ಇಂದು ಬಾಲಿವುಡ್ ನಟ ಸುಶಾಂತ್ ಸಿಂಗ್ ಹುಟ್ಟುಹಬ್ಬ. ದೇಶಾದ್ಯಂತ ಅಭಿಮಾನಿಗಳು ಹಾಗೂ ತಾರೆಯರು ಸುಶಾಂತ್ ಸಿಂಗ್ರನ್ನು ನೆನೆದು ಸ್ಮರಿಸುತ್ತಿದ್ದಾರೆ. ಇದೇ ಹಿನ್ನೆಲೆಯಲ್ಲಿ ಬಾಲಿವುಡ್ ಬೋಲ್ಡ್ ನಟಿ ಕಂಗನಾ ರಣಾವತ್ ಚರ್ಚೆಗೆ ಕಾರಣವಾಗುವಂತಹ ಒಂದು ಅಂಶಗಳನ್ನು ಹೇಳಿದ್ದಾರೆ. ಸುಶಾಂತ್ ಸಿಂಗ್ ಸಾವಿಗೆ ಪರೋಕ್ಷವಾಗಿ ಬಾಲಿವುಡ್ ಕಾರಣ ಎಂದು ಹೇಳಿದ್ದಾರೆ.
ಹೌದು.. ಟ್ವೀಟ್ ಮಾಡಿರುವ ನಟಿ, ಮುಂಬೈನ ಚಿತ್ರರಂಗ ಸುಶಾಂತ್ರನ್ನು ಬ್ಯಾನ್ ಮಾಡುವುದಾಗಿ ಬೆದರಿಕೆ ಹಾಕಿದ್ದು,ಈ ಮೂಲಕ ಪರೋಕ್ಷವಾಗಿ ಅವರ ಸಾವಿಗೆ ಕಾರಣವಾಗಿದೆ ಎಂದಿದ್ದಾರೆ.
ಟ್ವೀಟ್ನಲ್ಲಿ ಭಾವನಾತ್ಮಕವಾಗಿ ಬರೆದಿರುವ ಕಂಗನಾ, "ಪ್ರೀತಿಯ ಸುಶಾಂತ್... ಸಿನಿಮಾ ಮಾಫಿಯಾ ನಿನಗೆ ನಿಷೇಧ ಹೇರಿತು, ಹಿಂಸೆ ಮತ್ತು ಕಿರುಕುಳ ನೀಡಿತು. ಇದಕ್ಕೆ ನೀವು ಸಾಮಾಜಿಕ ಮಾಧ್ಯಮಗಳಲ್ಲಿ ಸಹಾಯವನ್ನೂ ಕೇಳಿದ್ರಿ. ಆದ್ರೆ ಆ ವೇಳೆ ನಾನು ನಿಮ್ಮ ನೇರವಿಗೆ ಬರಲು ಸಾಧ್ಯವಾಗಲಿಲ್ಲ ಎಂದು ವಿಷಾದಿಸುತ್ತೇನೆ." ಎಂದಿದ್ದಾರೆ.
ಮತ್ತೊಂದು ಮಾತು ಹೇಳಿರುವ ನಟಿ, "ನೀವು ಬಹಳ ಶಕ್ತಿಶಾಲಿ, ಈ ಮಾಫಿಯಾದ ಕಿರುಕುಳವನ್ನು ಮೆಟ್ಟಿ ನೀವು ನಿಲ್ಲುತ್ತೀರಿ ಅಂದುಕೊಂಡಿದ್ದೆ. ಅದು ಸುಳ್ಳಾಯಿತು. ಹುಟ್ಟುಹಬ್ಬದ ಶುಭಾಶಯಗಳು ಪ್ರೀತಿಯ ಸುಶಾಂತ್ ಸಿಂಗ್." ಎಂದು ಬರೆದುಕೊಂಡಿದ್ದಾರೆ.
ಹಲವು ಬಾರಿ ಚಿತ್ರರಂಗ ತಮ್ಮನ್ನು ದೂರ ಸರಿಸುತ್ತಿದೆ ಎಂಬುದರ ಬಗ್ಗೆ ಸುಶಾಂತ್ ಹೇಳಿಕೊಂಡಿದ್ದು, ಅಭಿಮಾನಿಗಳು ತಮ್ಮ ಸಿನಿಮಾಕ್ಕೆ ಯಶಸ್ಸು ತಂದುಕೊಡಬೇಕೆಂದು ಕೇಳಿದ್ದನ್ನು ನಾನು ಎಂದೂ ಮರೆಯುವುದಿಲ್ಲ ಅಂತ ಕಂಗನಾ ಹೇಳಿದ್ದಾರೆ.
