ಪೇಟಿಎಂನಲ್ಲಿ ಸಿಗಲಿದೆ ಯಜಮಾನ ಸಿನಿಮಾ ಟಿಕೆಟ್​

ದರ್ಶನ್​ , ರಶ್ಮಿಕಾ ಮಂದಣ್ಣ ಅಭಿನಯದ 'ಯಜಮಾನ' ಸಿನಿಮಾ ಬಿಡುಗಡೆಗೆ ಇನ್ನು 2 ದಿನಗಳು ಬಾಕಿ ಇದ್ದು ಟಿಕೆಟ್​​​ಗಳು ಹಾಟ್ ಕೇಕ್​​ನಂತೆ ಸೋಲ್ಡ್​ ಔಟ್ ಆಗುತ್ತಿದೆ. ಇದೀಗ ಪೇಟಿಎಂನಲ್ಲಿ ಕೂಡಾ ಟಿಕೆಟ್​ ಲಭ್ಯವಿದೆ.

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪಕ್ಕಾ ಮಾಸ್ ಅವತಾರದಲ್ಲಿ ಕಾಣಿಸಿಕೊಂಡಿರುವ ಚಿತ್ರ ಯಜಮಾನ. ಹಾಡುಗಳು ಹಾಗೂ ಟ್ರೇಲರ್​​​ನಿಂದ ಸ್ಯಾಂಡಲ್​​​​ವುಡ್​​ ಸಿನಿಮಾ ಇಂಡಸ್ಟ್ರಿಯಲ್ಲೇ ಮನೆ ಮಾತಾಗುತ್ತಿರುವ ಯಜಮಾನ ಸಿನಿಮಾ ರಿಲೀಸ್​​​​​​​ಗೆ ಎರಡು ದಿನಗಳು ಬಾಕಿ ಇದೆ.

ದಾಸನ ಅಭಿಮಾನಿಗಳು ಮೊದಲ ದಿನವೇ ಮೊದಲ ಶೋ ನೋಡಲು ಟಿಕೆಟ್ ಬುಕ್ ಮಾಡುತ್ತಿದ್ದಾರೆ. ಎಲ್ಲೆಡೆ ಮೊದಲ ದಿನ ಆನ್​​​​​​​​​​​​​​​​​ಲೈನ್ ಟಿಕೆಟ್ ಸೋಲ್ಡ್ ಔಟ್ ಆಗಿವೆ. ಇನ್ನು ಚಿತ್ರಮಂದಿರಗಳಲ್ಲಿ ಯಜಮಾನ ಕಟೌಟ್​​​​​​ಗಳು ಆಳೆತ್ತರದಲ್ಲಿ ರಾರಾಜಿಸುತ್ತಿವೆ.‌ ಈಗ ಅಭಿಮಾನಿಗಳಿಗೆ ಯಜಮಾನ ಸಿನಿಮಾ ಟಿಕೆಟ್ ಪೇಟಿಎಂನಲ್ಲಿ ಕೂಡಾ ಸಿಗಲಿದೆ. ಈ ಹಿಂದೆ ಯಶ್ ಕೆಜಿಎಫ್ ಸಿನಿಮಾದ ಟಿಕೆಟ್ ಓಎಲ್‌ಎಕ್ಸ್​​​​​ನಲ್ಲಿ ಮಾರಾಟ ಆಗಿತ್ತು. ಈಗ ದರ್ಶನ್ ಅಭಿನಯದ ಯಜಮಾನ ಸಿನಿಮಾ ಪೇಟಿಎಂನಲ್ಲಿ ಮಾರಾಟ ಆಗುತ್ತಿದೆ.‌ ಇದರಿಂದ ದಚ್ಚು ಅಭಿಮಾನಿಗಳಿಗೆ ಮತ್ತಷ್ಟು ಕಿಕ್ ಸಿಗಲಿದೆ.

ಮೀಡಿಯಾ ಹೌಸ್​ ಸ್ಟುಡಿಯೋ ಬ್ಯಾನರ್ ಅಡಿ ಶೈಲಜಾನಾಗ್ ಹಾಗೂ ಬಿ.ಸುರೇಶ್​ ನಿರ್ಮಾಣದ ಈ ಸಿನಿಮಾವನ್ನು ಪಿ.ಕುಮಾರ್ ಹಾಗೂ ವಿ.ಹರಿಕೃಷ್ಣ ನಿರ್ದೇಶಿಸಿದ್ದಾರೆ. ದರ್ಶನ್​, ರಶ್ಮಿಕಾ ಮಂದಣ್ಣ, ತಾನ್ಯಾ ಹೋಪ್​, ದೇವರಾಜ್​​, ರವಿಶಂಕರ್​ ಹಾಗೂ ಇತರರು ಸಿನಿಮಾದ ಪ್ರಮುಖ ತಾರಾಗಣದಲ್ಲಿದ್ದಾರೆ.