ಕುರುಕ್ಷೇತ್ರ ರಿಲೀಸ್​​​​​ ದಿನದಂದೇ ಕೋಟೆ ನಾಡಿನಲ್ಲಿ ಪೈಲ್ವಾನ್​​​​ ಗಾನಾಬಜಾನಾ

ಆಗಸ್ಟ್​ 9 ವರಮಹಾಲಕ್ಷ್ಮೀ ಹಬ್ಬದಂದು ಕೋಟೆ ನಗರಿ ಚಿತ್ರದುರ್ಗದಲ್ಲಿ ಅದ್ಧೂರಿಯಾಗಿ ಪೈಲ್ವಾನ್​​​ನ ಧ್ವನಿಸುರಳಿ ಬಿಡುಗಡೆಯಾಗಲಿದೆ.

ವರಮಹಾಲಕ್ಷ್ಮೀ ಹಬ್ಬಕ್ಕೆ ಸುದೀಪ್ ಅವರ 'ಪೈಲ್ವಾನ್'​ ಹಾಗೂ ದರ್ಶನ್ ಅವರ 'ಕುರುಕ್ಷೇತ್ರ' ಸಿನಿಮಾಗಳು ತೆರೆಯ ಮೇಲೆ ಮುಖಾಮುಖಿಯಾಗಲಿವೆ ಅಂತಾ ಹೇಳಲಾಗಿತ್ತು. ಆದರೆ, ಇದೀಗ‌ ಈ ಎರಡು ಚಿತ್ರಗಳು ದೊಡ್ಡ ಅಂತರದಲ್ಲಿಯೇ ರಿಲೀಸ್‌ ಆಗುತ್ತಿವೆ. ಸದ್ಯ ಹೊಸ ವಿಷಯ ಏನಂದ್ರೆ ಕುರುಕ್ಷೇತ್ರ ಚಿತ್ರ ಬಿಡುಗಡೆ ದಿನವೇ ಪೈಲ್ವಾನ್‌ ಹವಾ ಸೃಷ್ಟಿಸೋಕೆ ಬರ್ತಿದ್ದಾನೆ.

ಕುರುಕ್ಷೇತ್ರ ರಿಲೀಸ್ ಡೇಟ್​

ಚಾಲೆಂಜಿಂಗ್ ಸ್ಟಾರ್​ ದರ್ಶನ್ ನಟಿಸಿರುವ ಪೌರಾಣಿಕ ಸಿನಿಮಾ ಕುರುಕ್ಷೇತ್ರ ಇದೇ 9ರಂದು ಬಿಡುಗಡೆಯಾಗುತ್ತಿದೆ. ಅಂದೇ ಜಗಜಟ್ಟಿ ಮಲ್ಲನಾಗಿ ಸುದೀಪ್ ಅಭಿನಯಿಸಿರುವ ಪೈಲ್ವಾನ್​​ ಸಿನಿಮಾ ಆಡಿಯೋ ರಿಲೀಸ್ ಆಗಲಿದೆ. ಅಂದು ಕೋಟೆ ನಗರಿ ಚಿತ್ರದುರ್ಗದಲ್ಲಿ ಅದ್ಧೂರಿಯಾಗಿ ಪೈಲ್ವಾನ್​​​ನ ಗಾನಾಬಜಾನಾ ಅನಾವರಣಗೊಳ್ಳಲಿದೆ. ಈ ಬಗ್ಗೆ ಟ್ವೀಟ್​ ಮಾಡಿರುವ ಕಿಚ್ಚ ಸುದೀಪ್, ನಿಮ್ಮೆಲ್ಲರ ನಿರೀಕ್ಷೆಯ ಪೈಲ್ವಾನ್ ಆಡಿಯೋ ಚಿತ್ರದುರ್ಗದಲ್ಲಿ ಆಗಸ್ಟ್ 9ಕ್ಕೆ ರಿಲೀಸ್​ ಆಗ್ತಿದೆ ಎಂದಿದ್ದಾರೆ.

ಇನ್ನು ಪ್ಯಾನ್ ಇಂಡಿಯಾ ಪೈಲ್ವಾನ್ ಸಿನಿಮಾದಲ್ಲಿ ಬಾಲಿವುಡ್ ನಟ ಸುನೀಲ್ ಶೆಟ್ಟಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಈಗಾಗಲೇ ಚಿತ್ರದ ಟೀಸರ್ ಹಾಗೂ ಹಾಡುಗಳು ಅಭಿಮಾನಿಗಳಲ್ಲಿ ಭಾರಿ ನಿರೀಕ್ಷೆ ಮೂಡಿಸಿವೆ. ಸೆಪ್ಟೆಂಬರ್ 12ರಂದು ಸಿನಿಮಾ ರಿಲೀಸ್​ ಆಗಲಿದೆ.