ಕರೀನಾ ಜೊತೆ ಇನ್​ಸ್ಟಾದಲ್ಲಿ ಕಾಣಿಸಿಕೊಂಡ ತೈಮೂರ್: ಮುದ್ದಾದ ಫೋಟೋಗೆ ಲೈಕುಗಳ ಸುರಿಮಳೆ

ಕರೀನಾ ತಮ್ಮ ಇನ್​ಸ್ಟಾ ಖಾತೆಗೆ ಹೊಸ ಫೋಟೋ ಅಪ್​ಲೋಡ್​ ಮಾಡಿದ್ದು, ಆ ಚಿತ್ರಕ್ಕೆ ಕಮೆಂಟ್​​ ಮತ್ತು ಲೈಕ್​ಗಳ ಸುರಿಮಳೆಯೇ ಆಗುತ್ತಿದೆ.

ಇಷ್ಟು ದಿನ ಅನಾಮಧೇಯ ಇನ್​ಸ್ಟಾಗ್ರಾಮ್​ ಬಳಸುತ್ತಿದ್ದ ಬಾಲಿವುಡ್​ ಬೆಡಗಿ ಕರೀನಾ ಕಪೂರ್​​ ಇದೀಗ ತಮ್ಮದೇ ಆದ ಅಧಿಕೃತ ಇನ್​ಸ್ಟಾಗ್ರಾಮ್​ ಖಾತೆ ತೆರೆದಿದ್ದಾರೆ. ಇವರಿಗೆ ನಿನ್ನೆಯಷ್ಟೇ ಬ್ಲೂ ಮಾರ್ಕ್​​ ಸಿಕ್ಕಿದ್ದು, ಸದ್ಯ 1 ಮಿಲಿಯನ್​​ಗಿಂತಲೂ ಅಧಿಕ ಫಾಲೋವರ್ಸ್​​​ ಇದ್ದಾರೆ.

ಕರೀನಾ ತಮ್ಮ ಇನ್​ಸ್ಟಾ ಖಾತೆಗೆ ಹೊಸ ಫೋಟೋ ಅಪ್​ಲೋಡ್​ ಮಾಡಿದ್ದು, ಆ ಚಿತ್ರಕ್ಕೆ ಕಮೆಂಟ್​​ ಮತ್ತು ಲೈಕ್​ಗಳ ಸುರಿಮಳೆಯೇ ಆಗುತ್ತಿದೆ. ಹೌದು, ಮಗ ತೈಮೂರ್​ ಕರೀನಾ ಹೆಗಲ ಮೇಲೆ ಮಲಗಿ ವಿಶ್ರಾಂತಿಸುತ್ತಿರುವ ಫೋಟೋವನ್ನು ಅವರು ಅಪ್​ಲೋಡ್​​ ಮಾಡಿದ್ದಾರೆ. ಈ ಫೋಟೋವನ್ನು ಅವಿನಾಶ್​​ ಗೌರೀಕರ್​ ಸಿನಿಮಾವೊಂದರ ಚಿತ್ರೀಕರಣ ವೇಳೆ ಕ್ಯಾಪ್ಚರ್​​ ಮಾಡಿದ್ದಾರೆ.

ಫೋಟೋಗೆ ಒಂದೊಳ್ಳೆ ಕ್ಯಾಪ್ಶನ್​ ಕೊಟ್ಟಿರುವ ಬೆಬೊ, ನನ್ನ ಮಗ ನನ್ನ ಜೊತೆ ಯಾವಾಗಲೂ ಇದ್ದೇ ಇರುತ್ತಾನೆ ಎಂದು ಬರೆದಿದ್ದಾರೆ. ಕರೀನಾ ಸ್ನೇಹ ಬಳಗ ಹಾಗೂ ಅಭಿಮಾನಿ ಬಳಗದಿಂದ ಫೋಟೋಗೆ ಭರಪೂರ​​ ಲೈಕ್​ಗಳು ಬರ್ತಿವೆ.

ಅಂತೂ ಬ್ಯಾಗ್​ನಿಂದ ಬೆಕ್ಕು ಹೊರಕ್ಕೆ ಬಂತು ಎಂದು ಹೇಳುವ ಮೂಲಕ ನಿನ್ನೆ ಇನ್​ಸ್ಟಾಗ್ರಾಮ್​ಗೆ ಕರೀನಾ ಪದಾರ್ಪಣೆ ಮಾಡಿದ್ದರು. ​​