ತೆಲುಗು ಸಿನಿಮಾ ಇಂಡಸ್ಟ್ರಿಯಲ್ಲಿ ಮೆಗಾ ಸ್ಟಾರ್ ಅಂತಾನೆ ಕರೆಸಿಕೊಂಡಿರುವ ಚಿರಂಜೀವಿ ನಟಿಸುತ್ತಿರುವ ಸೈರಾ ಮೂವಿ ದಿನದಿಂದ ದಿನಕ್ಕೆ ಕುತೂಹಲವನ್ನು ಹೆಚ್ಚಿಸುತ್ತಲೇ ಬಂದಿದೆ. ಇನ್ನು ಈ ಸಿನಿಮಾಕ್ಕೆ ಬಳಸಿರುವ ತಂತ್ರಜ್ಞಾನ ಕೂಡ ತುಂಬಾ ಜೋರಾಗೆ ಇದೆ. ಅಲ್ಲದೇ ಇದೀಗ ಸಿನಿಮಾ ಛಾಯಾಗ್ರಾಹಕ ರತ್ನಮಾಲೆ ಹೊಸ ಮಾಹಿತಿಯೊಂದನ್ನ ಹೊರ ಹಾಕಿದ್ದಾರೆ.
"ಸೈರಾ" ಸಿನಿಮಾಕ್ಕೆ ಬಳಸಲಾಗಿದೆಯಂತೆ ಈ ವಿಶೇಷ ಕ್ಯಾಮೆರಾ...! - ತೆಲುಗು ಸಿನಿಮಾ ಸೈರಾ
ಸೈರಾ ಸಿನಿಮಾದಲ್ಲಿ ಹಾಲಿವುಡ್ ಸಿನಿಮಾಗಳಲ್ಲಿ ಬಳಸುವ ಸ್ಪೈಡರ್ ಕ್ಯಾಮೆರಾಗಳನ್ನು ಬಳಸಲಾಗಿದೆ. ಜೊಲಾಡುವ ದೃಶ್ಯ, ಕುದುರೆ ಓಡಿ ಹೋಗುವ ದೃಶ್ಯಗಳು ಸೇರಿದಂತೆ ಪ್ರಮುಖ ಚಿತ್ರೀಕರಣದ ವೇಳೆ ಈ ಕ್ಯಾಮೆರಾವನ್ನು ಪ್ರಮುಖವಾಗಿ ಬಳಸಲಾಗಿದೆ.
ಸೈರಾ ಸಿನಿಮಾ ಪೋಸ್ಟರ್
ಈ ಸಿನಿಮಾದಲ್ಲಿ ವಿಶೇಷ ಕ್ಯಾಮರಾಗಳನ್ನು ಬಳಸಿಕೊಂಡಿದ್ದು, ಹಾಲಿವುಡ್ ಸಿನಿಮಾಗಳಲ್ಲಿ ಬಳಸುವ ಸ್ಪೈಡರ್ ಕ್ಯಾಮೆರಾಗಳನ್ನು ಬಳಸಲಾಗಿದೆ. ನಮ್ಮ ಸಿನಿಮಾದಲ್ಲಿ ಸ್ಪೈಡರ್ ಕ್ಯಾಮ್ ಬಹಳ ಮುಖ್ಯ ಪಾತ್ರ ವಹಿಸಿದ್ದು, ಜೊಲಾಡುವ ದೃಶ್ಯ, ಕುದುರೆ ಓಡಿ ಹೋಗುವ ದೃಶ್ಯಗಳು ಸೇರಿದಂತೆ ಪ್ರಮುಖ ಚಿತ್ರೀಕರಣದ ವೇಳೆ ಈ ಕ್ಯಾಮೆರಾ ಪ್ರಮುಖವಾಗಿ ಬಳಸಲಾಗಿದೆ ಎಂದು ರತ್ನಮಾಲೆ ಹೇಳಿದ್ದಾರೆ.
ಇನ್ನು ಸೈರಾ ಸಿನಿಮಾವನ್ನು ಬರೋಬ್ಬರಿ 300 ಕೋಟಿ ವೆಚ್ಚದಲ್ಲಿ ನಿರ್ಮಾಣ ಮಾಡಲಾಗುತ್ತಿದೆ. ಸಿನಿಮಾಕ್ಕೆ ಸುರೇಂದ್ರ ರೆಡ್ಡಿ ಆಕ್ಷನ್ ಕಟ್ ಹೇಳಿದ್ದು, ಚಿರಂಜೀವಿ ಮಗ ರಾಮ್ ಚರಣ್ ಬಂಡವಾಳ ಹೂಡಿದ್ದಾರೆ. ಸಿನಿಮಾದಲ್ಲಿ ನಯನತಾರಾ, ಅಮಿತಾ ಬಚ್ಚನ್, ಕಿಚ್ಚ ಸುದೀಪ್ ಸೇರಿದಂತೆ ಹಲವರು ಮುಖ್ಯ ಭೂಮಿಕೆಯಲ್ಲಿ ಕಾಣಸಿಗಲಿದ್ದಾರೆ.