ವಿಜಯ್​ ದೇವರಕೊಂಡ ಸಹೋದರನ ಚಿತ್ರವನ್ನು ಗುಣಗಾನ ಮಾಡಿದ ಕಿರಿಕ್​ ಬೆಡಗಿ

'ಮಿಡಲ್ ಕ್ಲಾಸ್ ಮೆಲೋಡಿಸ್' ಚಿತ್ರದಲ್ಲಿ ವಿಜಯ್​ ದೇವರ ಕೊಂಡ ಸಹೋದರ ಆನಂದ್ ದೇವರಕೊಂಡ ಜೊತೆಯಾಗಿ ನಟಿ ವರ್ಷಾ ಬೊಲ್ಲಮ್ಮ ಹೆಜ್ಜೆ ಹಾಕಿದ್ದಾರೆ. ಟ್ವೀಟರ್​​ನಲ್ಲಿ ಇವರ ಕಾಂಬಿನೇಷನ್​​ ಬಗ್ಗೆ ನಟಿ ರಶ್ಮಿಕಾ ಮಂದಣ್ಣ ಮೆಚ್ಚುಗೆ ವ್ಯಕ್ತಪಡಿಸಿ ಟ್ವೀಟ್​​ ಮಾಡಿದ್ದಾರೆ.

ತೆಲುಗು ಸುಂದರ ನಟ ಅರ್ಜುನ್​ ರೆಡ್ಡಿ ಖ್ಯಾತಿಯ ವಿಜಯ್ ದೇವರಕೊಂಡ ಸಹೋದರ ಆನಂದ್ ದೇವರಕೊಂಡ ಅಭಿನಯದ 'ಮಿಡಲ್ ಕ್ಲಾಸ್ ಮೆಲೋಡಿಸ್' ಚಿತ್ರ ಇದೇ ನವೆಂಬರ್ 20 ರಂದು ಆನ್‌ಲೈನ್‌ನಲ್ಲಿ ರಿಲೀಸ್​ ಆಗುತ್ತಿದೆ. ನಿನ್ನೆ ಚಿತ್ರದ ಟ್ರೈಲರ್​​ ರಿಲೀಸ್​​​ ಆಗಿದ್ದು, ಇದಕ್ಕೆ ಕನ್ನಡತಿ ರಶ್ಮಿಕಾ ಮಂದಣ್ಣ ಫುಲ್​​ ಖುಶ್​​ ಆಗಿ ಟ್ವೀಟ್​​​ ಮಾಡಿದ್ದಾರೆ.

'ಮಿಡಲ್ ಕ್ಲಾಸ್ ಮೆಲೋಡಿಸ್' ಚಿತ್ರದಲ್ಲಿ ವಿಜಯ್​ ದೇವರ ಕೊಂಡ ಸಹೋದರ ಆನಂದ್ ದೇವರಕೊಂಡ ಜೊತೆಯಾಗಿ ನಟಿ ವರ್ಷಾ ಬೊಲ್ಲಮ್ಮ ಹೆಜ್ಜೆ ಹಾಕಿದ್ದಾರೆ. ಟ್ವೀಟರ್​​ನಲ್ಲಿ ಇವರ ಕಾಂಬಿನೇಷನ್​​ ಬಗ್ಗೆ ಮೆಚ್ಚಿರುವ ಕೊಡಗಿನ ಬೆಡಗಿ ರಶ್ಮಿಕಾ, ನಾನು ಸಿನಿಮಾ ನೋಡಿದ್ದೇನೆ.. ತುಂಬಾ ನಕ್ಕಿದ್ದೇನೆ .. ಆ ನನ್ನಿಬ್ಬರು ಸ್ನೇಹಿತರನ್ನು ದೊಡ್ಡ ಪರದೆಯಲ್ಲಿ ನೋಡತ್ತಿರುವುದು ನಂಬಲು ಸಾಧ್ಯವಿಲ್ಲ ಎಂದಿದ್ದಾರೆ.

ಆನಂದ್ ದೇವರಕೊಂಡ ಮತ್ತು ವರ್ಷಾ ಬೊಲ್ಲಮ್ಮ ಲವ್ ಯೂ. ನಿಮ್ಮ ಆ ಪಾತ್ರಗಳು ನನಗೆ ತುಂಬಾ ಮೆಚ್ಚುಗೆಯಾಗಿವೆ. ಪ್ರೇಕ್ಷಕರೂ ಮೆಚ್ಚುತ್ತಾರೆ ಎಂಬ ವಿಶ್ವಾಸವಿದೆ. ಚಿತ್ರದ ನಿರ್ದೇಶಕರಿಗೆ ಅಭಿನಂದನೆ ಎಂದಿದ್ದಾರೆ.

ಇನ್ನು ತನ್ನ ಸಹೋದರನ ಚಿತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿರುವ ನಟ ವಿಜಯ್​ ದೇವರಕೊಂಡ, ಸಿನಿಮಾ ಎಲ್ಲರ ಮನಸನ್ನು ಗೆಲ್ಲುವ ಭರವಸೆ ಇದೆ. ನಾನು ಈ ಚಿತ್ರದ ಬಗ್ಗೆ ಉತ್ಸುಕನಾಗಿದ್ದೇನೆ ಎಂದಿದ್ದಾರೆ.