'ದೇವಕಿ' ಟ್ರೇಲರ್ ಮೆಚ್ಚಿದ ರಕ್ಷಿತ್ ಶೆಟ್ಟಿ: ಚಿತ್ರಕ್ಕೆ ವಿಶ್ ಮಾಡಿದ್ರು ಸಿಂಪಲ್ ಸ್ಟಾರ್​

ಪ್ರಿಯಾಂಕ ಉಪೇಂದ್ರ ಹಾಗೂ ಐಶ್ವರ್ಯ ಉಪೇಂದ್ರ ಪ್ರಮುಖ ಪಾತ್ರದಲ್ಲಿ ನಟಿಸಿರುವ 'ದೇವಕಿ' ಸಿನಿಮಾ ಟ್ರೇಲರನ್ನು ರಕ್ಷಿತ್ ಶೆಟ್ಟಿ ಬಿಡುಗಡೆ ಮಾಡಿ ಚಿತ್ರಕ್ಕೆ ಶುಭ ಕೋರಿದ್ದಾರೆ.

'ಮಮ್ಮಿ' ಸಿನಿಮಾ ಮೂಲಕ ಪ್ರಿಯಾಂಕ ಉಪೇಂದ್ರ ಮತ್ತೆ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಚಿತ್ರ ದೇವಕಿ. ಈ ಸಿನಿಮಾ ಪೋಸ್ಟರ್​​​​ನಿಂದಲೇ ಸ್ಯಾಂಡಲ್​ವುಡ್​​ನಲ್ಲಿ ಭಾರೀ ಸೆನ್ಸೇಷನ್ ಹುಟ್ಟುಹಾಕಿತ್ತು.

ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ನಿನ್ನೆ ಚಿತ್ರದ ಟ್ರೇಲರ್ ಬಿಡುಗಡೆ ಮಾಡಿ ಚಿತ್ರತಂಡಕ್ಕೆ ವಿಶ್ ಮಾಡಿದ್ದಾರೆ. ಪ್ರಿಯಾಂಕ ಡೆಡಿಕೇಶನ್, ಮಗಳು ಐಶ್ವರ್ಯ ಉಪೇಂದ್ರ , ಕೋಲ್ಕತ್ತಾದಲ್ಲಿ ನೈಟ್ ಶೂಟಿಂಗ್ ಹಾಗೂ ಕಸದ ರಾಶಿ ನಡುವೆ ಚಿತ್ರೀಕರಣ ಮಾಡಿದ್ದರ ಬಗ್ಗೆ ರಕ್ಷಿತ್ ಮೆಚ್ಚುಗೆ ವ್ಯಕ್ತಪಡಿಸಿದರು. ಮಕ್ಕಳ ಕಿಡ್ನಾಪ್ ಬಗ್ಗೆ ಕಥೆ ಆಧರಿಸಿರುವ 'ದೇವಕಿ' ಚಿತ್ರದಲ್ಲಿ ಪ್ರಿಯಾಂಕ ಉಪೇಂದ್ರ ಅಸಹಾಯಕ ತಾಯಿ ಪಾತ್ರದಲ್ಲಿ ನಟಿಸಿದ್ದಾರೆ. ಕಿಶೋರ್​​​​​ ಪೊಲೀಸ್ ಅಧಿಕಾರಿ ಆಗಿ ಕಾಣಿಸಿಕೊಂಡಿದ್ದು, ಸಿನಿಮಾ ಸಸ್ಪೆನ್ಸ್ ಹಾಗೂ ಥ್ರಿಲ್ಲಿಂಗ್​ನಿಂದ ಕೂಡಿದೆ. ' ಮಮ್ಮಿ' ಸಿನಿಮಾ ಬಳಿಕ ಲೋಹಿತ್ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಜುಲೈ 5ರಂದು ಸಿನಿಮಾ ತೆರೆ ಕಾಣುತ್ತಿದೆ.

ರಕ್ಷಿತ್ ಶೆಟ್ಟಿ, ಪ್ರಿಯಾಂಕ ಉಪೇಂದ್ರ