ಸ್ಯಾಂಡಲ್ವುಡ್ನಲ್ಲಿ ವಿಭಿನ್ನ ಶೀರ್ಷಿಕೆ ಇರುವ ಬಹಳಷ್ಟು ಸಿನಿಮಾಗಳು ತೆರೆ ಕಂಡಿವೆ. ಇನ್ನು ಸೂಪರ್ ಸ್ಟಾರ್ಗಳ ಹೆಸರು ಕೂಡಾ ಸಿನಿಮಾ ಟೈಟಲ್ ಆಗಿದೆ. ಇದೀಗ ಸ್ಟಾರ್ಗಳ ಮಕ್ಕಳ ಹೆಸರಿನಲ್ಲಿ ಕೂಡಾ ಸಿನಿಮಾ ತಯಾರಾಗುವ ಟ್ರೆಂಡ್ ಆರಂಭವಾಗಿದೆ.
ಯಶ್ ಪುತ್ರಿ 'ಐರಾ' ಹೆಸರಿನಲ್ಲಿ ತಯಾರಾಗುತ್ತಿದೆ ಸಿನಿಮಾ..!
ನಾಳೆ 'ಐರಾ' ಸಿನಿಮಾ ಮುಹೂರ್ತ ಜರುಗಲಿದ್ದು, ಧ್ರುವಾ ಸರ್ಜಾ ಈ ಹೊಸಬರ ಸಿನಿಮಾಕ್ಕೆ ಕ್ಲ್ಯಾಪ್ ಮಾಡಲಿದ್ದಾರೆ. ಖಳ‌ನಟರಾದ ಉದಯ್ ಹಾಗೂ ಅನಿಲ್ ಸಮಾಧಿ ಬಳಿ, ಅಂದರೆ, ಬನಶಂಕರಿ ಸ್ಮಶಾನದಲ್ಲಿ 'ಐರಾ' ಸಿನಿಮಾದ ಮುಹೂರ್ತ ನಡೆಯಲಿದೆ.
'ಐರಾ'
ಸದ್ಯಕ್ಕೆ ರಾಕಿಂಗ್ ಸ್ಟಾರ್ ಯಶ್ ಪುತ್ರಿ ಹೆಸರಿನಲ್ಲಿ ಸಿನಿಮಾವೊಂದು ತಯಾರಾಗುತ್ತಿದೆ. ಹೌದು, 'ಐರಾ' ಟೈಟಲ್ ಇಟ್ಟುಕೊಂಡು ಹೊಸಬರ ಟೀಮ್ ಒಂದು ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಡುತ್ತಿದೆ. ನಾಳೆ ಸಿನಿಮಾ ಮುಹೂರ್ತ ಜರುಗಲಿದ್ದು, ಧ್ರುವಾ ಸರ್ಜಾ ಈ ಹೊಸಬರ ಸಿನಿಮಾಕ್ಕೆ ಕ್ಲ್ಯಾಪ್ ಮಾಡಲಿದ್ದಾರೆ. ಖಳ‌ನಟರಾದ ಉದಯ್ ಹಾಗೂ ಅನಿಲ್ ಸಮಾಧಿ ಬಳಿ, ಅಂದರೆ, ಬನಶಂಕರಿ ಸ್ಮಶಾನದಲ್ಲಿ 'ಐರಾ' ಸಿನಿಮಾದ ಮುಹೂರ್ತ ನಡೆಯಲಿದೆ. ಯುವ ನಟರಾದ ಶಿವು, ಕಾರ್ತಿಕ್ ವರ್ನೇಕರ್ ಹಾಗೂ ಅಕ್ಷತಾ ಈ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಚಿತ್ರದ ಕಥೆ, ಚಿತ್ರಕಥೆ, ಸಂಭಾಷಣೆ ಹಾಗೂ ನಿರ್ದೇಶನವನ್ನು ಖಳ ನಟ ಉದಯ್ ಸಂಬಂಧಿಯಾದ ರಾಜ್ ಉದಯ್ ನಿರ್ದೇಶನ ಮಾಡುತ್ತಿದ್ದಾರೆ. ಮಿರುನಾಳಿನಿ ನಾಯ್ಕರ್ ಈ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ.