ನಟಿ ರೋಜಾ ಪುತ್ರಿ ಅನ್ಷುಮಾಲಿಕ ಬರ್ತ್​ಡೇ ಫೋಟೋಗಳು ವೈರಲ್​​​​​

ಸೆಪ್ಟೆಂಬರ್ 10 ರಂದು ನಟಿ ರೋಜಾ ತಮ್ಮ ಪುತ್ರ ಅನ್ಷುಮಾಲಿಕ 17ನೇ ವರ್ಷದ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಿದ್ದರು. ಈ ಫೋಟೋಗಳು ಈಗ ವೈರಲ್ ಆಗುತ್ತಿವೆ.

ತೆಲುಗು ಕುಟುಂಬದಲ್ಲಿ ಜನಿಸಿ ಟಾಲಿವುಡ್ ಜೊತೆಗೆ ಕನ್ನಡ, ತಮಿಳು, ಮಲಯಾಳಂ ಚಿತ್ರಗಳಲ್ಲಿ ನಟಿಸಿ ಹೆಸರು ಮಾಡಿರುವ ಮುದ್ದು ನಟಿ ರೋಜಾ ಬಹುಶ: ಎಲ್ಲರಿಗೂ ಗೊತ್ತು. 'ಗಡಿಬಿಡಿ ಗಂಡ' ಚಿತ್ರದ ಮೂಲಕ ಸ್ಯಾಂಡಲ್​ವುಡ್​​​ಗೆ ಎಂಟ್ರಿ ಕೊಟ್ಟು ರವಿಚಂದ್ರನ್ ಜೊತೆ ರೊಮ್ಯಾನ್ಸ್ ಮಾಡಿದ ರೋಜಾ ಈಗ ವೈಎಸ್​​ಆರ್​​​​​​​ ಕಾಂಗ್ರೆಸ್ ಪಕ್ಷದ ಎಂಎಲ್​​​​ಎ ಆಗಿ ಗುರುತಿಸಿಕೊಂಡಿದ್ದಾರೆ.

ರೋಜಾ ಪುತ್ರಿ ಅನ್ಷುಮಾಲಿಕ

ಕಳೆದ 4 ದಿನಗಳ ಹಿಂದೆ ರೋಜಾ ತಮ್ಮ ಪುತ್ರಿ ಅನ್ಷುಮಾಲಿಕ 17ನೇ ವರ್ಷದ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಿದ್ದರು. ಈ ಫೋಟೋಗಳು ಈಗ ಸಖತ್ ವೈರಲ್ ಆಗುತ್ತಿದೆ. 2002 ರಲ್ಲಿ ತಮಿಳು ನಿರ್ದೇಶಕ ಸೆಲ್ವಮಣಿ ಅವರನ್ನು ಕೈ ಹಿಡಿದ ರೋಜಾಗೆ ಇಬ್ಬರು ಮಕ್ಕಳು. ಮಗಳು ಅನ್ಷುಮಾಲಿಕ ಹಾಗೂ ಮಗ ಕೃಷ್ಣ ಲೋಹಿತ್. ಅನ್ಷುಮಾಲಿಕ 17ನೇ ವರ್ಷದ ಬರ್ತ್​ಡೇ ಕಾರ್ಯಕ್ರಮದಲ್ಲಿ ಕುಟುಂಬದ ಸದಸ್ಯರು ಮಾತ್ರ ಹಾಜರಾಗಿದ್ದರೂ ಹುಟ್ಟುಹಬ್ಬ ಮಾತ್ರ ಬಹಳ ಅದ್ಧೂರಿಯಾಗಿತ್ತು.

ಅನ್ಷುಮಾಲಿಕ 17ನೇ ಹುಟ್ಟುಹಬ್ಬ

ಆಂಧ್ರಪ್ರದೇಶ ಸಿಎಂ ಜಗನ್​​ಮೋಹನ್ ರೆಡ್ಡಿ ಕೂಡಾ ಅನ್ಷುಮಾಲಿಕ ಹುಟ್ಟುಹಬ್ಬಕ್ಕೆ ಶುಭ ಕೋರಿದ್ದರು. ಆಗಸ್ಟ್ 23 ರಂದು ರೋಜಾ ಹಾಗೂ ಸೆಲ್ವಮಣಿ 19ನೇ ವರ್ಷದ ಮದುವೆ ವಾರ್ಷಿಕೋತ್ಸವ ಆಚರಿಸಿಕೊಂಡಾಗ ಕೂಡಾ ಕುಟುಂಬ ಸಹಿತ ಜಗನ್​​ಮೋಹರ್ ರೆಡ್ಡಿ ಅವರನ್ನು ಭೇಟಿ ಮಾಡಿ ಆಶೀರ್ವಾದ ಪಡೆದಿದ್ದರು. ಸದ್ಯಕ್ಕೆ ಆಂಧ್ರದ ನಗರಿ ಕ್ಷೇತ್ರಕ್ಕೆ ರೋಜಾ ಶಾಸಕಿಯಾಗಿದ್ದಾರೆ.

ಆಂಧ್ರ ಸಿಎಂ ಜಗನ್​​ಮೋಹನ್ ರೆಡ್ಡಿ ಜೊತೆ ರೋಜಾ ಕುಟುಂಬ

ಕನ್ನಡದ ಗಡಿಬಿಡಿ ಗಂಡ, ಕಲಾವಿದ, ಪ್ರೇಮೋತ್ಸವ, ಇಂಡಿಪೆಂಡೆನ್ಸ್ ಡೇ, ಗ್ರಾಮದೇವತೆ, ಸುಂದರ ಕಾಂಡ, ಪರ್ವ ಹಾಗೂ ಮೌರ್ಯ ಚಿತ್ರಗಳಲ್ಲಿ ರೋಜಾ ನಟಿಸಿದ್ದಾರೆ. ಸದ್ಯಕ್ಕೆ ರಾಜಕೀಯದಲ್ಲಿ ಹೆಚ್ಚು ಬ್ಯುಸಿ ಆಗಿರುವ ರೋಜಾ ಈಟಿವಿ ತೆಲುಗು ಜಬರ್​​ದಸ್ತ್​ ಕಾರ್ಯಕ್ರಮದಲ್ಲಿ ಜಡ್ಜ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಅನ್ಷುಮಾಲಿಕ ಬರ್ತ್​ಡೇ ಸೆಲಬ್ರೇಷನ್