ಮೆಗಾಸ್ಟಾರ್ ಸೊಸೆ ಉಪಾಸನಾ ಸಾಹಸಕ್ಕೆ ಜೊತೆಯಾದ ರಶ್ಮಿಕಾ ಮಂದಣ್ಣ

ರಾಮ್​​ಚರಣ್ ತೇಜ ಪತ್ನಿ ಉಪಾಸನಾ ಆರಂಭಿಸಿರುವ UrLife.co.in.ಹೆಲ್ತ್​​ ವೆಬ್​​​ಸೈಟ್​​​ನಲ್ಲಿ ಕಳೆದ ಬಾರಿ ಸಮಂತಾ ಅಕ್ಕಿನೇನಿ ಅತಿಥಿ ಸಂಪಾದಕಿಯಾಗಿ ಬಂದು ಆರೋಗ್ಯದ ಬಗ್ಗೆ ಟಿಪ್ಸ್ ನೀಡಿದ್ದರು. ಈ ಬಾರಿ ರಶ್ಮಿಕಾ ಮಂದಣ್ಣ ನಿಮಗೆಲ್ಲಾ ಹೆಲ್ತ್​ ಟಿಪ್ಸ್ ನೀಡಲು ಬರುತ್ತಿದ್ದಾರೆ.

ಮೆಗಾಸ್ಟಾರ್ ಚಿರಂಜೀವಿ ಸೊಸೆ ಉಪಾಸನಾ ಕೊನಿಡೇಲ ಅಪೊಲೋ ಫೌಂಡೇಷನ್​​​​​​ ಉಪಾಧ್ಯಕ್ಷೆಯಾಗಿ ಕೆಲಸ ಮಾಡುತ್ತಿರುವುದು ತಿಳಿದ ವಿಚಾರ. ಇದರೊಂದಿಗೆ ಅವರು ಹೆಲ್ತ್​ ಮ್ಯಾಗಜಿನ್​​​​​​​​ ಹಾಗೂ ವೆಬ್​​ಸೈಟ್​​​​​ಗೆ ಸಂಪಾದಕಿಯಾಗಿ ಕೆಲಸ ಮಾಡುತ್ತಿದ್ದಾರೆ.

ಉಪಾಸನಾ ಕೊನಿಡೇಲ

ಉಪಾಸನಾ ಆರಂಭಿಸಿರುವ UrLife.co.in.ವೆಬ್​​​ಸೈಟ್​​​ನಲ್ಲಿ ಆಯ್ದ ಕ್ಷೇತ್ರಗಳ ನುರಿತ ಪರಿಣಿತರು, ವೈದ್ಯರು ಹಾಗೂ ಇನ್ನಿತರರು ಸದ್ಯದ ಲೈಫ್​​ಸ್ಟೈಲ್, ತಂತ್ರಜ್ಞಾನ, ಬಹಳ ಮುಖ್ಯವಾಗಿ ಆರೋಗ್ಯದ ಬಗ್ಗೆ ಅಭಿಪ್ರಾಯ ಹಂಚಿಕೊಳ್ಳಲಿದ್ದಾರೆ. ಇದರೊಂದಿಗೆ ಅತ್ಯುತ್ತಮವಾದ ಡಯಟ್​ ಟಿಪ್ಸ್, ವ್ಯಾಯಾಮ, ಆರೋಗ್ಯಕ್ಕೆ ಸಂಬಂಧಿಸಿದ ಇನ್ನಿತರ ಮಾಹಿತಿಗಳನ್ನು ನೀಡಲಿದ್ದಾರೆ. ಈ ದೀಪಾವಳಿ ಹಬ್ಬದ ವಿಶೇಷವಾಗಿ ರಶ್ಮಿಕಾ ಮಂದಣ್ಣ ಗೆಸ್ಟ್ ಎಡಿಟರ್ ಆಗಿ ಬರುತ್ತಿದ್ದಾರೆ. ಕಳೆದ ಬಾರಿ ಸಮಂತಾ ಅಕ್ಕಿನೇನಿ ಅವರನ್ನು ಉಪಾಸನಾ ಗೆಸ್ಟ್ ಎಡಿಟರ್ ಆಗಿ ಆಹ್ವಾನಿಸಿದ್ದರು.

ರಶ್ಮಿಕಾ, ಸದಾ ನಗುಮೊಗದ ಮತ್ತು ಪಾಸಿಟಿವ್​ ವೈಬ್​ ಇರುವ ಹುಡುಗಿ. ಕೋಟ್ಯಂತರ ಯುವ ಪೀಳಿಗೆಯ ಮೆಚ್ಚಿನ ನಟಿಯಾಗಿ ಗುರುತಿಸಿಕೊಳ್ಳುವುದರ ಜೊತೆಗೆ ನಗುವಿನ ಮೂಲಕವೇ ಆರೋಗ್ಯಕರ ಸಂದೇಶವನ್ನು ನೀಡುತ್ತಿದ್ದಾರೆ. ಅದು Urlife.co.in. ನಲ್ಲಿಯೂ ಮುಂದುವರಿಯಲಿದೆ ಎನ್ನುತ್ತಾರೆ ಉಪಾಸನಾ.

ಸೋಷಿಯಲ್ ಮೀಡಿಯಾದಲ್ಲಿ 10 ಮಿಲಿಯನ್​ಗೂ ಹೆಚ್ಚು ಫಾಲೋವರ್ಸ್​ಗಳನ್ನು ಹೊಂದಿರುವ ರಶ್ಮಿಕಾ ಮಂದಣ್ಣ, ಸ್ಟಾರ್ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಆಗ್ಗಾಗ್ಗೆ ಆರೋಗ್ಯಕರ ರೆಸಿಪಿಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಇದೀಗ Urlife.co.in.ಮೂಲಕ ಕೂಡಾ ರಶ್ಮಿಕಾ ಹೆಲ್ತ್ ಟಿಪ್ಸ್ ಕೊಡಲು ಬರುತ್ತಿರುವುದು ಅಭಿಮಾನಿಗಳಿಗೆ ಖುಷಿ ನೀಡಿದೆ.

ರಶ್ಮಿಕಾ ಮಂದಣ್ಣ