ರಾಕೇಶ್ ಬಾಪಟ್ ಜತೆಗಿನ ಬ್ರೇಕ್ ಅಪ್ ವದಂತಿ ತಳ್ಳಿಹಾಕಿದ ಶಮಿತಾ ಶೆಟ್ಟಿ

ಬಿಗ್ ಬಾಸ್ ಪಾರ್ಟನರ್‌ ರಾಕೇಶ್ ಬಾಪಟ್ ಜತೆಗಿನ ಬ್ರೇಕ್ ಅಪ್ ವದಂತಿಯನ್ನು ಶಮಿತಾ ಶೆಟ್ಟಿ ತಳ್ಳಿಹಾಕಿದ್ದಾರೆ.

ಮುಂಬೈ (ಮಹಾರಾಷ್ಟ್ರ): ಶಿಲ್ಪಾ ಶೆಟ್ಟಿ ಅವರ ಸಹೋದರಿ ಶಮಿತಾ ಶೆಟ್ಟಿ ಅವರ ಬಿಗ್ ಬಾಸ್ ಪಾರ್ಟನರ್‌ ರಾಕೇಶ್ ಬಾಪಟ್ ತಮ್ಮ ಸಂಬಂಧ ಕೊನೆಗೊಳಿಸಿದ್ದಾರೆ ಎಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಹಲವಾರು ಸುದ್ದಿಗಳು ಹರಿದಾಡಿದ್ದವು.

ಆದರೆ, ನಟಿ ಶಮಿತಾ ಶೆಟ್ಟಿ ಮತ್ತು ರಾಕೇಶ್ ಬಾಪಟ್ ನಡುವೆ ಎಲ್ಲವೂ ಚೆನ್ನಾಗಿದೆ ಎಂಬುವುದು ಸಾಬೀತಾಗಿದೆ. ಭಾನುವಾರ ರಾತ್ರಿ, 'ಹಲೋ! ಹಾಲ್ ಆಫ್ ಫೇಮ್ ಅವಾರ್ಡ್ಸ್ 2022' ಸಮಾರಂಭದಲ್ಲಿ ಈ ಎಲ್ಲ ವದಂತಿಗಳಿಗೆ ಬ್ರೇಕ್​​ ಬಿದ್ದಿದೆ.

ಶಮಿತಾ ಮತ್ತು ರಾಕೇಶ್ ಅವರು ಮುಂಬೈನಲ್ಲಿ ಸ್ಟಾರ್- ಸ್ಟಡ್ಡ್ ಗಾಲಾದಲ್ಲಿ ರೆಡ್ ಕಾರ್ಪೆಟ್ ಮೇಲೆ ಫೋಟೋಗಳಿಗೆ ಫೋಸ್ ನೀಡುತ್ತಿರುವಾಗ ಕೈಗಳನ್ನು ಹಿಡಿದುಕೊಂಡು ಪರಸ್ಪರ ಕಣ್ಣುಗಳನ್ನು ನೋಡಿಕೊಂಡರು. ಈವೆಂಟ್‌ನಲ್ಲಿ ಅವರನ್ನು ಒಟ್ಟಿಗೆ ನೋಡಿದ ಅಭಿಮಾನಿಗಳು ಅವರ ಫೋಟೋಗಳಿಗೆ 'ಇಬ್ಬರೂ ಒಟ್ಟಿಗೆ ತುಂಬಾ ಮುದ್ದಾಗಿ ಕಾಣುತ್ತಾರೆ' ಎಂದು ಕಾಮೆಂಟ್ ಮಾಡಿದ್ದಾರೆ.

ಶಮಿತಾ ಮತ್ತು ರಾಕೇಶ್ ಕಳೆದ ವರ್ಷ ಬಿಗ್ ಬಾಸ್ ಒಟಿಟಿಯಲ್ಲಿ ಪರಸ್ಪರ ಭೇಟಿಯಾಗಿದ್ದರು. ಅಭಿಮಾನಿಗಳು ಅವರನ್ನು ಪ್ರೀತಿಯಿಂದ ಶಾರಾ ಎಂದು ಕರೆಯುತ್ತಾರೆ. ಆದಾಗ್ಯೂ, ಕೆಲವು ದಿನಗಳ ಹಿಂದೆ ಈ ಜೋಡಿ ತಮ್ಮ ಸಂಬಂಧ ಕೊನೆಗೊಳಿಸಿದ್ದಾರೆ ಎಂದು ವರದಿಯಾಗಿತ್ತು.

ಶಮಿತಾ ಶೆಟ್ಟಿ-ರಾಕೇಶ್ ಬಾಪಟ್

ಇನ್​​ಸ್ಟಾಗ್ರಾಮ್​ ನಲ್ಲಿ​ ವದಂತಿಗಳನ್ನು ತಳ್ಳಿಹಾಕಿದ ಶಮಂತಾ ನಮ್ಮ ಸಂಬಂಧಕ್ಕೆ ಸಂಬಂಧಿಸಿದ ಯಾವುದೇ ರೀತಿಯ ವದಂತಿಗಳನ್ನು ನಂಬಬೇಡಿ ಎಂದು ನಾವು ವಿನಂತಿಸುತ್ತೇವೆ. ಇದರಲ್ಲಿ ಯಾವುದೇ ಸತ್ಯವಿಲ್ಲ ಎಂದು ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ:43ನೇ ವಸಂತಕ್ಕೆ ಕಾಲಿಟ್ಟ ಶಮಿತಾ ಶೆಟ್ಟಿ.. ಗೆಳೆಯ ರಾಕೇಶ್​, ಸಹೋದರಿ ಶಿಲ್ಪಾರಿಂದ ಪ್ರೀತಿಯ ಶುಭಾಶಯ