ಮುಂಬೈ: ಸಿದ್ದಾರ್ಥ್ ಮಲ್ಹೋತ್ರಾ ಹಿಂದಿ ಚಲನ ಚಿತ್ರೋದ್ಯಮದಲ್ಲಿ ತಮ್ಮದೇ ಆದ ಸ್ಥಾನವನ್ನು ಗಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಯುವ ತಾರೆಯರಾಗಿ ಸಾಕಷ್ಟು ಅಭಿಮಾನಿಗಳನ್ನು ಹೊಂದಿರುವ ನಟರಾಗಿದ್ದು, ಲಕ್ಷಾಂತರ ಜನರ ಹೃದಯವನ್ನೂ ಗೆದ್ದಿದ್ದಾರೆ.
ನಿನ್ನೆ ರಾತ್ರಿ ಮುಂಬೈನಲ್ಲಿ ಹಾಲ್ ಆಫ್ ಫೇಮ್ ಅವಾರ್ಡ್ಸ್ - 2022 ಸಮಾರಂಭ ಅದ್ಧೂರಿಯಾಗಿ ನಡೆಯಿತು. ರೆಡ್ ಕಾರ್ಪೆಟ್ ಮೇಲೆ ಪೋಸ್ ಕೊಡಲು ನಟ ಕೃತಿ ಸನನ್ ಆಗಮಿಸಿದ್ದರು. ಕೃತಿ ನೇರಳ ಬಣ್ಣದ ಉದ್ದನೆಯ ಉಡುಪು ಧರಿಸಿದ್ದು, ನಟಿಯ ಡ್ರೆಸ್ ಅನ್ನ ಸಿದ್ದಾರ್ಥ್ ಎತ್ತಿಕೊಂಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
ಇವರ ವಿಡಿಯೋಗೆ ಪ್ರತಿಕ್ರಿಯಿಸಿರುವ ಅಭಿಮಾನಿಗಳು, "ಸಿದ್ಧಾರ್ಥ್ ಖಂಡಿತವಾಗಿಯೂ ರತ್ನ. ಮಾಧ್ಯಮಗಳು ಕೃತಿ ಅವರ ಫೋಟೋಗಳನ್ನು ಕ್ಲಿಕ್ ಮಾಡುವಾಗ ಸಿದ್ಧಾರ್ಥ್ ಗೌನ್ ಹಿಡಿದ ರೀತಿಯನ್ನ ನಾವು ಗೌರವಿಸುತ್ತೇವೆ ಎಂದರೆ, ಇನ್ನೂ ಕೆಲವರು ಸಿದ್ದಾರ್ಥ್ ಮಲ್ಹೋತ್ರಾ 'ಸಂಭಾವಿತ ವ್ಯಕ್ತಿ' ಎಂದು ಶ್ಲಾಘಿಸಿದ್ದಾರೆ.