ವೈರಲ್​ ಆಗ್ತಿದೆ 'ರಾಬರ್ಟ್​' ಸಾಂಗ್​ ರೆಕಾರ್ಡಿಂಗ್​ ವಿಡಿಯೋ!

ಬರೋಬ್ಬರಿ 108 ದಿನಗಳ ಕಾಲ ಶೂಂಟಿಂಗ್​ ಮಾಡಿ ಮುಗಿಸಿರುವ ರಾಬರ್ಟ್​​ ಸಿನಿತಂಡ ಇದೀಗ ಸಾಂಗ್​ ರೆಕಾರ್ಡಿಂಗ್​ ಕೆಲಸಕ್ಕೆ ಕೈ ಹಾಕಿದೆ. ಸಾಂಗ್​ ರೆಕಾರ್ಡಿಂಗ್​ ಮಾಡುತ್ತಿರುವ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದು, ವಿಡಿಯೋದಲ್ಲಿ ಮ್ಯೂಸಿಕ್​ ಮಾಂತ್ರಿಕ ಅರ್ಜುನ್​ ಜನ್ಯ ಮತ್ತು ನಿರ್ದೇಶಕ ತರುಣ್​ ಸುಧೀರ್​​ ಕಾಣಿಸಿಕೊಂಡಿದ್ದಾರೆ.

ಚಾಲೆಂಜಿಂಗ್​ ಸ್ಟಾರ್​ ದರ್ಶನ್​ ಅಭಿನಯದ, ತರುಣ್​ ಸುಧೀರ್​ ನಿರ್ದೇಶನದ ರಾಬರ್ಟ್​ ಸಿನಿಮಾ ಶೂಟಿಂಗ್​ ಮುಕ್ತಾಯವಾಗಿದೆ. ಈ ಸುದ್ದಿಯನ್ನು ಚಿತ್ರತಂಡ ಈಗಾಗಲೇ ಬಹಿರಂಗಪಡಿಸಿದೆ. ಅಲ್ಲದೆ ಸಿನಿಮಾಕ್ಕಾಗಿ ದುಡಿದ ತಂತ್ರಜ್ಞರಿಗೆ ದಚ್ಚು ನಿನ್ನೆ ಉಡುಗೊರೆಯನ್ನೂ ನೀಡಿದ್ದಾರೆ.

ಇನ್ನು ಬರೋಬ್ಬರಿ 108 ದಿನಗಳ ಕಾಲ ಶೂಂಟಿಂಗ್​ ಮಾಡಿರುವ ಚಿತ್ರತಂಡ ಇದೀಗ ಸಾಂಗ್​ ರೆಕಾರ್ಡಿಂಗ್​ ಕೆಲಸಕ್ಕೆ ಕೈ ಹಾಕಿದೆ. ರಾಬರ್ಟ್​​ ಸಿನಿಮಾಕ್ಕೆ ಬೆಂಗಳೂರು, ಮೈಸೂರು, ಹೈದರಾಬಾದ್, ಪುದುಚೇರಿ, ವಾರಣಾಸಿ, ಲಕ್ನೋ ಸೇರಿದಂತೆ ಹಲವು ಕಡೆ ಶೂಟಿಂಗ್​ ಮಾಡಲಾಗಿತ್ತು.

ಇದೀಗ ಸಾಂಗ್​ ರೆಕಾರ್ಡಿಂಗ್​ ಮಾಡುತ್ತಿರುವ ವಿಡಿಯೋವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿ ಬಿಟ್ಟಿರುವ ರಾಬರ್ಟ್​ ತಂಡ, ಸಿನಿಮಾ ಬಗ್ಗೆ ಕುತೂಹಲ ಮೂಡಿಸಿದೆ. ಈ ವಿಡಿಯೋದಲ್ಲಿ ಮ್ಯೂಸಿಕ್​ ಮಾಂತ್ರಿಕ ಅರ್ಜುನ್​ ಜನ್ಯ ಮತ್ತು ನಿರ್ದೇಶಕ ತರುಣ್​ ಸುಧೀರ್​​ ಕಾಣಿಸಿಕೊಂಡಿದ್ದಾರೆ.

ರಾಬರ್ಟ್​ಸಿನಿಮಾಕ್ಕೆ ಉಮಾಪತಿ ಬಂಡವಾಳ ಹೂಡಿದ್ದು, ತರುಣ್​ ಸುಧೀರ್​​ ಆಕ್ಷನ್​ ಕಟ್​ ಹೇಳಿದ್ದಾರೆ. ಇನ್ನು ಚಿತ್ರದಲ್ಲಿ ಆಶಾ ಭಟ್​ ಮತ್ತು ವಿನೋದ್​ ಪ್ರಭಾಕರ್​ ದರ್ಶನ್​ ಜೊತೆ ಸ್ಕ್ರೀನ್​ ಶೇರ್​ ಮಾದ್ದಾರೆ.