ಬಿಗ್ಬಾಸ್ನಲ್ಲಿ ಈ ವಾರ ವಿಶೇಷ ಅತಿಥಿಯೊಬ್ಬರು ಕಾಣಿಸಿಕೊಂಡಿದ್ದಾರೆ. ಅದು ಬಾಲಿವುಡ್ ಭಾಯ್ ಜಾನ್ ಸಲ್ಮಾನ್ ಖಾನ್. ಬಿಗ್ಬಾಸ್ ವೇದಿಕೆಯ ಮೇಲೆ ಸ್ಯಾಂಡಲ್ವುಡ್ ಪೈಲ್ವಾನ್ ಹಾಗೂ ಬಾಲಿವುಡ್ ಸುಲ್ತಾನನ ಸಮಾಗಮ ನಡೆದಿದೆ. ಈ ಸುಂದರ ಕ್ಷಣ ನಿನ್ನೆ ರಾತ್ರಿಯ ಎಪಿಸೋಡ್ನಲ್ಲಿ ಪ್ರಸಾರವಾಯಿತು.
ಇನ್ನು ಕನ್ನಡದ ಬಿಗ್ಬಾಸ್ನ ನಿರೂಪಣೆಯನ್ನು ಕಿಚ್ಚ ಸುದೀಪ್ ಮಾಡುತ್ತಿದ್ದರೆ, ಹಿಂದಿ ಬಿಗ್ಬಾಸ್ ಶೋ ಸಲ್ಮಾನ್ ಖಾನ್ ನಿರೂಪಣೆ ಮಾಡುತ್ತಿದ್ದಾರೆ. ದಬಾಂಗ್-3 ಚಿತ್ರದ ಪ್ರಮೋಶನ್ಗಾಗಿ ಕನ್ನಡ ಕಿರುತೆರೆಯಲ್ಲಿ ಸಲ್ಮಾನ್ ಖಾನ್ ಕಾಣಿಸಿಕೊಂಡಿದ್ದು ಎಲ್ಲರಲ್ಲಿ ಕುತೂಹಲ ಮೂಡಿಸಿದೆ.
ಇನ್ನು ಪ್ರಭುದೇವ ನಿರ್ದೇಶನ ಮಾಡಿರುವ 'ದಬಾಂಗ್-3' ಚಿತ್ರದ ಪ್ರಚಾರ ಸಲುವಾಗಿ ಚಿತ್ರತಂಡ 'ದಿ ಕಪಿಲ್ ಶರ್ಮಾ ಶೋ'ನಲ್ಲಿ ಈ ಹಿಂದೆ ಸುದೀಪ್ ಭಾಗವಹಿಸಿ ಇಡೀ ಶೋನಲ್ಲಿ ಎಲ್ಲರನ್ನು ನಕ್ಕು ನಗಿಸಿದ್ದರು.
ಇದೀಗ ಕನ್ನಡದ ಬಿಗ್ ಬಾಸ್ ವೇದಿಕೆ ಮೇಲೆ ಬಾಲಿವುಡ್ ಭಾಯ್ ಜಾನ್ ಸಲ್ಮಾನ್ ಖಾನ್ ಕಾಣಿಸಿಕೊಂಡಿದ್ದು, ಎಲ್ಲರಲ್ಲೂ ಕುತೂಹಲ ಮೂಡಿಸಿದ್ರು. ಇನ್ನು ಈ ವೇದಿಕೆಯಲ್ಲಿ ಒಂದು ವಿಶೇಷತೆ ನಡೆದಿದ್ದು, ಅದೇನಂದ್ರೆ ಸಲ್ಮಾನ್ ಖಾನ್ ಕನ್ನಡದಲ್ಲಿಯೇ ಮಾತನಾಡಿದ್ರು. ಹೌದು, ಕನ್ನಡದಲ್ಲಿ ನಿರೂಪಕರ ರೀತಿ ಮಾತನಾಡಿದ ಅವರು ಬಿಗ್ ಬಾಸ್ ಅಪೇಕ್ಷಿಸುತ್ತಾರೆ. ಮನೆಯಿಂದ ಹೊರಗೆ ಹಾಕೋದು, ನಿಯಮ ಉಲ್ಲಂಘನೆ ಎಂಬ ಪದಗಳನ್ನು ಬಳಸಿದ್ರು. ಅಲ್ಲದೆ ನಾನು ಕನ್ನಡದ ಬಿಗ್ ಬಾಸ್ ಶೋ ಹೋಸ್ಟ್ ಮಾಡಬಹುದಾ? ಎಂದು ಕೇಳಿದಾಗ ಖಂಡಿತಾ ಬನ್ನಿ, ನಮ್ಮ ಅಭಿಮಾನಿಗಳು, ಬಿಗ್ ಬಾಸ್ ಸ್ಪರ್ಥಿಗಳು ಕೂಡ ಅದನ್ನೇ ಬಯಸುತ್ತಿದ್ದಾರೆ ಎಂದು ಕಿಚ್ಚ ಹೇಳಿದ್ರು. ಈ ಎಲ್ಲಾ ಸಂಭಾಷಣೆಗಳು ವಿಡಿಯೋ ಕಾಲ್ ಮೂಲಕ ನಡೆದವು. ಈ ವೇಳೆ ಸಲ್ಮಾನ್ ಖಾನ್ ಜೊತೆ ನಿರ್ದೇಶಕ ಪ್ರಭುದೇವ್ ಮತ್ತು ನಟಿ ಸೋನಾಕ್ಷಿ ಸಿನ್ಹಾ ಇದ್ದರು.
ಇದನ್ನು ಗಮನಿಸಿದಾಗ ಮುಂದಿನ ದಿನಗಳಲ್ಲಿ ಬಾಲಿವುಡ್ ಸಲ್ಮಾನ್ ಖಾನ್ ಕನ್ನಡದ ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ಭಾಗಿಯಾಗಿ, ಕಾರ್ಯಕ್ರಮವನ್ನು ನಡೆಸಿಕೊಡುತ್ತಾರೆ ಎನ್ನಲಾಗುತ್ತಿದೆ.
