ಸೆಂಚುರಿ ಸ್ಟಾರ್ ಭಜರಂಗಿ-2 ಪೋಸ್ಟರ್ ಬಿಡುಗಡೆ...ಕುತೂಹಲ ಇಮ್ಮಡಿಗೊಳಿಸಿದ ಸಿನಿಮಾ

ಪೋಸ್ಟರ್ ಬಿಡುಗಡೆ ಮಾಡಿರುವ ಚಿತ್ರತಂಡ, 'ಎಲ್ಲಾ ಕಣ್ಣುಗಳಿಂದ ಪ್ರಪಂಚ ಕಂಡರೆ ಕೆಲವು ಕಣ್ಣುಗಳಲ್ಲೇ ಪ್ರಪಂಚ ಕಾಣಿಸಿಬಿಡುತ್ತೆ, ಕಾಣದ್ದು ಕಂಡುಹಿಡಿಯಲು, ಕಂಡದ್ದು ಕಾಣಲು, ಭಜರಂಗಿ ಮತ್ತೆ ಬರುತ್ತಿದ್ದಾನೆ' ಎಂದು ಕ್ಯಾಪ್ಷನ್ ಹಾಕಿದೆ.

ಸೆಂಚುರಿ ಸ್ಟಾರ್ ಶಿವರಾಜ್​​ಕುಮಾರ್ ಅಭಿನಯದ ಭಜರಂಗಿ -2 ಸಿನಿಮಾದ ಹೊಸ ಪೋಸ್ಟರ್ ಬಿಡುಗಡೆಯಾಗಿದೆ. ನೃತ್ಯ ನಿರ್ದೇಶಕ ಕಂ ನಿರ್ದೇಶಕ ಎ. ಹರ್ಷ ಹಾಗೂ ಶಿವರಾಜ್​ಕುಮಾರ್ ಕಾಂಬಿನೇಷನ್​​​ನಲ್ಲಿ ಮೂಡಿಬರುತ್ತಿರುವ ಸಿನಿಮಾ ಇದು.

ಪೋಸ್ಟರ್ ಬಿಡುಗಡೆ ಮಾಡಿರುವ ಚಿತ್ರತಂಡ, 'ಎಲ್ಲಾ ಕಣ್ಣುಗಳಿಂದ ಪ್ರಪಂಚ ಕಂಡರೆ ಕೆಲವು ಕಣ್ಣುಗಳಲ್ಲೇ ಪ್ರಪಂಚ ಕಾಣಿಸಿಬಿಡುತ್ತೆ, ಕಾಣದ್ದು ಕಂಡುಹಿಡಿಯಲು, ಕಂಡದ್ದು ಕಾಣಲು, ಭಜರಂಗಿ ಮತ್ತೆ ಬರುತ್ತಿದ್ದಾನೆ' ಎಂದು ಕ್ಯಾಪ್ಷನ್ ಹಾಕಿದೆ. ‘ಭಜರಂಗಿ-2' ಸಿನಿಮಾ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಹಾಗೂ ಹಿಂದಿ ಭಾಷೆಗಳಲ್ಲಿ ಸಿನಿಮಾ ತಯಾರಾಗುತ್ತಿದೆ ಎನ್ನಲಾಗಿದೆ. ಚಿತ್ರತಂಡ ಬಿಡುಗಡೆ ಮಾಡಿರುವ ಪೋಸ್ಟರ್​​​ನಲ್ಲಿ ಶಿವರಾಜ್​ಕುಮಾರ್​​ ಅವರ ಎರಡೂ ಕಣ್ಣುಗಳನ್ನು ಹೈಲೈಟ್ ಮಾಡಲಾಗಿದ್ದು, ಚಾಣಕ್ಯನ ಪಾತ್ರಧಾರಿ ದೀಪ ಹಿಡಿದು ಶಿವರಾಜ್​ಕುಮಾರ್ ಮುಖವನ್ನು ನೋಡುವ ದೃಶ್ಯವನ್ನು ಪೋಸ್ಟರ್​​ನಲ್ಲಿ ನೋಡಬಹುದು.

ಚಿತ್ರದ ಕಥೆ ಹಾಗೂ ಇನ್ನಿತರ ಪಾತ್ರಗಳ ಬಗ್ಗೆ ನಿದೇಶಕ ಎ. ಹರ್ಷ ಹೆಚ್ಚಿನ ಮಾಹಿತಿ ಬಿಟ್ಟುಕೊಟ್ಟಿಲ್ಲ. ಆದರೆ ಭಜರಂಗಿ ಮುಂದುವರೆದ ಕಥೆಯಲ್ಲ ಎಂದು ಚಿತ್ರತಂಡ ಸ್ಪಷ್ಟಪಡಿಸಿದೆ. ಭಜರಂಗಿ-2 ಚಿತ್ರದ ಹಾಡುಗಳಿಗೆ ಅರ್ಜುನ್ ಜನ್ಯ ಸಂಗೀತ ಸಂಯೋಜಿಸಿದ್ದಾರೆ. ಜಯಣ್ಣ ಹಾಗೂ ಭೋಗೇಂದ್ರ ಸಿನಿಮಾದ ನಿರ್ಮಾಪಕರು. ಚಿತ್ರದ ಪೋಸ್ಟರನ್ನು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿರುವ ಶಿವಣ್ಣ 'ನೀವೆಲ್ಲರೂ ಕುತೂಹಲದಿಂದ ಕಾಯುತ್ತಿದ್ದ ಭಜರಂಗಿ-2 ಚಿತ್ರದ ನೆಕ್ಸ್ಟ್​ ಲೆವೆಲ್​ ಬೊಂಬಾಟ್ ಪೋಸ್ಟರನ್ನು ತಪ್ಪದೆ ಶೇರ್ ಮಾಡಿ ಎಂದು ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದಾರೆ.