'ವೀಕೆಂಡ್' ಎಂದ ತಕ್ಷಣ ನಮಗೆ ಬಹುತೇಕ ನೆನಪಾಗುವುದು ನಮ್ಮ ಐಟಿ/ಬಿಟಿ ಟೆಕ್ಕಿಗಳು, ಬೆಂಗಳೂರಿನಂತಹ ಮಹಾನಗರಗಳಲ್ಲಿ ನಡೆಯುವ ಮೋಜು ಮಸ್ತಿ, ಅವರ ಜೀವನ ಶೈಲಿಗಳು. ಅವರ ಸುತ್ತಾಟ, ಖರ್ಚು ವೆಚ್ಚ. ಆದರೆ ಇಂದಿನ ದಿನಗಳಲ್ಲಿ ವೀಕೆಂಡ್ ಅಂದರೆ ಜನತಾ ಕರ್ಫ಼್ಯೂ, ಚಪ್ಪಾಳೆ, ದೀಪ ಬೆಳಗಿಸುವುದು ಮತ್ತು ಮನೆಯಲ್ಲಿ ಕುಳಿತು ತಮ್ಮ ತಮ್ಮ ಮನೆಯವರ ಜೊತೆ ಸಮಯ ಕಳೆಯುವುದು.
ನಮ್ಮ ಉತ್ತಮ ಕನ್ನಡ ಸಿನಿಮಾಗಳು ಅಮೇಜ಼ಾನ್ ಪ್ರೈಮ್ನಲ್ಲಿ ಬಿಡುಗಡೆಯಾಗುತ್ತಿವೆ. ಈ ಸಾಲಿನಲ್ಲಿ ವೀಕೆಂಡ್ ಸಿನಿಮಾ ಒಂದು ವಿಶೇಷವಾದ ಸೇರ್ಪಡೆ ಅಮೇಜಾನ್ ಪ್ರೈಮ್ನಲ್ಲಿ. ವೀಕೆಂಡ್ ಸಿನಿಮಾ ಇಂದಿನ ಯುವಪೀಳಿಗೆಯು ಭವಿಷ್ಯದ ಬಗ್ಗೆ ಚಿಂತೆ ಇಲ್ಲದೆ ವರ್ತಮಾನದಲ್ಲೇ ಎಲ್ಲಾ ದುಂದುವೆಚ್ಚ ಮಾಡಿ ಎಲ್ಲವನ್ನೂ ಕಳೆದುಕೊಂಡು ಮುಂದೇನು ಎಂದು ದಾರಿ ತೋಚದೆ ಕೆಟ್ಟ ದಾರಿ ಹಿಡಿಯುವರಿಗೆ ಒಳ್ಳೆಯ ಮಾರ್ಗದರ್ಶನ ನೀಡುತ್ತದೆ.
ಸ್ವಾವಲಂಬನೆಯಿಂದ ಬದುಕು ನಡೆಸಲು ಒಳ್ಳೆಯ ಉದಾಹರಣೆ ನೀಡುತ್ತದೆ ಈ ವೀಕೆಂಡ್ ಸಿನಿಮಾ. 'ವೀಕೆಂಡ್' ಸಿನಿಮಾ ಮಯೂರ್ ಮೋಷನ್ ಪಿಕ್ಚರ್ಸ್ನ ಚೊಚ್ಚಲ ಕೊಡುಗೆ.