‘ಅವತಾರ ಪುರುಷ’ನಿಗೆ ಶ್ರೀನಗರ ಕಿಟ್ಟಿ ಬಹುಪರಾಕ್​

ನಟ ಶರಣ್​ ಮುಖ್ಯಭೂಮಿಕೆಯ 'ಅವತಾರ ಪುರುಷ' ಚಿತ್ರದಲ್ಲಿ ಶ್ರೀನಗರ ಕಿಟ್ಟಿ ಅಭಿನಯಿಸಿದ್ದಾರೆ. ಈ ಚಿತ್ರದಲ್ಲಿ ಅವರ ಲುಕ್ ಸದ್ಯ ರಿಲೀಸ್ ಆಗಿದೆ.

ಶ್ರೀನಗರ ಕಿಟ್ಟಿ ನಾಯಕ ನಟ ಆಗಿದ್ದವರು ಕೂಡ ಆಗಾಗ ಅತಿಥಿ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿರುತ್ತಾರೆ. ಅವರು ಸದ್ಯ ಶರಣ್ ಅವರ ‘ಅವತಾರ್ ಪುರುಷ’ ಸಿನಿಮಾದಲ್ಲಿ ಗೆಸ್ಟ್​ ರೋಲ್​ನಲ್ಲಿ ನಟಿಸುತ್ತಿದ್ದಾರೆ.

ಸಿಂಪಲ್ ಸುನಿ ನಿರ್ದೇಶನ ಹಾಗೂ ಪುಷ್ಕರ್ ಮಲ್ಲಿಕಾರ್ಜುನ್ ನಿರ್ಮಾಣದ ‘ಅವತಾರ ಪುರುಷ’ ಸಿನಿಮಾದಲ್ಲಿ ಕಿಟ್ಟಿ ಒಡಿಶಾದ ಬ್ಲ್ಯಾಕ್ ಮ್ಯಾಜಿಶಿಯನ್ ಪಾತ್ರ ನಿರ್ವಹಿಸಿದ್ದಾರೆ. ‘ಅವತಾರ್ ಪುರುಷ’ ಚಿತ್ರದ ಓಟಕ್ಕೆ ಈ ಪಾತ್ರ ಬಹಳ ಮುಖ್ಯ ಆಗಿರುತ್ತದೆಯಂತೆ. ತೆರೆಯ ಮೇಲೆ ಕೆಲವು ನಿಮಿಷ ಮಾತ್ರ ಕಿಟ್ಟಿ ಕಾಣಿಸಕೊಳ್ಳಲಿದ್ದಾರಂತೆ.

ಇಂದು ಜನುಮ ದಿನ ಆಚರಿಕೊಳ್ಳುತ್ತಿರುವ ಶ್ರೀನಗರ ಕಿಟ್ಟಿಗೆ ವಿಶ್ ಮಾಡಿರುವ ಸುನಿ, ಅವತಾರ ಪುರುಷ ಸಿನಿಮಾದಲ್ಲಿಯ ಲುಕ್ ರಿಲೀಸ್ ಮಾಡಿದ್ದಾರೆ.

ಹಾರರ್ ಕಾಮಿಡಿ ಜಾನರ್​ ‘ಅವತಾರ್ ಪುರುಷ’ದಲ್ಲಿ ಸಾಯಿ ಕುಮಾರ್ ಸಹ ಮುಖ್ಯ ಪಾತ್ರ ನಿರ್ವಹಿಸುತ್ತಿದ್ದಾರೆ. ಆಶಿಕ ರಂಗನಾಥ್ ಮತ್ತೆ ಶರಣ್​​ಗೆ ಈ ಚಿತ್ರದಲ್ಲಿ ಜತೆಯಾಗಿದ್ದಾರೆ. ಚರಣ್ ರಾಜ್ ಈ ಚಿತ್ರಕ್ಕೆ ಸಂಗೀತ ಒದಗಿಸಿದ್ದಾರೆ.