'ನಮ್ ಏರಿಯಾದಲ್ಲಿ ಒಂದು ದಿನ' 'ಸಿಂಪಲ್ಲಾಗ್ ಒಂದು ಲವ್ ಸ್ಟೋರಿ' ಹೇಳಿ 'ರಿಕಿ' ಜೊತೆ 'ಉಳಿದವರು ಕಂಡಂತೆ' ಜೋರಾಗಿ 'ಕಿರಿಕ್ ಪಾರ್ಟಿ' ಮಾಡಿ 'ಅವನೇ ಶ್ರೀಮನ್ನಾರಾಯಣ' ಜತೆ 'ಪುಣ್ಯಕೋಟಿ' ಕಥೆ ಹೇಳಲು ಸಜ್ಜಾಗಿರುವ ರಕ್ಷಿತ್ಗೆ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್, ನಿರ್ದೇಶಕ ಸಿಂಪಲ್ ಸುನಿ, ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನ್ ಸೇರಿದಂತೆ ಸಾಕಷ್ಟು ತಾರೆಯರು ಹ್ಯಾಪಿ ಹುಟ್ದಬ್ಬ ಹೇಳಿದ್ದಾರೆ.
ಹುಟ್ಟುಹಬ್ಬದ ಸಡಗರದಲ್ಲಿರುವ ರಕ್ಷಿತ್ಗೆ ಶ್ರೀಮನ್ನಾರಾಯಣ ಚಿತ್ರತಂಡ ನ್ಯೂ ಲುಕ್ ರಿಲೀಸ್ ಮಾಡಿ ಉಡುಗೊರೆ ನೀಡಿದೆ. ಅದರಂತೆ ಅವರ ಚಾರ್ಲಿ 777 ಚಿತ್ರತಂಡದಿಂದಲೂ ವಿಶ್ ಬಂದಿದೆ. ಆಗಸ್ಟ್ನಲ್ಲಿ ರಿಲೀಸ್ ಆಗಲಿರುವ ಅವನೇ ಶ್ರೀಮನ್ನಾರಾಯಣ ಚಿತ್ರದ ಎರಡನೇ ಟೀಸರ್ ಇಂದು ಸಂಜೆ ರಿಲೀಸ್ ಆಗಲಿದೆ. ಕಿರಿಕ್ ಪಾರ್ಟಿ ನಂತರ ಮೂರು ವರ್ಷಗಳ ಗ್ಯಾಪ್ ಬಳಿಕ ಅವನೇ ಶ್ರೀಮನ್ನಾರಾಯಣನಾಗಿ ಪ್ರೇಕ್ಷಕರ ಎದುರು ಹಾಜರಾಗುತ್ತಿದ್ದಾರೆ ರಕ್ಷಿತ್. ಮತ್ತೊಂದು ವಿಶೇಷ ಏನಂದ್ರೆ ಕಳೆದ ವರ್ಷ ಸೋಷಿಯಲ್ ಮೀಡಿಯಾದಿಂದ ನಿರ್ಗಮಿಸಿದ್ದ ರಕ್ಷಿತ್ ಶೆಟ್ಟಿ ಇಂದು ಮತ್ತೆ ರೀ-ಎಂಟ್ರಿ ಕೊಡುತ್ತಿದ್ದಾರೆ.