ರಿಷಭ್ ಶೆಟ್ಟಿ ತಾವೊಬ್ಬ ಉತ್ತಮ ನಿರ್ದೇಶಕ ಮಾತ್ರವಲ್ಲ ಒಳ್ಳೆಯ ನಟ ಎನ್ನುವುದನ್ನು 'ಬೆಲ್ ಬಾಟಮ್' ಚಿತ್ರದ ಮೂಲಕ ಪ್ರೂವ್ ಮಾಡಿದ್ದಾರೆ. ಮೊದಲ ಬಾರಿಗೆ ಪೂರ್ಣ ಪ್ರಮಾಣದ ನಾಯಕನಾಗಿ ನಟಿಸಿರುವ ಬೆಲ್ಬಾಟಮ್ನಲ್ಲಿ ರಿಷಭ್ ಪತ್ತೇದಾರಿ ದಿವಾಕರನಾಗಿ ಎಲ್ಲರನ್ನೂ ನಗಿಸಿದ್ದರು.
'ಬೆಲ್ ಬಾಟಮ್' ಭಾಗ-2 ಸಿನಿಮಾ ಮಾಡ್ತಾರಂತೆ ರಿಷಭ್ ಶೆಟ್ಟಿ! - ರಿಷಭ್ ಶೆಟ್ಟಿ
ಜಯತೀರ್ಥ ನಿರ್ದೇಶನದಲ್ಲಿ ರಿಷಭ್ ಶೆಟ್ಟಿ ಹಾಗೂ ಹರಿಪ್ರಿಯ ನಟಿಸಿರುವ 'ಬೆಲ್ ಬಾಟಮ್' ಸಿನಿಮಾ ಯಶಸ್ವಿ 25 ದಿನಗಳನ್ನು ಮುಗಿಸಿ 50 ನೇ ದಿನದತ್ತ ಸಾಗಿದೆ. ಇನ್ನು ರಿಷಭ್ ಈಗ ಒಪ್ಪಿಕೊಂಡಿರುವ ಪ್ರಾಜೆಕ್ಟ್ಗಳನ್ನು ಮುಗಿಸಿದ ನಂತರ ಬೆಲ್ಬಾಟಮ್ ಭಾಗ 2 ಸಿನಿಮಾ ಮಾಡಲಿದ್ದಾರಂತೆ.
ರಿಷಭ್ ಶೆಟ್ಟಿ , ಹರಿಪ್ರಿಯ
ಅಂದುಕೊಂಡಂತೆ ಈ ಚಿತ್ರಕ್ಕೆ ಯಶಸ್ಸು ಲಭಿಸಿದೆ. ಇದೇ ಖುಷಿಯಲ್ಲಿ ರಿಷಭ್ ಶೆಟ್ಟಿ 'ಬೆಲ್ ಬಾಟಮ್' ಭಾಗ 2ನ್ನು ಮಾಡಲಿದ್ದಾರಂತೆ. ಈ ಮೂಲಕ ನಿರ್ದೇಶಕ ಜಯತೀರ್ಥ ಹಾಗೂ ನಿರ್ಮಾಪಕ ಸಂತೋಷ್ ಕುಮಾರ್ ಮತ್ತೆ ಒಂದಾಗುತ್ತಿದ್ದಾರೆ. ಚಿತ್ರದಲ್ಲಿ ದಿವಾಕರ ಹಾಗೂ ಕುಸುಮ ಪಾತ್ರ ಮಾಡಿದ್ದ ಹರಿಪ್ರಿಯ ಕೆಮಿಸ್ಟ್ರಿ ಸಖತ್ ವರ್ಕೌಟ್ ಆಗಿತ್ತು.
ಸದ್ಯಕ್ಕೆ ಬೆಲ್ ಬಾಟಮ್ ಯಶಸ್ವಿ 50 ದಿನದತ್ತ ಮುನ್ನುಗುತ್ತಿದೆ. ರಿಷಭ್ ಈಗ ಒಪ್ಪಿಕೊಂಡಿರುವ ಪ್ರಾಜೆಕ್ಟ್ಗಳನ್ನು ಮುಗಿಸಿ ನಂತರ ಭಾಗ 2ಕ್ಕೆ ಕಮಿಟ್ ಆಗಲಿದ್ದಾರಂತೆ. ಇನ್ನು ಮೊದಲ ಚಿತ್ರದಲ್ಲಿದ್ದ ಬಹುತೇಕ ತಂತ್ರಜ್ಞರು ಹಾಗೂ ಕಲಾವಿದರೇ ಭಾಗ 2ರಲ್ಲೂ ಇರಲಿದ್ದಾರಂತೆ. ಎಲ್ಲಾ ಅಂದುಕೊಂಡಂತೆ ಆದರೆ ಮುಂದಿನ ವರ್ಷ ಶೂಟಿಂಗ್ ಆರಂಭವಾಗಲಿದೆ ಎನ್ನಲಾಗಿದೆ.