ಒಂದು ಕಡೆ ಬ್ಯಾಂಕಾಕ್ನಲ್ಲಿ ಕನ್ನಡ ಚಿತ್ರರಂಗ ಬೆಳೆಯುತ್ತಿದೆ. ಮತ್ತೊಂದು ಕಡೆ ಗಲ್ಲಾಪೆಟ್ಟಿಗೆಯಲ್ಲಿ ಅನೇಕ ಸಿನೆಮಾಗಳು ಸೋಲು ಕಾಣುತ್ತಿದೆ. ಆದರೆ, ಪ್ರಯತ್ನ, ಹೊಸ ಅನ್ವೇಷಣೆ, ಹೈ ಕ್ಲಾಸ್ ಚಿಂತನೆಗೆ ಸ್ಯಾಂಡಲ್ವುಡ್ನಲ್ಲಿ ಕಡಿಮೆಯೇನೂ ಇಲ್ಲ ಬಿಡಿ.
ಬ್ಯಾಂಕಾಕ್ನಲ್ಲಿ 'ಕಾಣೆಯಾದವರ ಬಗ್ಗೆ ಪ್ರಕಟಣೆ'ಗೆ ಮುಹೂರ್ತ... - ರಂಗಾಯಣ ರಘು, ರವಿಶಂಕರ್, ಚಿಕ್ಕಣ್ಣ
ಕನ್ನಡದ ನಾಲ್ಕು ಜನಪ್ರಿಯ ಹಾಗೂ ಹಿರಿಯ ನಟರುಗಳಾದ ರಂಗಾಯಣ ರಘು, ರವಿಶಂಕರ್, ಚಿಕ್ಕಣ್ಣ ಹಾಗೂ ತಬಲಾ ನಾಣಿ ಮುಖ್ಯ ಭೂಮಿಕೆಯಲ್ಲಿರುವ ‘ಕಾಣೆಯಾದವರ ಬಗ್ಗೆ ಪ್ರಕಟಣೆ’ ಹೆಸರಿನ ಹೊಸ ಕನ್ನಡ ಚಿತ್ರಕ್ಕೆ ಬ್ಯಾಂಕಾಕ್ನಲ್ಲಿ ಮುಹೂರ್ತ ಮುಗಿದಿದೆ. ಸದ್ಯ ಇಲ್ಲೇ ಚಿತ್ರತಂಡ ಚಿತ್ರೀಕರಣ ಆರಂಭಿಸಿದ್ದು, ವರ್ಷದ ಕೊನೆಯಲ್ಲಿ ಬಿಡುಗಡೆ ಆಗುವ ಸಾಧ್ಯತೆ ಇದೆ.
'ಕಾಣೆಯಾದವರ ಬಗ್ಗೆ ಪ್ರಕಟಣೆ
‘ಕಾಣೆಯಾದವರ ಬಗ್ಗೆ ಪ್ರಕಟಣೆ’ ಹೆಸರಿನ ಹೊಸ ಕನ್ನಡ ಚಿತ್ರ ಅನಿಲ್ ಕುಮಾರ್ ಅವರ ನಿರ್ದೇಶನದಲ್ಲಿ ಬ್ಯಾಂಕಾಕ್ನಲ್ಲಿ ಮುಹೂರ್ತ ಮುಗಿಸಿದೆ. ಕನ್ನಡದ ನಾಲ್ಕು ಜನಪ್ರಿಯ ಹಿರಿಯ ನಟರುಗಳಾದ ರಂಗಾಯಣ ರಘು, ರವಿಶಂಕರ್, ಚಿಕ್ಕಣ್ಣ ಹಾಗೂ ತಬಲಾ ನಾಣಿ ಪ್ರಮುಖ ಪಾತ್ರ ನಿರ್ವಹಿಸುವ ಈ ಚಿತ್ರ, ಹಿರಿಯ ನಾಗರಿಕರ ಬದುಕು ಹಾಗೂ ಕನಸುಗಳ ಕುರಿತ ಕಥೆಯಾಗಿದೆ. ಅನಿಲ್ ಕುಮಾರ್ ಸಂಭಾಷಣೆಕಾರರಾಗಿ ಬಂದು ಶಕ್ತಿ, ದಿಲ್ವಾಲ, ಕೃಷ್ಣ ರುಕ್ಕು, ರ‍್ಯಾಂಬೋ -2 ಚಿತ್ರಗಳನ್ನು ನಿರ್ದೇಶಿಸಿದವರು. ಈಗ ಹಿರಿಯ ನಾಗರಿಕರ ಬಗ್ಗೆ ಮತ್ತು ಹಾಸ್ಯದ ಹೊಳೆಯಲ್ಲಿ ಸಿನಿಮಾ ಕಟ್ಟಿಕೊಡಲಿದ್ದಾರೆ. ವಿಶೇಷವೆಂದರೆ ಅವರೇ ಕಥೆ, ಚಿತ್ರಕಥೆ ಬರೆದು ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ.
ಬಿಲ್ವ ಎಂಟರ್ಟೈನ್ಮೆಂಟ್ ಅಡಿ ನವೀನ್ ಕುಮಾರ್ ಜಿ. ಆರ್. ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಮುಹೂರ್ತ ಆಚರಿಸಿಕೊಡು 16 ದಿನಗಳ ಕಾಲ ಚಿತ್ರತಂಡ ಬ್ಯಾಂಕಾಕ್ನಲ್ಲಿ ಚಿತ್ರೀಕರಣಕ್ಕೆ ಬೀಡು ಬಿಟ್ಟಿದೆ. ಚಿತ್ರದ ನಾಲ್ಕು ಹಾಡುಗಳಿಗೆ ಅರ್ಜುನ್ ಜನ್ಯ ಸಂಗೀತ ನೀಡಿದ್ದಾರೆ. ಛಾಯಾಗ್ರಾಹಕರಾಗಿ ಶಿವಕುಮಾರ್ ಬಿ. ಕೆ ಹಾಗೂ ಕೆ ಎಂ ಪ್ರಕಾಶ್ ಸಂಕಲನವಿರುವ ಚಿತ್ರ ಈ ವರ್ಷದ ಕೊನೆಯಲ್ಲಿ ಬಿಡುಗಡೆ ಆಗುವ ಸಾಧ್ಯತೆ ಇದೆ.