿ ವಿಜಯ್ ಕಿರಗಂದೂರು ಈ ಚಿತ್ರ ನಿರ್ಮಿಸುತ್ತಿದ್ದಾರೆ. ಚಿತ್ರದಲ್ಲಿ ಪವರ್ ಸ್ಟಾರ್ಗೆ ಜೋಡಿಯಾಗಿ ಸಯೇಶಾ ಸೈಗಲ್, ಡಾಲಿ ಧನಂಜಯ್ ನಟಿಸುತ್ತಿದ್ದಾರೆ. ಈಗಾಗಲೇ ಯುವರತ್ನ ಶೂಟಿಂಗ್ ಶುರುವಾಗಿದೆ.