ಸಾಯಿ ಪಲ್ಲವಿ, ದಕ್ಷಿಣ ಭಾರತದ ಹೆಚ್ಚು ಫ್ಯಾನ್ ಫಾಲೋಯಿಂಗ್ ಹೊಂದಿರುವ ನಟಿಯರಲ್ಲಿ ಒಬ್ಬರು. ಮಲಯಾಳಂ 'ಪ್ರೇಮಂ' ಸಿನಿಮಾ ಮೂಲಕ ಪೂರ್ಣ ಪ್ರಮಾಣದ ನಾಯಕಿಯಾಗಿ ಇಂಡಸ್ಟ್ರಿಗೆ ಕಾಲಿಟ್ಟ ಈ ಪಿಂಪಲ್ ಬ್ಯೂಟಿ 'ಫಿದಾ' ಸಿನಿಮಾ ಮೂಲಕ ಟಾಲಿವುಡ್ಗೆ ಪರಿಚಯವಾದರು.
ಮತ್ತೊಂದು ಯೂಟ್ಯೂಬ್ ದಾಖಲೆ ಮುರಿದ ಸಾಯಿಪಲ್ಲವಿ: ಎಲ್ಲೆಡೆ ರೌಡಿ ಬೇಬಿಯದ್ದೇ ಹವಾ..!
ಈ ಮುನ್ನ 'ಫಿದಾ' ಸಿನಿಮಾದ 'ವಚ್ಚಿಂದೆ ಪಿಲ್ಲ ಮೆಲ್ಲಗೆ ವಚ್ಚಿಂದೆ' ಹಾಡು ಯೂಟ್ಯೂಬ್ನಲ್ಲಿ ಅತಿ ಹೆಚ್ಚು ವೀಕ್ಷಿಸಲಾದ ದಕ್ಷಿಣ ಭಾರತದ ಹಾಡು ಎಂಬ ದಾಖಲೆ ಮಾಡಿತ್ತು. ಆದರೆ ಈಗ ಆ ದಾಖಲೆಯನ್ನು 'ಮಾರಿ-2' ಸಿನಿಮಾದ 'ರೌಡಿಬೇಬಿ' ಹಾಡು ಬ್ರೇಕ್ ಮಾಡಿದೆ.
ಸಾಯಿಪಲ್ಲವಿ
2017 ರಲ್ಲಿ ಬಿಡುಗಡೆಯಾಗದ ಶೇಖರ್ ಕಮ್ಮುಲ ನಿರ್ದೇಶನದ 'ಫಿದಾ' ಸಿನಿಮಾದ 'ವಚ್ಚಿಂದೆ ಪಿಲ್ಲ ಮೆಲ್ಲಗ ವಚ್ಚಿಂದೆ' ಎಲ್ಲರ ಮೋಸ್ಟ್ ಫೇವರೆಟ್ ಹಾಡಾಗಿತ್ತು. ಯೂಟ್ಯೂಬ್ನಲ್ಲಿ ಅತಿ ಹೆಚ್ಚು ವೀಕ್ಷಿಸಲಾದ ದಕ್ಷಿಣ ಭಾರತದ ತೆಲುಗು ಸಿನಿಮಾ ಹಾಡು ಎಂಬ ಹೆಗ್ಗಳಿಕೆ ಗಳಿಸಿತ್ತು. ಇದುವರೆಗೂ ಸುಮಾರು 200 ಮಿಲಿಯನ್ ಜನರು ಈ ಹಾಡನ್ನು ವೀಕ್ಷಿಸಿದ್ದು ಈ ಖ್ಯಾತಿ ಗಳಿಸಿದ ಮೊದಲ ತೆಲುಗು ಹಾಡು ಎಂಬ ಕೀರ್ತಿಗೆ ಕೂಡಾ ಪಾತ್ರವಾಗಿದೆ.
ಇದೀಗ ಆ ದಾಖಲೆಯನ್ನು ತಮಿಳಿನ ಮಾರಿ-2 ಸಿನಿಮಾದ 'ರೌಡಿ ಬೇಬಿ' ಹಾಡು ಬ್ರೇಕ್ ಮಾಡಿದೆ. ಅತಿ ಹೆಚ್ಚು ವೀಕ್ಷಿಸಲಾದ ದಕ್ಷಿಣ ಭಾರತದ ತಮಿಳು ಹಾಡು ಎಂಬ ದಾಖಲೆಗೆ ಈ ಹಾಡು ಸೇರಿದೆ. ಇದುವರೆಗೂ ಈ ಹಾಡಿಗೆ 448 ಮಿಲಿಯನ್ ಹಿಟ್ಸ್ ದೊರಕಿದೆ. ವಿಶೇಷ ಎಂದರೆ ಈ ಎರಡೂ ಹಾಡುಗಳು ಸಾಯಿಪಲ್ಲವಿ ನಟಿಸಿರುವ ಸಿನಿಮಾವಾಗಿದೆ. ಸದ್ಯಕ್ಕೆ ಸಾಯಿ ಪಲ್ಲವಿ ಯೂಟ್ಯೂಬ್ನಲ್ಲೂ ಸೆನ್ಸೇಷನ್ ಕ್ರಿಯೇಟ್ ಮಾಡಿರುವ ನಟಿ ಎಂದರೆ ತಪ್ಪಾಗಲಾರದು.