ಅಪ್ಪನ ಜತೆಯಿರುವ ಈ ಮುದ್ದು ಕನ್ನಡದ ಕಂದ ಈಗ ತೆಲುಗಿನ ಫೇಮಸ್ ಹಿರೋಯಿನ್​

'ವಜ್ರಕಾಯ' ಸಿನಿಮಾದಿಂದ ಸಿನಿ ಕರಿಯರ್ ಆರಂಭಿಸಿದ ನಭಾ ನಟೇಶ್ ಈಗ ಕನ್ನಡಕ್ಕಿಂತ ಹೆಚ್ಚಾಗಿ ತೆಲುಗಿನಲ್ಲೇ ಗುರುತಿಸಿಕೊಂಡಿದ್ದಾರೆ. ಇತ್ತೀಚೆಗೆ ಬಿಡುಗಡೆಯಾದ ಇವರ 'ಇಸ್ಮಾರ್ಟ್ ಶಂಕರ್' ಬಾಕ್ಸ್ ಆಫೀಸಿನಲ್ಲಿ ಸದ್ದು ಮಾಡುತ್ತಿದೆ.

ಈ ಫೋಟೋದಲ್ಲಿ ತನ್ನ ಪುಟ್ಟ ಕೈಗಳಿಂದ ಅಪ್ಪನ ಕತ್ತು ಬಳಸಿ ನಗುತ್ತಾ ಫೋಟೋಗೆ ಫೋಸ್ ನೀಡಿರುವ ಈ ಮುದ್ದು ಪುಟಾಣಿ ಈಗ ಸ್ಯಾಂಡಲ್​​​ವುಡ್​ಗಿಂತ ಟಾಲಿವುಡ್​​​ನಲ್ಲಿ ಹೆಚ್ಚು ಸದ್ದು ಮಾಡುತ್ತಿರುವ ನಟಿ.

ಶಿವರಾಜ್​​​​ಕುಮಾರ್ ಅಭಿನಯದ 'ವಜ್ರಕಾಯ' ಚಿತ್ರದಿಂದ ಕೆರಿಯರ್ ಆರಂಭಿಸಿದ ನಭಾ ನಟೇಶ್ ಬಾಲ್ಯದ ಫೋಟೋ ಇದು. ಚಿಕ್ಕಮಗಳೂರಿನ ಶೃಂಗೇರಿಗೆ ಸೇರಿದ ನಭಾ ನಟೇಶ್ ಎಂಜಿನಿಯರಿಂಗ್ ಪದವೀಧರೆ. ಕಾಲೇಜು ದಿನಗಳಿಂದಲೇ ಮಾಡೆಲಿಂಗ್ ಮಾಡುತ್ತಿದ್ದ ನಭಾಗೆ 19ನೇ ವಯಸ್ಸಿನಲ್ಲೇ ಸೆಂಚುರಿ ಸ್ಟಾರ್ ಶಿವರಾಜ್​ಕುಮಾರ್ ಜೊತೆ ನಟಿಸುವ ಅವಕಾಶ ದೊರೆಯಿತು. 'ವಜ್ರಕಾಯ' ಚಿತ್ರದಲ್ಲಿ ನಭಾ ನಟನೆಗೆ ಭಾರೀ ಪ್ರಶಂಸೆ ವ್ಯಕ್ತವಾಯಿತು. ಈ ಚಿತ್ರದಲ್ಲಿ 'ಬೆಸ್ಟ್​ ಡೆಬ್ಯೂ ಆ್ಯಕ್ಟ್ರಸ್​​​' ವಿಭಾಗದಲ್ಲಿ ಫಿಲಂಫೇರ್ ಪ್ರಶಸ್ತಿ ಕೂಡಾ ನಭಾಗೆ ದೊರೆಯಿತು.

ಕನ್ನಡದಲ್ಲಿ 3 ಚಿತ್ರಗಳಲ್ಲಿ ನಟಿಸಿದ ನಭಾಗೆ ಟಾಲಿವುಡ್​​​​ನಿಂದ ಕೂಡಾ ಆಫರ್ ಬಂತು. ರವಿಬಾಬು ನಿರ್ದೇಶನದ 'ಅಧುಗೋ' ಸಿನಿಮಾದಿಂದ ತೆಲುಗು ಸಿನಿಮಾ ಇಂಡಸ್ಟ್ರಿಗೆ ಕಾಲಿಟ್ಟ ನಭಾ ನಂತರ ಸುಧೀರ್ ಬಾಬು ಜೊತೆ 'ನನ್ನು ದೋಚುಕುಂದುವಟೇ' ರಾಮ್​​ ಪೋತಿನೇನಿ ಜೊತೆ 'ಇಸ್ಮಾರ್ಟ್ ಶಂಕರ್' ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಕಳೆದ ವಾರ ಬಿಡುಗಡೆಯಾದ 'ಇಸ್ಮಾರ್ಟ್ ಶಂಕರ್' ಬಾಕ್ಸ್ ಆಫೀಸಿನಲ್ಲಿ ಸದ್ದು ಮಾಡುತ್ತಿದೆ.