ವೀರಾಂಜನೇಯನ ಅವತಾರದಲ್ಲಿ ದರ್ಶನ.. ರಾಬರ್ಟ್‌ 2ನೇ ಮೋಷನ್​ ಪೋಸ್ಟರ್​ ಔಟ್​​!!

ಹೊಸ ವರ್ಷದ ಮೊದಲ ಹಬ್ಬಕ್ಕೆ ಚಾಲೆಂಜಿಂಗ್ ಸ್ಟಾರ್, ತಾವು ಅಭಿನಯಿಸಿದ ರಾಬರ್ಟ್ ಚಿತ್ರದ ಎರಡನೆಯ ಮೋಷನ್​ ಪೋಸ್ಟರ್​​​ ರಿಲೀಸ್ ಮಾಡುವ ಮೂಲಕ ಅಭಿಮಾನಿಗಳಿಗೆ ಸಿಹಿ ಸುದ್ದಿ ಕೊಟ್ಟಿದ್ದಾರೆ.

ರಾಬರ್ಟ್ ದರ್ಶನ್ ನಟಿಸುತ್ತಿರುವ ಬಹು ನಿರೀಕ್ಷೆಯ ಚಿತ್ರ. ಈ ಚಿತ್ರ ಶುರುವಿನಿಂದಲೂ ಒಂದಲ್ಲ ಒಂದು ಕಾರಣಕ್ಕೆ ವಿಶೇಷತೆಯಿಂದ ಗಮನ ಸೆಳೆಯುತ್ತಿದೆ. ಹೊಸ ವರ್ಷದ ಮೊದಲ ಹಬ್ಬಕ್ಕೆ ಚಾಲೆಂಜಿಂಗ್ ಸ್ಟಾರ್ ರಾಬರ್ಟ್ ಚಿತ್ರದ ಸೆಂಕೆಂಡ್​ ಮೋಷನ್​ ಪೋಸ್ಟರ್​​​ ರಿಲೀಸ್ ಮಾಡುವ ಮೂಲಕ ಅಭಿಮಾನಿಗಳಿಗೆ ಸಿಹಿ ಸುದ್ದಿ ಕೊಟ್ಟಿದ್ದಾರೆ.

ಈ ಹಿಂದೆ ರಿಲೀಸ್​ ಆಗಿದ್ದ ಗ್ಯಾಂಗ್​​ಸ್ಟಾರ್​​ ಲುಕ್​ನ ಮೋಷನ್​ ಪೋಸ್ಟರ್​ ಸಖತ್​​ ಸುದ್ದಿಯಾಗಿದ್ರೆ, ಇದೀಗ ಹನುಮಂತನ ಅವತಾರದಲ್ಲಿರುವ ದಚ್ಚು ಲುಕ್‌ಗೆ ಅಭಿಮಾನಿಗಳು ಫುಲ್​​ ಫಿದಾ ಆಗಿದ್ದಾರೆ. ತಮ್ಮ ಸಿನಿಮಾ ಕೆರಿಯರ್​​ನಲ್ಲಿ ಫಸ್ಟ್ ಟೈಮ್ ದರ್ಶನ್ ಹನುಮಂತನ ಅವತಾರದಲ್ಲಿ ಮಿಂಚಿದ್ದಾರೆ.

ಹೆಗಲ ಮೇಲೆ ಪುಟಾಣಿ ರಾಮನನ್ನು ಕೂರಿಸಿಕೊಂಡು, ಸಂಕ್ರಾಂತಿ ಹಬ್ಬಕ್ಕೆ ಕಾಮಣ್ಣನ ಸಂಹರಿಸುವ ಮೂಲಕ ಜೈ ಹನುಮಂತ ಅಂತಿದ್ದಾರೆ. ಒಂದು ಅಚ್ಚರಿ ವಿಷ್ಯ ಅಂದ್ರೆ ವರ್ಷ ಪೂರ್ತಿ ನಾನ್‌ವೆಜ್ ತಿನ್ನುವ ದರ್ಶನ್, ಈ ಹನುಮಂತನ ಪಾತ್ರಕ್ಕಾಗಿ ಮಾಂಸಾಹಾರ ತ್ಯಜಿಸಿ ಅಭಿನಯಿಸಿದ್ದಾರಂತೆ.

ರಾಬರ್ಟ್​ ಸಿನಿಮಾಕ್ಕೆ ತರುಣ್​ ಸುಧೀರ್ ಆ್ಯಕ್ಷನ್​-ಕಟ್​​ ಹೇಳಿದ್ದಾರೆ. ಉಮಾಪತಿ ಬಂಡವಾಳ ಹೂಡಿದ್ದಾರೆ. ದರ್ಶನ್​ ಲೀಡ್​​ ರೋಲ್​ನಲ್ಲಿ ಕಾಣಿಸಿರುವ ರಾಬರ್ಟ್ ಚಿತ್ರ ಏಪ್ರಿಲ್ 2ನೇ ವಾರ ಪ್ರೇಕ್ಷಕರ ಮುಂದೆ ಬರುವ ಸಾಧ್ಯತೆಗಳಿವೆ.