ನಟ ವಿಜಯ ರಾಘವೇಂದ್ರ ಅವರು ಸೀತಾರಾಮ್ ಬಿನೋಯ್ ಎಂಬ ಚಿತ್ರದಲ್ಲಿ ನಟಿಸುತ್ತಿದ್ದಾರೆ ಅನ್ನೋ ಸುದ್ದಿ ಕೇಳಿ ಬರುತ್ತಿತ್ತು. ಆ ನಂತರ ಚಿತ್ರ ಏನಾಯಿತು ಎಂಬ ಬಗ್ಗೆ ಚಿತ್ರತಂಡದವರು ಹೆಚ್ಚು ಮಾಹಿತಿ ಹಂಚಿಕೊಂಡಿರಲಿಲ್ಲ. ಇದೀಗ ಚಿತ್ರದ ಬಗ್ಗೆ ಒಂದು ಲೇಟೆಸ್ಟ್ ಸುದ್ದಿಯೊಂದು ಹೊರಬಂದಿದ್ದು, ಅದರಂತೆ ಚಿತ್ರವು ಆಗಸ್ಟ್ 15ರಂದು ಸ್ಟಾರ್ ಸುವರ್ಣದಲ್ಲಿ ವರ್ಲ್ಡ್ ಪ್ರೀಮಿಯರ್ ಆಗಲಿದೆ.
ಟಿವಿಯಲ್ಲೇ ನೇರವಾಗಿ ಸಿನಿಮಾಗಳು ಬಿಡುಗಡೆಯಾದ ಒಂದೆರಡು ಉದಾಹರಣೆಗಳು ಸಿಗುತ್ತವೆ. ಆದರೆ, ಆ ಚಿತ್ರಗಳು ಚಿತ್ರಮಂದಿರಕ್ಕೆ ಬರುವುದಿಲ್ಲ. ಆದರೆ, ಸೀತಾರಾಮ್ ಬಿನೋಯ್ ಚಿತ್ರವು ಟಿವಿಯಲ್ಲಿ ಬಿಡುಗಡೆಯಾದ ಮರುದಿನವೇ ಚಿತ್ರಮಂದಿರದಲ್ಲೂ ಬಿಡುಗಡೆಯಾಗುತ್ತಿರುವುದು ವಿಶೇಷ. ಆಗಸ್ಟ್ 15ರಂದು ಚಾನಲ್ನಲ್ಲಿ ಪ್ರಸಾರವಾದ ಮರುದಿನವೇ ಅಂದರೆ ಆ.16ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುತ್ತದಂತೆ.