ಅಮೆರಿಕದ ಖ್ಯಾತ ನಟಿ, 'ಎ ವ್ಯೂ ಟು ಕಿಲ್' ಸಿನಿಮಾ ಖ್ಯಾತಿಯ ತನ್ಯ ರಾಬರ್ಟ್ ಅಕಾಲಿಕ(65) ಮರಣ ಹೊಂದಿದ್ದಾರೆ.
'ಧಟ್ಸ್ 70 ಶೋ' ಎಂಬ ಟಿವಿ ಕಾರ್ಯಕ್ರಮದ ಮೂಲಕ ಜನಪ್ರಿಯತೆ ಕಂಡುಕೊಂಡಿದ್ದ ತನ್ಯ ರಾಬರ್ಟ್ ಮೂತ್ರಪಿಂಡದ ಸೋಂಕಿನಿಂದ ಸಾವನ್ನಪ್ಪಿದ್ದಾರೆ ಎಂದು ಆಕೆಯ ಪ್ರತಿನಿಧಿ ಮೈಕ್ ಪಿಂಗಲ್ ತಿಳಿಸಿದ್ದಾರೆ.
ಕಳೆದ ಕ್ರಿಸ್ಮಸ್ ಹಬ್ಬದಂದು ತಮ್ಮ ನಾಯಿಯನ್ನು ವಾಕಿಂಗ್ ಕರೆದೊಯ್ದಿದ್ದರು. ಆ ವೇಳೆ ಕುಸಿದು ಬಿದ್ದಿದ್ದಾರೆ. ತಕ್ಷಣ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು ವೆಂಟಿಲೇಟರ್ ಅಳವಡಿಸಲಾಗಿತ್ತು. ಆದ್ರೂ ಕೂಡ ಚಿಕಿತ್ಸೆ ಫಲಕಾರಿಯಾಗದೇ ನಟಿ ಸಾವನ್ನಪ್ಪಿದ್ದಾರೆ.
ತಮ್ಮ ವೃತ್ತಿ ಜೀವನದ ಆರಂಭದಲ್ಲಿ ಮಾಡೆಲಿಂಗ್ ಮತ್ತು ಜಾಹೀರಾತುಗಳಲ್ಲಿ ನಟಿಸುತ್ತಿದ್ದ ರಾಬರ್ಟ್, 'ಫೋರ್ಸ್ಡ್ ಎಂಟ್ರಿ' ಎಂಬ ಹಾರರ್ ಸಿನಿಮಾ ಮೂಲಕ 1975ರಿಂದ ಚಿತ್ರರಂಗಕ್ಕೆ ಪ್ರವೇಶ ಮಾಡಿದ್ದಾರೆ.
