ಕುರುಕ್ಷೇತ್ರ ವೀಕ್ಷಣೆ ಮಾಡಿದ ಶಾಲಾ ಮಕ್ಕಳು.. ಡಿ ಬಾಸ್​ ನಟನೆ ನೋಡಿ ಫುಲ್​ ಖುಶ್​​

ಇದೀಗ ಶಾಲೆಗಳಿಂದಲೇ ಮಕ್ಕಳಿಗೆ ಕುರುಕ್ಷೇತ್ರದ ವೈಭವ ತೋರಿಸೋ ಕೆಲಸ ನಡೀತಿದೆ.ಮಕ್ಕಳಿಗಾಗಿಯೇ ತುರುವೇಕೆರೆಯ ಖಾಸಗಿ ಶಾಲೆಯೊಂದು ಕುರುಕ್ಷೇತ್ರ ಪ್ರದರ್ಶನ ಏರ್ಪಡಿಸಿತ್ತು. ಸಿನಿಮಾ ನೋಡಿದ ಮಕ್ಕಳು ಫುಲ್​ ಖುಶ್​​ ಆಗಿದ್ದಾರೆ.

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ 50ನೇ ಸಿನಿಮಾ ಕುರುಕ್ಷೇತ್ರ . ಸುಯೋಧನನಾಗಿ ಡಿಬಾಸ್ ಅಭಿನಯಿಸಿರುವ ಕುರುಕ್ಷೇತ್ರ ಸಿನಿಮಾ ನೂರು ಕೋಟಿ ಕ್ಲಬ್ ಸೇರಿದ್ದು, ಈ ಮೂಲಕ ಈಗಾಗ್ಲೇ ಒಂದು ದಾಖಲೆ ಕ್ರಿಯೆಟ್ ಮಾಡಿದೆ.

ಚಿಕ್ಕ ಮಕ್ಕಳಿಂದ ಹಿಡಿದು ವಯಸ್ಸಾದವರೂ ದುರ್ಯೋಧನನ ಅಬ್ಬರ ನೋಡೋಕೆ ಈಗ್ಲೂ ಥಿಯೇಟರ್​ನತ್ತ ಧಾವಿಸ್ತಿದ್ದಾರೆ. ವಿಶೇಷ ಅಂದ್ರೆ ಇದೀಗ ಶಾಲೆಗಳಿಂದಲೇ ಮಕ್ಕಳಿಗೆ ಕುರುಕ್ಷೇತ್ರದ ವೈಭವ ತೋರಿಸೋ ಕೆಲಸ ನಡೀತಿದೆ.

ಸಿನಿಮಾ ರಿಲೀಸ್ ಆದ ಪ್ರಾರಂಭದಲ್ಲಿ ಶಾಲಾ-ಕಾಲೇಜು ಮಕ್ಕಳು ಕುರುಕ್ಷೇತ್ರ ಸಿನಿಮಾ ನೋಡೋಕೆ ಹೆಚ್ಚಿನ ಸಂಖ್ಯೆಯಲ್ಲಿ ಹೋಗುತ್ತಿದ್ದರು. ಇದೀಗ ಶಾಲೆಯ ಆಡಳಿತ ಮಂಡಳಿಗಳೇ ಮಕ್ಕಳಿಗೆ ಪೌರಾಣಿಕ ಸಿನಿಮಾ ತೋರಿಸೋಕೆ ಮುಂದಾಗಿದ್ದು, ತುರುವೇಕೆರೆಯ ಖಾಸಗಿ ಶಾಲೆಯೊಂದು ಮಕ್ಕಳಿಗಾಗಿ ಕುರುಕ್ಷೇತ್ರ ಪ್ರದರ್ಶನ ಏರ್ಪಡಿಸಿತ್ತು.

ಸಿನಿಮಾ ವೀಕ್ಷಿಸಿದ ಮಕ್ಕಳು ಫುಲ್​ ಖುಶ್​​ ಆಗಿದ್ದಾರೆ. ಅಲ್ಲದೆ ಶಾಲಾ ಮಕ್ಕಳು ಕೇಕ್ ಕಟ್ ಮಾಡಿ ಸಂಭ್ರಮಿಸಿದ್ದಾರೆ.