ಫೋಟೋ ನೋಡಿ ಇವರೇ ಅಪ್ಪ-ಅಮ್ಮ ಎಂದು ಕಂಡು ಹಿಡಿದ ರಾಕಿಂಗ್ ಸ್ಟಾರ್ ಪುತ್ರಿ ಐರಾ..!

ಐರಾ 8 ತಿಂಗಳ ಮಗುವಾಗಿದ್ದಾಗ ತೆಗೆದ ವಿಡಿಯೋವೊಂದನ್ನು ರಾಧಿಕಾ ಪಂಡಿತ್​​ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಐರಾ, ಯಶ್​​-ರಾಧಿಕಾ ಪೋಟೋ ನೋಡಿ ಇವರೇ ಅಪ್ಪ-ಅಮ್ಮ ಎಂದು ಕಂಡುಹಿಡಿದಿದ್ದಾಳೆ.

ಕನ್ನಡ ಚಿತ್ರರಂಗದ ಕ್ಯೂಟ್ ಕಪಲ್ ಅಂದ್ರೆ ರಾಕಿಂಗ್ ಸ್ಟಾರ್ ಯಶ್ ಹಾಗೂ ರಾಧಿಕಾ ಪಂಡಿತ್. ಬಣ್ಣದ ಲೋಕದಿಂದ ಕರಿಯರ್ ಆರಂಭಿಸಿದಾಗಿನಿಂದ ಸ್ಟಾರ್​​ಗಳಾಗುವವರೆಗೂ ಜೊತೆಗಿದ್ದ ಜೋಡಿ ಹಿರಿಯರ ಒಪ್ಪಿಗೆ ಪಡೆದು ಮದುವೆಯಾದರು. ದಂಪತಿಗೆ ಐರಾ ಎಂಬ ಮುದ್ದು ಮಗುವಿದ್ದು, ಇದೀಗ ರಾಧಿಕಾ ಶೀಘ್ರದಲ್ಲೇ ಎರಡನೇ ಮಗುವಿಗೆ ತಾಯಿಯಾಗಲಿದ್ದಾರೆ.

ಸದ್ಯಕ್ಕೆ ಯಶ್​​​-ರಾಧಿಕಾ ಪುತ್ರಿ ಐರಾ, ಮಿಸ್ಟರ್ ಅಂಡ್ ಮಿಸೆಸ್ ರಾಮಾಚಾರಿಯಂತೆಯೇ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಸದ್ದು ಮಾಡುತ್ತಿದ್ದಾಳೆ. ಯಶ್ ಹಾಗೂ ರಾಧಿಕಾ ಇಬ್ಬರೂ ತಮ್ಮ ಪುತ್ರಿಯ ಫೋಟೋ ಹಾಗೂ ವಿಡಿಯೋಗಳನ್ನು ಆಗಾಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಅಪ್​​​​ಲೋಡ್​ ಮಾಡುತ್ತಿರುತ್ತಾರೆ. ಐರಾಗೆ ಈಗ 10 ತಿಂಗಳು ತುಂಬಿದ್ದು, ಮಗು 8 ತಿಂಗಳು ಇದ್ದಾಗ ತೆಗೆದ ವಿಡಿಯೋವೊಂದನ್ನು ರಾಧಿಕಾ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ರಾಧಿಕಾ ತಾಯಿ ಕೊಂಕಣಿ ಭಾಷೆಯಲ್ಲಿ ಐರಾಳನ್ನು ಮಾತನಾಡಿಸಿ ಯಶ್​, ರಾಧಿಕಾ ಫೋಟೋ ತೋರಿಸಿ ಅಪ್ಪ, ಅಪ್ಪ ಎಲ್ಲಿ ಎಂದು ಕೇಳುತ್ತಾರೆ. ಅಜ್ಜಿಯ ಮಾತನ್ನು ಅರ್ಥ ಮಾಡಿಕೊಂಡ ಐರಾ, ಯಶ್ ಹಾಗೂ ರಾಧಿಕಾರನ್ನು ಫೋಟೋದಲ್ಲಿ ತೋರಿಸುತ್ತಾಳೆ. ಈ ಮುದ್ದಾದ ವಿಡಿಯೋವನ್ನು ರಾಧಿಕಾ ತಮ್ಮ ಫೇಸ್​​​​ಬುಕ್​​​ನಲ್ಲಿ ಹಂಚಿಕೊಂಡಿದ್ದಾರೆ. ಯಶ್​​ ಹಾಗೂ ರಾಧಿಕಾ ಅಭಿಮಾನಿಗಳು ಈ ವಿಡಿಯೋವನ್ನು ಬಹಳ ಇಷ್ಟಪಟ್ಟಿದ್ದಾರೆ.