ತಡೋಬ ರಾಷ್ಟ್ರೀಯ ಉದ್ಯಾನವನಕ್ಕೆ ಭೇಟಿ ನೀಡಿದ ಸಮಂತಾ - ನಾಗಚೈತನ್ಯ

ಮಹಾರಾಷ್ಟ್ರದ ಹುಲಿ ಸಂರಕ್ಷಿತ ಪ್ರದೇಶ, ತಡೋಬ ರಾಷ್ಟ್ರೀಯ ಉದ್ಯಾನಕ್ಕೆ ಟಾಲಿವುಡ್ ನಟ ನಾಗಚೈತನ್ಯ ಹಾಗೂ ಸಮಂತಾ ಭೇಟಿ ನೀಡಿದ್ದಾರೆ. ಎರಡು ದಿನಗಳ ಕಾಲ ಇಲ್ಲಿ ಉಳಿದುಕೊಂಡು ಸುಂದರ ಪ್ರಕೃತಿಯನ್ನು ಎಂಜಾಯ್ ಮಾಡಿದ್ದಾರೆ.

ಟಾಲಿವುಡ್​ ನಟ ನಾಗಚೈತನ್ಯ ತಮ್ಮ ಪತ್ನಿ ಸಮಂತಾ ಜೊತೆ ಮಹಾರಾಷ್ಟ್ರದ ತಡೋಬ ರಾಷ್ಟ್ರೀಯ ಉದ್ಯಾನಕ್ಕೆ ಭೇಟಿ ನೀಡಿದ್ದಾರೆ. ತಡೋಬ, ಭಾರತ ಅತಿದೊಡ್ಡ ಹುಲಿ ಸಂರಕ್ಷಿತ ಪ್ರದೇಶಗಳಲ್ಲಿ ಒಂದು. ಸಮಂತಾ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ತಡೋಬದ ಸುಂದರ ತಾಣಗಳ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ಅರಣ್ಯ ಪ್ರದೇಶದಲ್ಲೇ ಉಳಿದುಕೊಂಡಿದ್ದ ಈ ಸೆಲಬ್ರಿಟಿ ಜೋಡಿ, ಹುಲಿಗಳನ್ನು ಬಹಳ ಹತ್ತಿರದಿಂದ ನೋಡಿ ಥ್ರಿಲ್ ಆಗಿದ್ದಾರೆ. ಶನಿವಾರ ಹಾಗೂ ಭಾನುವಾರ ಎರಡೂ ದಿನಗಳು ಇಬ್ಬರೂ ಸಫಾರಿಯನ್ನು ಎಂಜಾಯ್ ಮಾಡಿದ್ದಾರೆ. ಲಾಕ್​ಡೌನ್ ತೆರವಾದ ನಂತರ ಮೃಗಾಲಯಗಳು ಹಾಗೂ ರಾಷ್ಟ್ರೀಯ ಉದ್ಯಾನವನಗಳನ್ನು ಪ್ರವಾಸಿಗರಿಗಾಗಿ ತೆರೆಯಲಾಗಿದೆ. ಕೊರೊನಾ ಲಾಕ್​​​ಡೌನ್​​​ನಿಂದ ಹೊರಗೆ ಹೋಗಲು ಸಾಧ್ಯವಾಗದೆ ಹೈರಾಣಾಗಿದ್ದ ಜನರು ಈ ಸುಂದರ ಸ್ಥಳಗಳಿಗೆ ಭೇಟಿ ನೀಡುತ್ತಿದ್ದಾರೆ.

ತಡೋಬಕ್ಕೆ ಭೇಟಿ ನೀಡಿದ್ದ ನಾಗಚೈತನ್ಯ, ಸಮಂತಾ

ಸಮಂತಾ ಹಾಗೂ ನಾಗಚೈತನ್ಯ ಕೂಡಾ ಬಹಳ ದಿನಗಳ ನಂತರ ಹೊರಗೆ ಸುತ್ತಾಡಿ ಸಂತೋಷ ವ್ಯಕ್ತಪಡಿಸಿದ್ದಾರೆ. ಇಬ್ಬರೂ ಪರಿಸರ ಪ್ರೇಮಿಗಳಾಗಿದ್ದು ರಿಲ್ಯಾಕ್ಸ್ ಮಾಡಲು ಈ ಸ್ಥಳಕ್ಕೆ ಬಂದಿದ್ದಾರೆ.