''ಕೊರೊನಾ ವಿ ವಿಲ್ ಕಿಲ್​ ಯೂ'' ಅಂದ್ರು ಗುರುಕಿರಣ್​.. ವಿಡಿಯೋ ವೈರಲ್​​

ವಿಶ್ವದಾದ್ಯಂತ ಹಲವಾರು ಕಲಾವಿದರು ಕೊರೊನಾ ವಿರುದ್ಧ ಒಂದೊಂದು ರೀತಿಯಲ್ಲಿ ಜಾಗೃತಿ ಮೂಡಿಸುತ್ತಿದ್ದಾರೆ. ಈಗ ಆ ಸಾಲಿಗೆ ಸ್ಯಾಂಡಲ್​ವುಡ್​ನ ಸಂಗೀತ ನಿರ್ದೇಶಕ, ಗಾಯಕ ಗುರುಕಿರಣ್​ ಸೇರ್ಪಡೆಯಾಗಿದ್ದಾರೆ.

ಬೆಂಗಳೂರು: ಕೊರೊನಾ ಮಹಾಮಾರಿ ವಿರುದ್ಧ ಜಗತ್ತೇ ಸಮರ ಸಾರಿದೆ. ಸಾರ್ವಜನಿಕ ವಲಯದಲ್ಲಿರುವವರು ತಮ್ಮದೇ ಆದ ರೀತಿಯಲ್ಲಿ ಕೊರೊನಾ ವಿರುದ್ಧ ಜಾಗೃತಿ ಮೂಡಿಸುತ್ತಿದ್ದಾರೆ. ಇದರ ಸಾಲಿಗೆ ಸ್ಯಾಂಡಲ್​ವುಡ್​ನ ಸಂಗೀತ ನಿರ್ದೇಶಕ, ಗಾಯಕ ಗುರುಕಿರಣ್​ ರಚಿಸಿರುವ ಹಾಡೊಂದು ಸೇರ್ಪಡೆಯಾಗಿದೆ.

''ಕೊರೊನಾ ವಿ ವಿಲ್​ ಕಿಲ್​ ಯು'' ಅನ್ನೋ ಹಾಡೊಂದನ್ನು ಗುರುಕಿರಣ್​ ರಚಿಸಿದ್ದು, ಈ ಹಾಡು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗ್ತಿದೆ. ಕ್ವಾರಂಟೈನ್​ನ ಕಾರಣದಿಂದಾಗಿ ಯಾವುದೇ ಸಾಹಿತಿ, ಸಹಾಯಕರಿಲ್ಲದೇ ಅವರೊಬ್ಬರೇ ಹಾಡನ್ನು ರಚಿಸಿ ಸಂಗೀತ ನೀಡಿದ್ದಾರೆ.

ಈ ಹಾಡು ಈಗ ಯೂಟ್ಯೂಬ್​ನಲ್ಲಿ ವೈರಲ್​ ಆಗುತ್ತಿದ್ದು, ನೆಟ್ಟಿಗರಿಂದ ಪ್ರಶಂಸೆಗೆ ಪಾತ್ರವಾಗಿದೆ. ಕೊರೊನಾ ವಿರುದ್ಧದ ಹೋರಾಟದಲ್ಲಿ ನಾವು ಗೆಲುತ್ತೇವೆ ಎಂಬ ಆಶಯವನ್ನು ಈ ಹಾಡು ಹೊಂದಿದ್ದು ಆದಷ್ಟು ಬೇಗ ಈ ಸಂಕಷ್ಟದಿಂದ ಹೊರಬರುತ್ತೇವೆ ಎಂದು ಗುರುಕಿರಣ್​ ಹಾಡಿನಲ್ಲಿ ಭರವಸೆ ವ್ಯಕ್ತಪಡಿಸಿದ್ದಾರೆ.

ಈಗಾಗಲೇ ಬಾಲಿವುಡ್​, ಟಾಲಿವುಡ್ ಸೇರಿದಂತೆ ಹಲವು ಭಾಷೆಗಳಲ್ಲಿ ಕಲಾವಿದರು ಕೊರೊನಾ ವಿರುದ್ಧ ಜಾಗೃತಿ ಮೂಡಿಸಲಾಗಿದೆ.