ಗಲ್ಲಿ ಬಾಯ್​ ಚಿತ್ರದ ನನ್ನ ಪಾತ್ರ ಜನ್ಮ ಭೂಮಿಗೆ ಗೌರವ ಸಲ್ಲಿಸಲು ಸಿಕ್ಕ ಅವಕಾಶ: ರಣವೀರ್​​

ಗಲ್ಲಿ ಬಾಯ್​ನಲ್ಲಿ ತಮ್ಮ ಪಾತ್ರದ ಬಗ್ಗೆ ಮಾತನಾಡಿರುವ ರಣವೀರ್​​ ತನ್ನ ಕರ್ಮ ಭೂಮಿಗೆ ಗೌರವ ಸಲ್ಲಿಸಲು ಗಲ್ಲಿ ಬಾಯ್​​ ಒಂದೊಳ್ಳೆ ಅವಕಾಶ ಮಾಡಿಕೊಟ್ಟಿತು ಎಂದಿದ್ದಾರೆ.

ಬಾಲಿವುಡ್​​​ ನಟ ರಣವೀರ್​ ಸಿನಿ ಜರ್ನಿಯಲ್ಲಿ ಹೆಸರು ಗಳಿಸಿರುವ ಸಿನಿಮಾಗಳ ಪೈಕಿ ಜೋಯಾ ಅಕ್ತರ್​​ ನಿರ್ದೇಶನದ 'ಗಲ್ಲಿ ಬಾಯ್​' ಕೂಡ ಒಂದು. ಈ ಸಿನಿಮಾದಲ್ಲಿ ರಣವೀರ್​​ ರ‍್ಯಾಪ್​ ​ ಹಾಡುಗಾರ ಮುರಾದ್​​​ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಈ ಚಿತ್ರದಲ್ಲಿ ಮುರಾದ್​ ಪಾತ್ರ ನನಗೆ ಸರಿ ಹೊಂದುವ ಪಾತ್ರ ಎಂದು ರಣವೀರ್​ ಹೇಳಿಕೊಂಡಿದ್ದಾರೆ. ಈ ಬಗ್ಗೆ ಮನದಾಳ ಬಿಚ್ಚಿಟ್ಟಿರುವ ರಣವೀರ್​​, ನನ್ನ ಕರ್ಮ ಭೂಮಿಗೆ ಗೌರವ ಸಲ್ಲಿಸಲು ಗಲ್ಲಿ ಬಾಯ್​​ ಒಂದೊಳ್ಳೆ ಅವಕಾಶ ಮಾಡಿಕೊಟ್ಟಿತು ಎಂದಿದ್ದಾರೆ.

ನನಗೆ ನನ್ನೂರು ಮುಂಬೈ ಅಂದ್ರೆ ತುಂಬಾ ಇಷ್ಟ. ಇದಕ್ಕೆ ಕಾರಣ ನಾನು ಹುಟ್ಟಿರುವ ಊರು ಇದು. ಈ ನಗರದಲ್ಲಿ ಜೀವಿಸುವುದಕ್ಕೆ ನನಗೆ ಹೆಮ್ಮೆ ಅನಿಸುತ್ತದೆ ಎಂದು ರಣವೀರ್​ ಹೇಳಿದ್ದಾರೆ. ಈ ಭೂಮಿಗೆ ಗೌರವ ಸಲ್ಲಿಸಲು ಗಲ್ಲಿ ಬಾಯ್​ ಸಿನಿಮಾದಲ್ಲಿ ರ‍್ಯಾಪ್​​ ಸಂಗೀತಗಾರ ಮುರಾದ್​​ ಮಾತ್ರ ನನಗೆ ಅವಕಾಶ ಮಾಡಿಕೊಟ್ಟಿದೆ ಎಂದು ಹೇಳಿದ್ದಾರೆ.

ಗಲ್ಲಿ ಬಾಯ್​ ಸಿನಿಮಾ ಮುಂಬೈನ ರ‍್ಯಾಪ್​ ಸಂಗೀತಗಾರ ನವೇದ್​ ಶೈಕ್​​ ಜೀವನದ ಮೇಲೆ ರಚಿತವಾಗಿರುವ ಕಥೆ.