ರಾಬರ್ಟ್​​ ತೆಲುಗು ಟೀಸರ್​ ಔಟ್​... ಅಭಿಮಾನಿಗಳು ದಿಲ್​ ಖುಷ್​

ಇಂದು ತೆಲುಗು ಅವತರಣಿಕೆಯ ರಾಬರ್ಟ್​​ ಟೀಸರ್​ ತೆರೆ ಕಂಡಿದ್ದು, ಅಭಿಮಾನಿಗಳ ಮೆಚ್ಚುಗೆಗೂ ಪಾತ್ರವಾಗಿದೆ.

ಚಾಲೆಂಜಿಂಗ್​ ಸ್ಟಾರ್​ ದರ್ಶನ್ ಅಭಿನಯದ​ ಬಹು ನಿರೀಕ್ಷಿತ ‘ರಾಬರ್ಟ್​’ ಸಿನಿಮಾ ಬಗ್ಗೆ ಇತ್ತೀಚೆಗೆ ಭಾರಿ ಚರ್ಚೆಯಾಗಿತ್ತು. ತೆಲುಗಿನಲ್ಲಿ ರಾಬರ್ಟ್​​​ ರಿಲೀಸ್​ಗೆ ಗೊಣಗಾಡಿದವರ ಮೇಲೆ ದರ್ಶನ್​​​ ಫಿಲ್ಮ್​​ ಚೇಂಬರ್​​​ಗೆ ದೂರು ನೀಡಿದ್ದೂ ಆಗಿ ಕೊನೆಗೆ ಯಶಸ್ಸು ಸಿಕ್ಕಿದೆ. ಇದೇಗ ಮಾರ್ಚ್​​ 11ಕ್ಕೆ ತೆಲುಗಿನಲ್ಲಿಯೂ ರಾಬರ್ಟ್​​ ಅಬ್ಬರಿಸಲಿದ್ದಾನೆ.

ಇದೇ ಹಿನ್ನೆಲೆಯಲ್ಲಿ ಇಂದು ತೆಲುಗು ಅವತರಣಿಕೆಯ ರಾಬರ್ಟ್​​ ಟೀಸರ್​ ತೆರೆ ಕಂಡಿದ್ದು, ಅಭಿಮಾನಿಗಳ ಮೆಚ್ಚುಗೆಗೂ ಪಾತ್ರವಾಗಿದೆ.

ಇಂದು ತೆರೆ ಕಂಡಿರುವ ರಾಬರ್ಟ್​​ ಟೀಸರ್​​ನಲ್ಲಿ ದರ್ಶನ್​ ಧ್ವನಿಯೇ ಇಲ್ಲ. ಟೀಸರ್​ನಲ್ಲಿ ಚಾಲೆಂಜಿಂಗ್​ ಸ್ಟಾರ್​ಗೆ ಬೇರೆಯವರಿಂದ ವಾಯ್ಸ್​ ಡಬ್​ ಮಾಡಿಸಲಾಗಿದೆ. ದರ್ಶನ್ ಬಾಯಿಂದ​ ತೆಲುಗು ಭಾಷೆ ಕೇಳಬೇಕೆಂದಿದ್ದ ಅಭಿಮಾನಿಗಳಿಗೆ ಕೊಂಚ ನಿರಾಸೆಯಾಗಿದೆ. ಅದನ್ನು ಫ್ಯಾನ್ಸ್ ಕಮೆಂಟ್​ ಮಾಡುವ ಮೂಲಕ ಬೇಸರ ವ್ಯಕ್ತ ಪಡಿಸ್ತಿದ್ದಾರೆ.