ಲವರ್ ಬಾಯ್ ವಿಜಯ್ ದೇವರಕೊಂಡ ಈಗ 'ವರ್ಲ್ಡ್ ಫೇಮಸ್ ಲವರ್' ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಚಿತ್ರದಲ್ಲಿ ಐಶ್ವರ್ಯ ರಾಜೇಶ್, ವಿಜಯ್ಗೆ ಜೋಡಿಯಾಗಿ ನಟಿಸುತ್ತಿದ್ದಾರೆ. ಚಿತ್ರವನ್ನು ಕ್ರಾಂತಿ ಮಾಧವ್ ನಿರ್ದೇಶಿಸುತ್ತಿದ್ದಾರೆ.
ವಿಜಯ್ ದೇವರಕೊಂಡ ಹೊಸ ಸಿನಿಮಾ ಪೋಸ್ಟರ್ ನೋಡಿ ಪ್ರೇಕ್ಷಕರು ಆಶ್ಚರ್ಯಪಟ್ಟಿದ್ದೇಕೆ..? - ವಿಜಯ್ ದೇವರಕೊಂಡ ಹೊಸ ಚಿತ್ರದ ಪೋಸ್ಟರ್ ರಿಲೀಸ್
'ಗೀತಗೋವಿಂದಂ' ಚಿತ್ರದಲ್ಲಿ ನಾಯಕಿ ಗೀತಾ ತಲೆಕೂದಲು ಆರಿಸಿಕೊಳ್ಳುವಾಗ ನಾಯಕ ಗೋವಿಂದ ಆಕೆಯೊಂದಿಗೆ ರೊಮ್ಯಾನ್ಸ್ ಮಾಡುವ ದೃಶ್ಯ ಪಡ್ಡೆಗಳಿಗೆ ಬಹಳ ಇಷ್ಟವಾಗಿತ್ತು. ಇದೀಗ 'ವರ್ಲ್ಡ್ ಫೇಮಸ್ ಲವರ್' ಸಿನಿಮಾದಲ್ಲಿ ಕೂಡಾ ಇದೇ ದೃಶ್ಯವಿದೆ.
ವಿಜಯ್ ದೇವರಕೊಂಡ ಹೊಸ ಸಿನಿಮಾ ಪೋಸ್ಟರ್
ಇತ್ತೀಚೆಗೆ ಈ ಸಿನಿಮಾದ ಪೋಸ್ಟರ್ ಒಂದನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ. 'ಗೀತಗೋವಿಂದಂ' ಚಿತ್ರದಲ್ಲಿ ನಾಯಕಿ ಗೀತಾ ತಲೆಕೂದಲು ಆರಿಸಿಕೊಳ್ಳುವಾಗ ನಾಯಕ ಗೋವಿಂದ ಆಕೆಯೊಂದಿಗೆ ರೊಮ್ಯಾನ್ಸ್ ಮಾಡುವ ದೃಶ್ಯ ಪಡ್ಡೆಗಳಿಗೆ ಬಹಳ ಇಷ್ಟವಾಗಿತ್ತು.
ಪ್ರತಿ ಹುಡುಗನಿಗೂ ಇದೇ ರೀತಿಯ ಹೆಂಡತಿ ಸಿಗಬೇಕು, ಪ್ರತಿ ಹುಡುಗಿಗೂ ಗೋವಿಂದ್ನಂತ ಪತಿ ಸಿಗಬೇಕು ಎಂದೆಲ್ಲಾ ಅಭಿಮಾನಿಗಳು ಮಾತನಾಡಿಕೊಂಡಿದ್ದರು. ಇದೀಗ 'ವರ್ಲ್ಡ್ ಫೇಮಸ್ ಲವರ್' ಸಿನಿಮಾದಲ್ಲಿ ಕೂಡಾ ಇದೇ ದೃಶ್ಯವಿದೆ. ನಾಯಕಿ ಐಶ್ವರ್ಯ ರಾಜೇಶ್ ತಲೆಗೆ ಟವೆಲ್ ಸುತ್ತಿಕೊಂಡು ತರಕಾರಿ ಹೆಚ್ಚುವಾಗ, ನಾಯಕ ಸೀನು ರೊಮ್ಯಾನ್ಸ್ ಮಾಡುವ ದೃಶ್ಯ 'ಗೀತಗೋವಿಂದಂ' ದೃಶ್ಯವನ್ನು ನೆನಪಿಸುತ್ತದೆ. ಈ ಪೋಸ್ಟರ್ ನೋಡಿದ ಪ್ರೇಕ್ಷಕರು 'ಆಗ ಗೀತ ಜೊತೆ ಹಾಗೆ..ಈಗ ಸುವರ್ಣ ಜೊತೆ ಹೀಗೆ' ಎಂದು ವ್ಯಂಗ್ಯಭರಿತ ಪ್ರತಿಕ್ರಿಯೆಗಳನ್ನುನೀಡುವುದರ ಜೊತೆಗೆ ಈ ಫೋಸ್ಟರ್ಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.