ಕಳೆದ ವರ್ಷ ಒಟಿಟಿ ಪ್ಲಾಟ್ಫಾರ್ಮ್ನಲ್ಲಿ ಬಿಡುಗಡೆಯಾದ ಸಿನಿಮಾಗಳ ಪೈಕಿ ಸೂರ್ಯ ಅಭಿನಯದ 'ಸೂರರೈ ಪೊಟ್ರು' ಸಿನಿಮಾ ಪ್ರೇಕ್ಷಕರ ಮೆಚ್ಚುಗೆ ಗಳಿಸಿತ್ತು. ಕನ್ನಡಿಗ ಕ್ಯಾಪ್ಟನ್ ಗೋಪಿನಾಥ್ ಜೀವನಾಧಾರಿತ ಸಿನಿಮಾವನ್ನು ಮೆಚ್ಚಿದ ಅಭಿಮಾನಿಗಳು ಚಿತ್ರಕ್ಕೆ ಫುಲ್ ಮಾರ್ಕ್ಸ್ ನೀಡಿದ್ದರು. ಇದೀಗ ಈ ಸಿನಿಮಾ ಆಸ್ಕರ್ ಸ್ಪರ್ಧೆಯಲ್ಲಿ ಭಾಗವಹಿಸುತ್ತಿದೆ.
2021 ರಲ್ಲಿ ನಡೆಯಲಿರುವ ಆಸ್ಕರ್ ಸ್ಪರ್ಧೆಯಲ್ಲಿ ಭಾಗವಹಿಸಲು ಈ ಸಿನಿಮಾ ಎಂಟ್ರಿ ನೀಡಿದ್ದು ಸೂರ್ಯ ಸ್ನೇಹಿತ, 2 ಡಿ ಎಂಟರ್ಟೈನ್ಮೆಂಟ್ ಸಿಇಒ ರಾಜಶೇಖರ್ ಪಾಂಡಿಯನ್ ಈ ವಿಚಾರವನ್ನು ತಮ್ಮ ಸೋಷಿಯಲ್ ಮೀಡಿಯಾ ಖಾತೆಯಲ್ಲಿ ಅಧಿಕೃತವಾಗಿ ಅನೌನ್ಸ್ ಮಾಡಿದ್ದಾರೆ. "ಉತ್ತಮ ನಟ, ಉತ್ತಮ ನಟಿ, ಉತ್ತಮ ನಿರ್ದೇಶಕ, ಉತ್ತಮ ಸಂಗೀತ ನಿರ್ದೇಶನ ಹಾಗೂ ಇನ್ನಿತರ ವಿಭಾಗಗಳಲ್ಲಿ ನಮ್ಮ ಸಿನಿಮಾ ಸ್ಪರ್ಧಿಸುತ್ತಿದೆ. ಸೂರ್ಯ, ಅಪರ್ಣಾ ಬಾಲಮುರಳಿ, ಸುಧಾ ಕೊಂಗರ, ಜಿ.ವಿ ಪ್ರಕಾಶ್ ಕುಮಾರ್ ಈ ಸಿನಿಮಾದ ಆಧಾರಸ್ತಂಭಗಳು. ನಮ್ಮ ಸಿನಿಮಾ ವಿಶ್ವದ ಈ ಪ್ರತಿಷ್ಠಿತ ಪ್ರಶಸ್ತಿಯನ್ನು ಗೆಲ್ಲಬಹುದೆಂಬ ವಿಶ್ವಾಸವಿದೆ" ಎಂದು ರಾಜಶೇಖರ್ ಪಾಂಡಿಯನ್ ಹೇಳಿಕೊಂಡಿದ್ದಾರೆ.