ಯುವ ದಸರಾದಲ್ಲಿ ಹನುಮಂತನ ಚುಟು-ಚುಟು ಹಾಡು: ಕುಣಿದು ಕುಪ್ಪಳಿಸಿದ ಯುವ ಸಮೂಹ

ಯುವ ದಸರಾ ವೇದಿಕೆಯ ಮೂರನೇ ದಿನ‌ ಕಾಲಿಡಲು ಜಾಗವಿಲ್ಲದೆ ಸಂಪೂರ್ಣ ಯುವ ಸಮೂಹದಿಂದ ಇಡೀ ಕಾರ್ಯಕ್ರಮದ ಸ್ಥಳ ಆವೃತವಾಗಿತ್ತು. ಸರಿಗಮಪ ಖ್ಯಾತಿಯ ಹನುಮಂತ ಹಾಡಿದ ಚುಟು ಚುಟು ಅಂತೈತಿ ನನಗ ಚುಮು ಚುಮು ಆಗ್ತೈತಿ ಹಾಡಿಗೆ ಯುವಕ ಯುವತಿಯರು ಹುಚ್ಚೆದ್ದು ಕುಣಿದಾಡಿದರು.

ಮೈಸೂರು: ಖ್ಯಾತ ಬಾಲಿವುಡ್ ಗಾಯಕಿ ಮನಾಲಿ ಠಾಕೂರ್ ಹಿಂದಿ ಗಾಯನದ ರಸಮಂಜರಿ ಹಾಗೂ‌‌ ಸರಿಗಮಪ ಖ್ಯಾತಿಯ ಹನುಮಂತು ಗಾಯನಕ್ಕೆ ಮೈಸೂರು ಯುವ ಸಮೂಹ ಕುಣಿದು ಕುಪ್ಪಳಿಸಿದೆ.

ಯುವ ದಸರಾ ವೇದಿಕೆಯ ಮೂರನೇ ದಿನ‌ ಕಾಲಿಡಲು ಜಾಗವಿಲ್ಲದೆ ಸಂಪೂರ್ಣ ಯುವ ಸಮೂಹದಿಂದ ಇಡೀ ಕಾರ್ಯಕ್ರಮದ ಸ್ಥಳ ಆವೃತವಾಗಿತ್ತು. ಸರಿಗಮಪ ಖ್ಯಾತಿಯ ಹನುಮಂತ ಹಾಡಿದ ಚುಟು ಚುಟು ಅಂತೈತಿ ನನಗ ಚುಮು ಚುಮು ಆಗ್ತೈತಿ ಹಾಡಿಗೆ ಯುವಕ ಯುವತಿಯರು ಹುಚ್ಚೆದ್ದು ಕುಣಿದಾಡಿದರು. ಇನ್ನು ಬಾಲಿವುಡ್ ಗಾಯಕಿ ಮನಾಲಿ‌ ಠಾಕೂರ್ ಚಮ್ ಚಮ್‌, ಧಮ್ ಮಾರೋ ಧಮ್, ಎಂದು ಯುವಕರನ್ನು ಕುಣಿಯುವ ಹಾಗೆ ಮಾಡಿದರು.

ಎಸ್.ಎಲ್.ಡಿ ಡ್ಯಾನ್ಸ್ ಸ್ಕೂಲ್ ಹಾಗೂ ಐ ಫೀಲ್ ಡ್ಯಾನ್ಸ್ ಕಂಪನಿ ಮೈಸೂರು ತಂಡದ‌ ನವಿಲು ನೃತ್ಯ‌, ಫೀನಿಕ್ಸ್ ಮತ್ತು ತಂಡ ಹಾಗೂ ಟೀಂ ಗೆಲಾಕ್ಸಿ ತಂಡದಿಂದ ನೃತ್ಯ ವೈವಿಧ್ಯ , ಕೀರ್ತನ ವಿಜಯ್ ಕುಮಾರ್ ಇವರಿಂದ ಸಂಗೀತ ಕಾರ್ಯಕ್ರಮಗಳು ಸೊಗಸಾಗಿ ಮೂಡಿ ಬಂದಿವು.

ಬೆಂಗಳೂರಿನ ಸ್ಟಾರ್ ಸಿಂಗರ್ಸ್ ತಂಡ ನಡೆಸಿಕೊಟ್ಟ ಸಂಗೀತ ಕಾರ್ಯಕ್ರಮದಲ್ಲಿ ಯುವ ಗಾಯಕ, ಗಾಯಕಿಯರು‌ ಸುಮಧುರ ‌ಕನ್ನಡ‌‌ ಹಾಡುಗಳನ್ನು ಹಾಡುವ ಮೂಲಕ ಪ್ರೇಕ್ಷಕರನ್ನು ರಂಜಿಸಿದರು. ಮಂಗಳೂರು ಬಾಯ್ಸ್ ಝೋನ್ಸ್ ತಂಡದಿಂದ ನಡೆದ ನೃತ್ಯ ನೆರೆದಿದ್ದವರ ಮನಸೂರೆಗೊಳಿಸಿತು.