ಹಿಂದಿಯ ಬಿಗ್ ಬಾಸ್ ದಿನದಿಂದ ದಿನಕ್ಕೆ ಹೆಚ್ಚು ಖ್ಯಾತಿ ಗಳಿಸುತ್ತಿದೆ. ಈ ಹಿಂದೆ 12 ಸೀಸನ್ಗಳನ್ನು ಮುಗಿದ್ದು, ಸದ್ಯ 13ನೇ ಸೀಸನ್ ನಡೆಯುತ್ತಿದೆ.
ಈ ಹಿಂದೆ ಮೂಡಿ ಬಂದಿರುವ ಸೀಸನ್ಗಳ ಪೈಕಿ 4ನೇ ಸೀಸನ್ನಿಂದಲೂ ಬಾಲಿವುಡ್ ಸಲ್ಲು ಬಾಯ್ ಕಾರ್ಯಕ್ರಮವನ್ನು ನಡೆಸಿಕೊಂಡು ಬರುತ್ತಿದ್ದಾರೆ. ಇವರ ನಿರೂಪಣಾ ಶೈಲಿಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಆದ್ರೆ ಇದೀಗ ಬಿಗ್ ಬಾಸ್ ಪ್ರೇಕ್ಷಕರಿಗೆ ಸಲ್ಲುಭಾಯ್ ಶಾಕಿಂಗ್ ನ್ಯೂಸ್ ಕೊಟ್ಟಿದ್ದಾರೆ.
ಹೌದು ಇಷ್ಟು ವರ್ಷಗಳ ಈ ಕಾರ್ಯಕ್ರಮವನ್ನು ಹೋಸ್ಟ್ ಮಾಡಿಕೊಂಡು ಬಂದಿರುವ ಸಲ್ಲುಮಿಯಾ ಈ ಸೀಸನ್ನಲ್ಲಿ ಅರ್ಧಕ್ಕೆ ಹೊರನಡೆಯಲಿದ್ದಾರೆ ಎನ್ನುವ ಗಾಳಿ ಮಾತುಗಳು ಕೇಳಿಬರುತ್ತಿವೆ.
ಇದಕ್ಕೆ ಕೆಲವು ಅನಾರೋಗ್ಯದ ಕಾರಣ ನೀಡಿರುವ ಸಲ್ಮಾನ್ ಖಾನ್, ನಿರೂಪಣೆಯ ಜವಾಬ್ದಾರಿಯಿಂದ ಹೊರನಡೆಯುತ್ತಾರಂತೆ. ಇವರ ಜಾಗಕ್ಕೆ ನಟಿ ಫರಾ ಖಾನ್ ಬಂದಿದ್ದಾರೆ ಎಂಬ ಮಾಹಿತಿಗಳೂ ಈಗಾಗಲೆ ಹರಿದಾಡುತ್ತಿವೆ.
ಇನ್ನು ಸಲ್ಮಾನ್ ಖಾನ್ ದಬಾಂಗ್-3 ಸಿನಿಮಾ ಪ್ರಚಾರದಲ್ಲಿ ಬಿಝಿಯಾಗಿದ್ದು, ಇದೇ ಡಿಸೆಂಬರ್ 20ಕ್ಕೆ ಈ ಚಿತ್ರ ತೆರೆ ಕಾಣಲಿದೆ.