ಅರ್ಜುನ್ ರೆಡ್ಡಿ, ಗೀತ ಗೋವಿಂದಂ, ಡಿಯರ್ ಕಾಮ್ರೇಡ್ ಸಿನಿಮಾಗಲ್ಲಿ ಮಿಂಚಿರುವ ವಿಜಯ್ ದೇವರಕೊಂಡ ಹ್ಯಾಂಡ್ಸಮ್ ಲುಕ್ ಹಾಗೂ ನಟನೆಗೆ ಕೇವಲ ತೆಲುಗು ಭಾಷಿಗರಲ್ಲದೆ ದಕ್ಷಿಣ ಭಾರತದ ಹಲವರು ಫಿದಾ ಆಗಿದ್ದಾರೆ.
ಇದೀಗ ವಿಜಯ್ ದೇವರಕೊಂಡ, ಪುರಿ ಜಗನ್ನಾಥ್ ನಿರ್ದೇಶನದ 'ಫೈಟರ್' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇದು ಹಳೆ ಸುದ್ದಿ. ಆದ್ರೆ ಫೈಟರ್ ಸಿನಿಮಾವನ್ನು ಪ್ಯಾನ್ ಇಂಡಿಯಾ ಚಿತ್ರವನ್ನಾಗಿಸಬೇಕು ಎಂಬ ಮಾತುಕತೆಗಳು ಚಿತ್ರತಂಡದಿಂದ ನಡೆಯುತ್ತಿವೆ. ಅಲ್ಲದೆ ಈ ಸಿನಿಮಾ ಮೂಲಕ ವಿಜಯ್ ದೇವರಕೊಂಡ ಬಾಲಿವುಡ್ಗೂ ಎಂಟ್ರಿ ಕೊಡುತ್ತಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ. ಇದಕ್ಕೆ ಕಾರಣ ಫೈಟರ್ ನಿರ್ಮಾಪಕ ಚಾರ್ಮಿ ಮತ್ತು ಬಾಲಿವುಡ್ ಖ್ಯಾತ ನಿರ್ಮಾಪಕ ಕರಣ್ ಜೋಹರ್ ನಡುವೆ ನಡೆದಿರುವ ಮಾತುಕತೆ. ಈ ಚಿತ್ರದ ಶೂಟಿಂಗ್ ಜನವರಿಯಿಂದ ಪ್ರಾರಂಭವಾಗುವ ಸಾಧ್ಯತೆಗಳಿವೆ.