ಚಿತ್ರ ನಿರ್ಮಾಣಕ್ಕೆ ಕೈ ಹಾಕಿದ ವಿಜಯ್ ದೇವರಕೊಂಡ

ಡಿಯರ್ ಕಾಮ್ರೇಡ್ ನಂತರ ನಟ ವಿಜಯ್ ದೇವರಕೊಂಡ ಯಾವುದೇ ಸಿನಿಮಾ ಒಪ್ಪಿಕೊಂಡಿಲ್ಲ. ಬದಲಾಗಿ ಸಿನಿಮಾ ನಿರ್ಮಾಣಕ್ಕೆ ಕೈ ಹಾಕಿದ್ದಾರೆ.

ಟಾಲಿವುಡ್ ನಟ ವಿಜಯ ದೇವರಕೊಂಡ ಅಭಿನಯದ ಜತೆಗೆ ಚಿತ್ರ ನಿರ್ಮಾಣಕ್ಕೂ ಕಾಲಿಟ್ಟಿದ್ದಾರೆ.

ಅರ್ಜುನ್ ರೆಡ್ಡಿ ಹಾಗೂ ಗೀತಗೋವಿಂದಂ ಸಿನಿಮಾಗಳ ಸ್ಟಾರ್ ನಟ ವಿಜಯ್​ ಈಗ ವೃತ್ತಿ ಜೀವನದಲ್ಲಿ ಮತ್ತೊಂದು ಹೆಜ್ಜೆ ಇಟ್ಟಿದ್ದಾರೆ. ಸಿನಿಮಾ ನಿರ್ಮಾಪಕರಾಗಿ ಬಡ್ತಿ ಪಡೆದಿದ್ದಾರೆ. ತಮ್ಮದೆಯಾದ ಪ್ರೊಡಕ್ಷನ್ ಹೌಸ್ 'ಕಿಂಗ್ ಆಫ್​ ಹಿಲ್ಸ್' ತೆರೆದಿರುವ ವಿಜಯ್​, ಮೊದಲ ಸಿನಿಮಾದ ಹೆಸರನ್ನು ರಿವೀಲ್ ಮಾಡಿದ್ದಾರೆ. 'ಮೀಕು ಮಾತ್ರಮೇ ಚೆಪ್ತಾ 'ಇದು ವಿಜಯ್ ದೇವರಕೊಂಡ ನಿರ್ಮಿಸುತ್ತಿರುವ ಸಿನಿಮಾ.

ಇನ್ನು ತಾವು ನಿರ್ಮಾಪಕರಾಗುತ್ತಿರುವ ವಿಚಾರವನ್ನು ವಿಡಿಯೋ ಮೂಲಕ ಅಭಿಮಾನಿಗಳಿಗೆ ತಿಳಿಸಿದ್ದಾರೆ ವಿಜಯ್. ಅವರ ಈ ಹೊಸ ಪ್ರಯತ್ನಕ್ಕೆ ಅಭಿಮಾನಿಗಳಿಂದ ಭಾರಿ ಪ್ರೋತ್ಸಾಹ ಸಹ ಸಿಕ್ಕಿದೆ.