ಸದ್ಯಕ್ಕೆ ಸ್ಯಾಂಡಲ್ವುಡ್ನಲ್ಲಿ ಹೊಸಬರ ಆಗಮನ ಒಂದು ಕಡೆಯಾದರೆ ಮತ್ತೊಂದು ಕಡೆ ಕಲಾತ್ಮಕ ಚಲನಚಿತ್ರಗಳ ಪ್ರಯೋಗ ನಡೆಯುತ್ತಿದೆ. ಇದರ ಜೊತೆಗೆ ಹೊಸ ಹೊಸ ಆಲ್ಬಮ್ ಸಾಂಗ್ಗಳು ಅಬ್ಬರವೂ ಸಹ ಜೋರಾಗಿದೆ.
'ಫಿದಾ' ಆಲ್ಬಂ ಬಿಡುಗಡೆ ಸಮಾರಂಭ
ಸಾಹಸಸಿಂಹ ವಿಷ್ಣುವರ್ಧನ್ ಅಭಿಮಾನಿಯ 'ಫಿದಾ' ಆಲ್ಬಂ ಬಿಡುಗಡೆ - undefined
ಡಾ. ವಿಷ್ಣುವರ್ಧನ್ ಅವರ ಅಭಿಮಾನಿ ಪೃಥ್ವಿರಾಜ್ ನಿರ್ಮಾಣ ಮಾಡಿ ಹಾಡಿರುವ 'ಫಿದಾ' ಆಲ್ಬಂ ಹಾಡನ್ನು ವಿಷ್ಣು ಅಳಿಯ ಅನಿರುಧ್ ಜತ್ಕರ್ ಬಿಡುಗಡೆ ಮಾಡಿ ಹೊಸಬರ ಪ್ರಯತ್ನಕ್ಕೆ ಶುಭ ಕೋರಿದ್ದಾರೆ.
ಪೃಥ್ವಿರಾಜ್
ರ್‍ಯಾಪರ್ ಚಂದನ್ ಶೆಟ್ಟಿ ರ್‍ಯಾಪ್ ಸಾಂಗ್ಗಳ ಮೂಲಕ ಯಾವಾಗ ಸ್ಯಾಂಡಲ್ವುಡ್ನಲ್ಲಿ ಸೌಂಡ್ ಮಾಡಿದರೋ ಅಂದಿನಿಂದ ಕನ್ನಡ ಚಿತ್ರರಂಗದಲ್ಲಿ ಆಲ್ಬಮ್ ಸಾಂಗ್ಗಳು ಪರ್ವ ಹೊಸ ತಿರುವು ಪಡೆದುಕೊಂಡಿತು.ಅದೇ ರೀತಿ ಈಗ ಪೃಥ್ವಿರಾಜ್ ಎಂಬ ಸಾಹಸಸಿಂಹನ ಅಭಿಮಾನಿಯೊಬ್ಬರು 'ಫಿದಾ' ಎಂಬ ಆಲ್ಬಮ್ ವಿಡಿಯೋ ಸಾಂಗ್ ರೆಡಿ ಮಾಡಿದ್ದು ವಿಷ್ಣು ಅವರ ಅಳಿಯ ಅನಿರುಧ್ ಜತ್ಕರ್ ಈ ಆಲ್ಪಮ್ ಬಿಡುಗಡೆ ಮಾಡಿ ತಂಡಕ್ಕೆ ಶುಭ ಹಾರೈಸಿದರು.
ಪೃಥ್ವಿರಾಜ್ ತಮ್ಮ ಸ್ನೇಹಿತರ ಜೊತೆಗೂಡಿ ಈ ಆಲ್ಬಂ ಸಾಂಗ್ ರೆಡಿ ಮಾಡಿದ್ದಾರೆ. ಸಾಹಿತಿ ಜಯಂತ್ ಕಾಯ್ಕಿಣಿ ಈ ಆಲ್ಬಂಗೆ ಸಾಹಿತ್ಯ ಬರೆದಿದ್ದಾರೆ. ಸ್ವತ: ಪೃಥ್ವಿರಾಜ್ ಅವರೇ ಈ ಹಾಡನ್ನು ಹಾಡಿದ್ದಾರೆ. ನಿರ್ಮಾಣ ಕೂಡಾ ಪೃಥ್ವಿರಾಜ್ ಅವರದ್ದೇ. ನಾಯಕಿಯಾಗಿ ಸಾತ್ವಿಕ ಅಯ್ಯಪ್ಪ ನಟಿಸಿದ್ದಾರೆ. ಬೆಂಗಳೂರು ಸುತ್ತಮುತ್ತ ಸುಮಾರು 5 ದಿನಗಳ ಕಾಲ ಶೂಟಿಂಗ್ ಮಾಡಲಾಗಿದೆ.