ಪತ್ನಿಯನ್ನೇ ಮತ್ತೆ ವಿವಾಹವಾದ ಪ್ರಕಾಶ್ ರಾಜ್​.. ಇದೆಲ್ಲಾ ಮಗನಿಗಾಗಿ ಎಂದ ನಟ..

ಪ್ರಕಾಶ್​ ತಮ್ಮ ಮೊದಲ ಪತ್ನಿ ಲಲಿತಾ ಕುಮಾರಿಗೆ 2009ರಲ್ಲಿ ವಿಚ್ಛೇದನ ನೀಡಿದ್ದರು. ನಂತರ 2010ರಲ್ಲಿ ಪೋನಿ ವರ್ಮಾರನ್ನು ವಿವಾಹವಾಗಿದ್ದಾರೆ. ನಿನ್ನೆ ಪೋನಿ ವರ್ಮಾರ ಜೊತೆ ಮೊದಲ ಪತ್ನಿಯ ಇಬ್ಬರು ಮಕ್ಕಳು ಸೇರಿ ಮೂವರು ಮಕ್ಕಳ ಜೊತೆ ತಮ್ಮ ವಿವಾಹ ವಾರ್ಷಿಕೋತ್ಸವ ಆಚರಿಸಿಕೊಂಡಿದ್ದಾರೆ..

ಬಹುಭಾಷಾ ನಟ ಪ್ರಕಾಶ್ ರಾಜ್​​ ಮತ್ತೊಮ್ಮೆ ವಿವಾಹವಾಗಿ ಸುದ್ದಿಯಾಗಿದ್ದಾರೆ. ಆದ್ರೆ, ಅವರ ಪತ್ನಿಯನ್ನೇ ಮತ್ತೆ ವಿವಾಹವಾಗಿರೋದು ವಿಶೇಷ. ಈ ಬಗ್ಗೆ ಅವರು ತಮ್ಮ ಟ್ವಿಟರ್ ಖಾತೆಯ​​​​ಲ್ಲಿ ಬರೆದುಕೊಂಡಿದ್ದು, ಮಗನಿಗಾಗಿ ಮತ್ತೊಮ್ಮೆ ವಿವಾಹವಾಗಿದ್ದೇನೆ ಎಂದಿದ್ದಾರೆ.

ಪ್ರಕಾಶ್ ರಾಜ್​ ನಿನ್ನೆ ತಮ್ಮ 11ನೇ ವಿವಾಹ ವಾರ್ಷಿಕೋತ್ಸವ ಆಚರಿಸಿಕೊಂಡಿದ್ದಾರೆ. ಹೀಗಾಗಿ, ತಮ್ಮ ಮಗನ ಆಸೆಯಂತೆ ವಿವಾಹದ ಕ್ಷಣವನ್ನು ಮತ್ತೆ ಮರುಕಳಿಸುವಂತೆ ಮಾಡಿದ್ದಾರೆ. ತಮ್ಮ ಪುತ್ರ ವೇದಾಂತ್​ಗೆ ನಮ್ಮ ವಿವಾಹ ನೋಡಬೇಕೆನ್ನುವ ಆಸೆಯಂತೆ. ಅದಕ್ಕಾಗಿ ಮತ್ತೆ ವಿವಾಹವಾಗಿದ್ದೇನೆ ಎಂದು ಬರೆದುಕೊಂಡಿದ್ದಾರೆ ಪ್ರಕಾಶ್ ರಾಜ್.

ಈ ಬಗ್ಗೆ ಟ್ವಿಟರ್​ನಲ್ಲಿ ಫೋಟೋಗಳನ್ನು ಹಂಚಿಕೊಂಡಿರುವ ಅವರು, ನಾವಿಂದು ಮಗನ ಆಸೆಯಂತೆ ಮತ್ತೊಮ್ಮೆ ವಿವಾಹವಾಗಿದ್ದೇವೆ ಎಂದು ಬರೆದುಕೊಂಡಿದ್ದಾರೆ. ಈ ಫೋಟೋಗಳು ಜಾಲತಾಣದಲ್ಲಿ ವೈರಲ್ ಆಗಿದ್ದರಿಂದಾಗಿ ಪ್ರಕಾಶ್​​ ರಾಜ್​ ಮತ್ತೆ ವಿವಾಹವಾಗಿದ್ದಾರಾ ಎಂಬ ಕುತೂಹಲಕ್ಕೂ ಕಾರಣವಾಗಿತ್ತು.

ಪ್ರಕಾಶ್​ ರಾಜ್ ತಮ್ಮ ಮೊದಲ ಪತ್ನಿ ಲಲಿತಾ ಕುಮಾರಿಗೆ 2009ರಲ್ಲಿ ವಿಚ್ಛೇದನ ನೀಡಿದ್ದರು. ನಂತರ 2010ರಲ್ಲಿ ಪೋನಿ ವರ್ಮಾರನ್ನು ವಿವಾಹವಾಗಿದ್ದರು. ನಿನ್ನೆ ಪೋನಿ ವರ್ಮಾರ ಜೊತೆ ಮೊದಲ ಪತ್ನಿಯ ಇಬ್ಬರು ಮಕ್ಕಳು ಸೇರಿ ಮೂವರು ಮಕ್ಕಳೊಂದಿಗೆ ತಮ್ಮ ವಿವಾಹ ವಾರ್ಷಿಕೋತ್ಸವ ಆಚರಿಸಿಕೊಂಡಿದ್ದಾರೆ.