ವೆಬ್​ ಸೀರಿಸ್​ನಲ್ಲಿ ನಟನೆ: ಶಾಹಿದ್​​ಗಿಂತ ದುಬಾರಿಯಾದ ವಿಜಯ್​ ಸೇತುಪತಿ

ಬಾಲಿವುಡ್​ ಸೂಪರ್ ಸ್ಟಾರ್​ ಶಾಹಿದ್​ ಕಪೂರ್ ಮತ್ತು ತಮಿಳಿನ ಖ್ಯಾತ ನಟ ವಿಜಯ್​ ಸೇತುಪತಿ ಒಟ್ಟಾಗಿ ವೆಬ್​ ಸೀರಿಸ್​ನಲ್ಲಿ ನಟಿಸುತ್ತಿದ್ದಾರೆ. ಈ ವೆಬ್​ ಸೀರಿಸ್​ ರಾಜ್​ ಮತ್ತು ಡಿಕೆ ನಿರ್ದೇಶನದಲ್ಲಿ ಮೂಡಿ ಬರುತ್ತಿದ್ದು, ವೆಬ್​ ಸೀರಿಸ್​ನಲ್ಲಿ ನಟಿಸಲು ಇಬ್ಬರು ನಟರೂ ಭಾರಿ ಮೊತ್ತದ ಸಂಭಾವನೆ ಪಡೆದಿದ್ದಾರೆ.

ಹೈದರಾಬಾದ್:ಕಬೀರ್ ಸಿಂಗ್ ಸಿನಿಮಾದ ಭರ್ಜರಿ ಯಶಸ್ಸಿನ ನಂತರ ಬಾಲಿವುಡ್​ ಸೂಪರ್ ಸ್ಟಾರ್​ ಶಾಹಿದ್​ ಕಪೂರ್​ ಹೊಸದೊಂದು ಪ್ರಯತ್ನಕ್ಕೆ ಕೈ ಹಾಕಿದ್ದು, ವೆಬ್​ ಸೀರಿಸ್​ನಲ್ಲಿ ನಟಿಸಲು ಮುಂದಾಗಿದ್ದಾರೆ.

ಶಾಹಿದ್​ ಕಪೂರ್​ ಮತ್ತು ನಟಿ ರಾಶಿ ಖನ್ನಾ

ಈ ವೆಬ್​ ಸಿರೀಸ್​ ರಾಜ್​ ಮತ್ತು ಡಿಕೆ ನಿರ್ದೇಶನದಲ್ಲಿ ಮೂಡಿ ಬರುತ್ತಿದ್ದು, ಇದರಲ್ಲಿ ನಟ ಶಾಹಿದ್​​ ಹಾಗೂ ತಮಿಳಿನ ಖ್ಯಾತ ನಟ ವಿಜಯ್​ ಸೇತುಪತಿ ನಟಿಸುತ್ತಿದ್ದಾರೆ. ವಿಜಯ್ ನಟಿಸುವುದು ಬಹುತೇಕ ಖಚಿತವಾಗಿದ್ದು, ಗೋವಾದಲ್ಲಿ ಚಿತ್ರೀಕರಣ ಮಾಡಲು ತಂಡ ಪ್ಲಾನ್ ಮಾಡಿದೆ. ಆಕ್ಷನ್, ಥ್ರಿಲ್ಲರ್ ಸರಣಿಯಾಗಿದ್ದು, ವಿಜಯ್ ಸೇತುಪತಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎನ್ನಲಾಗುತ್ತಿದೆ.

ಚಿತ್ರದಂಡದೊಂದಿಗೆ ನಟ ಶಾಹಿದ್​ ಕಪೂರ್​

ಇಬ್ಬರು ನಟರು ಈ ವೆಬ್ ಸೀರಿಸ್ ಗಾಗಿ ಭರ್ಜರಿ ಮೊತ್ತದ ಸಂಭಾವನೆ ಪಡೆದಿದ್ದಾರೆ ಎನ್ನುವ ಸುದ್ದಿ ಹರಿದಾಡುತ್ತಿದ್ದು, ಶಾಹಿದ್​ ಕಪೂರ್​ ಅವರು ಬರೋಬ್ಬರಿ 40 ಕೋಟಿ ರೂ. ಹಾಗೂ ವಿಜಯ್​ ಸೇತುಪತಿ 55 ಕೋಟಿ ಸಂಭಾವನೆ ಪಡೆದಿದ್ದಾರೆ ಎನ್ನಲಾಗುತ್ತಿದೆ.

ಇನ್ನು ವೆಬ್ ಸಿರೀಸ್​ನ ಶೀರ್ಷಿಕೆ ಅಂತಿಮವಾಗಿಲ್ಲ. ಶಾಹಿದ್ ಮತ್ತು ವಿಜಯ್ ಅವರಲ್ಲದೆ ಮುಂಬರುವ ಎಪಿಸೋಡ್​ಗಳಲ್ಲಿ ನಟಿ ರಾಶಿ ಖನ್ನಾ ಕೂಡ ನಟಿಸುತ್ತಿದ್ದು, ಜ.25 ರಂದು ಗೋವಾದಲ್ಲಿ ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಸದ್ಯದಲ್ಲೇ ಟೈಟಲ್ ಫೈನಲ್ ಆಗಲಿದ್ದು, ಹೆಚ್ಚಿನ ವಿವರವನ್ನು ತಂಡ ಬಹಿರಂಗ ಪಡಿಸಲಿದೆ.