ಬಾಲಿವುಡ್​ಗೆ ಮೂರು ಹೊಸ ಮುಖಗಳ ಪರಿಚಯ: 'ಬೇಧಡಕ್​' ಚಿತ್ರದ ಪೋಸ್ಟರ್‌ ಬಿಡುಗಡೆ

ಸಿನಿಮಾ ನಿರ್ಮಾಪಕ ಕರಣ್ ಜೋಹರ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ 'ಬೇಧಡಕ್​' ಚಿತ್ರದ ಪೋಸ್ಟರ್‌ ಹಂಚಿಕೊಂಡಿದ್ದು, ನಟ ಸಂಜಯ್ ಕಪೂರ್ ಅವರ ಮಗಳು ಶನಯಾ ಕಪೂರ್ ಈ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

ಹೈದರಾಬಾದ್: ಬಾಲಿವುಡ್‌ನ ಚಲನಚಿತ್ರ ನಿರ್ಮಾಪಕ ಕರಣ್ ಜೋಹರ್ ಅವರು ತಮ್ಮ ಮುಂಬರುವ ಸಿನಿಮಾ'ಬೇಧಡಕ್' ನಲ್ಲಿ ಮೂರು ಹೊಸ ಮುಖಗಳನ್ನು ಪರಿಚಯಿಸಿದ್ದಾರೆ.

'ಬೇಧಡಕ್​' ಚಿತ್ರದ ಪೋಸ್ಟರ್‌ಗಳನ್ನು ಕರಣ್ ಜೋಹರ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಶಶಾಂಕ್ ಖೈತಾನ್ ನಿರ್ದೇಶನದ ಈ ಚಿತ್ರದಲ್ಲಿ ಶನಯಾ ಕಪೂರ್, ಲಕ್ಷ್ಯ ಮತ್ತು ಗುರ್ಫತೇ ಪಿರ್ಜಾದಾ ನಟಿಸುತ್ತಿದ್ದು, ಈ ಮೂವರಿಗೂ ಇದು ಮೊದಲನೇ ಸಿನಿಮಾವಾಗಿದೆ. ಶನಯಾ ಕಪೂರ್ ನಟ ಸಂಜಯ್ ಕಪೂರ್ ಅವರ ಮಗಳು.

ಈ ಸಿನಿಮಾದಲ್ಲಿ ಶನಯಾ ಕಪೂರ್ 'ನಿಮೃತ್' ಎಂಬ ಹುಡುಗಿಯ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಗುರ್ಫತೇ ಪಿರ್ಜಾದಾ 'ಅಗಂಡ್' ಎಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ನಟ ಲಕ್ಷ್ಯ ಲಾಲ್ವಾನಿ 'ಕರಣ್' ಆಗಿ ಮಿಂಚಲಿದ್ದಾರೆ.

ಕರಣ್ ಜೋಹರ್ ಅವರ ಧರ್ಮ ಪ್ರೊಡಕ್ಷನ್‌ ಬ್ಯಾನರ್ ಅಡಿ ಶಶಾಂಕ್ ಖೈತಾನ್ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಚಿತ್ರವನ್ನು ಯಶ್ ಜೋಹರ್, ಕರಣ್ ಜೋಹರ್, ಅಪೂರ್ವ ಮೆಹ್ತಾ ಮತ್ತು ಶಶಾಂಕ್ ಖೈತಾನ್ ಜಂಟಿಯಾಗಿ ನಿರ್ಮಿಸಿದ್ದಾರೆ.