ಫ್ಯಾಂಟಮ್ ಸಿನಿಮಾ ಟೈಟಲ್ನಿಂದಲೇ ಕನ್ನಡ ಚಿತ್ರರಂಗ ಅಲ್ಲದೇ ಸೌತ್ ಸಿನಿಮಾ ಇಂಡಸ್ಟ್ರಿಯಲ್ಲಿ ಟಾಕ್ ಆಗುತ್ತಿದೆ. ಈ ಚಿತ್ರದ ಪೋಸ್ಟರ್ ಹಾಗೂ ಕಿಚ್ಚನ ಖಡಕ್ ಎಂಟ್ರಿಯಿಂದಲೇ ಸದ್ದು ಮಾಡ್ತಿದೆ.
ಅಷ್ಟಕ್ಕೂ ಫ್ಯಾಂಟಮ್ ಚಿತ್ರದಲ್ಲಿ ವಿಕ್ರಾಂತ್ ರೋಣನ ಖದರ್ ಹೇಗಿರುತ್ತೆ ಅನ್ನೋದು ಕಿಚ್ಚನ ಅಭಿಮಾನಿಗಳಲ್ಲಿ ಕ್ಯೂರಿಯಾಸಿಟಿ ಹುಟ್ಟಿಸಿದೆ. ನಿರ್ದೇಶಕ ಅನೂಪ್ ಭಂಡಾರಿ ಆ್ಯಕ್ಷನ್-ಕಟ್ ಹೇಳುತ್ತಿರುವ ಫ್ಯಾಂಟಮ್ ಸಿನಿಮಾ ಶೂಟಿಂಗ್ ಹಂತದಲ್ಲಿ ದೊಡ್ಡ ಮಟ್ಟದಲ್ಲಿ ಸೌಂಡ್ ಮಾಡುತ್ತಿದೆ.
ಹೈದರಾಬಾದಿನ ಅನ್ನಪೂರ್ಣೇಶ್ವರಿ ಸ್ಟುಡಿಯೋದಲ್ಲಿ ದಟ್ಟ ಕಾಡಿನ ರೀತಿ ಸೆಟ್ಟು ಹಾಕಿ ಚಿತ್ರೀಕರಣ ಮಾಡಲಾಗುತ್ತಿದೆ. ಇದೇ ಗ್ಯಾಪ್ನಲ್ಲಿ ಫ್ಯಾಂಟಮ್ ಚಿತ್ರದಲ್ಲಿ ಕಿಚ್ಚ ಖಡಕ್ ವಿಕ್ರಾಂತ್ ರೋಣನಾಗಿ ಕಾಣಿಸಿಕೊಂಡಿರುವ ಬೊಂಬಾಟ್ ಫೋಟೋ ಶೂಟ್ ಮೇಕಿಂಗ್‌ನ ಚಿತ್ರತಂಡ ರಿವೀಲ್ ಮಾಡಿದೆ.
ಕಿಚ್ಚ ಸುದೀಪ್ ಟ್ರೆಂಡಿ ಕಾಸ್ಟೂಮ್ನಲ್ಲಿ, ಸ್ಟೈಲ್ ಆಗಿ ಸಿಗಾರ್ ಹಚ್ಚುವ ಪರಿ ಕಿಚ್ಚನ ಅಭಿಮಾನಿಗಳಿಗೆ ಥ್ರಿಲ್ ನೀಡಿದೆ. ಅಷ್ಟೇ ಅಲ್ಲ, ಕೈಯಲ್ಲಿ ರಿವಾಲ್ವರ್ ಹಿಡಿದು ಫ್ಯಾಂಟಮ್ ಪ್ರಪಂಚದಲ್ಲಿ ಏನು ಇರುತ್ತೆ ಅನ್ನೋದು ಈ ಮೇಕಿಂಗ್ ಹೇಳುತ್ತಿದೆ.
ಈ ಮೇಕಿಂಗ್ ವಿಡಿಯೋವನ್ನ ಕಿಚ್ಚನ ಹುಟ್ಟುಹಬ್ಬಕ್ಕೆ ರೆಡಿ ಮಾಡಿರೋ ಸ್ಪೆಷಲ್ ವಿಡಿಯೋ ಇದಾಗಿತ್ತು. ಈಗ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸದ್ದು ಮಾಡುತ್ತಿದೆ.