'ರಂಗನಾಯಕಿ' ನೋಡಿದ ನಿಖಿಲ್​​ ಕುಮಾರಸ್ವಾಮಿ ಹೇಳಿದ್ದಿದು!

ಅದಿತಿ ಪ್ರಭುದೇವ ಅಭಿನಯದ ರಂಗನಾಯಕಿ ಚಿತ್ರದ ಪ್ರೀಮಿಯರ್​ ಶೋ ಆಯೋಜಿಸಲಾಗಿತ್ತು. ಈ ಕಾರ್ಯಕ್ರಮಕ್ಕೆ ಸ್ಯಾಂಡಲ್​ವುಡ್​ನ ಪ್ರಮುಖರು ಆಗಮಿಸಿ ಚಿತ್ರಕ್ಕೆ ಹಾಗೂ ಚಿತ್ರ ತಂಡಕ್ಕೆ ಶುಭ ಹಾರೈಸಿದರು.

ದಯಾಳ್​​​ ಪದ್ಮನಾಭನ್​ ನಿರ್ದೇಶನದ, ಅದಿತಿ ಪ್ರಭುದೇವ ಅಭಿನಯದ ರಂಗನಾಯಕಿ ಚಿತ್ರದ ಪ್ರೀಮಿಯರ್​ ಶೋಗೆ ಸ್ಯಾಂಡಲ್​ವುಡ್​ನ ಪ್ರಮುಖರು ಆಗಮಿಸಿ ಚಿತ್ರ ತಂಡಕ್ಕೆ ಶುಭ ಹಾರೈಸಿದರು.

ಕಾರ್ಯಕ್ರಮಕ್ಕೆ ನಿಖಿಲ್​ ಕುಮಾರಸ್ವಾಮಿ, ನಟಿ ವಿಜಯ ಲಕ್ಷ್ಮಿ ಸೇರಿದಂತೆ ಹಲವರು ಭಾಗಿಯಾಗಿದ್ದರು. ಈ ವೇಳ ಮಾತನಾಡಿದ ನಿಖಿಲ್​​​, ಇತ್ತೀಚಿನ ದಿನಗಳಲ್ಲಿ ಸೋಷಿಯಲ್ ಮೀಡಿಯಾ ಎಫೆಕ್ಟ್​​​ನಿಂದ ಜನರು ಬಹಳ ಪ್ರಬುದ್ಧರಾಗಿದ್ದಾರೆ.‌ ರಂಗನಾಯಕಿ ಸೆನ್ಸಿಬಲ್ ಹಾಗೂ ಸೆನ್ಸಿಟಿವ್ ಸಿನಿಮಾ. ವಿಶೇಷವಾಗಿ ಸಮಾಜದಲ್ಲಿ ಹೆಣ್ಣು ಮಕ್ಕಳಿಗೆ ಏನೇ ಕಷ್ಟ, ಅನ್ಯಾಯ ಆದ್ರು ಹೇಗೆ ಎದುರಿಸುತ್ತಾರೆ ಎಂಬ ಕಥೆಯನ್ನು ಆಧರಿಸಿ ಸಿನಿಮಾ ನಿರ್ಮಾಣವಾಗಿದೆ ಎಂದರು.

ಇನ್ನು ಚಿತ್ರ ನೋಡಿದ ನಟಿ ಅದಿತಿ ಪ್ರಭುದೇವ ಭಾವನಾತ್ಮಕವಾಗಿ ಮಾತಾನಾಡಿ, ಸಿನಿಮಾ ನೋಡಿದ ಕಿರುತೆರೆಯ ಎಲ್ಲಾ ಹಿರಿಯ ಕಲಾವಿದರು ಮೆಚ್ಚುಗೆ ಮಾತುಗಳನಾಡಿದರು. ಅಲ್ಲದೆ ಸಿನಿಮಾ ನೋಡಿದ ಎಲ್ಲಾ ಜನ ಭಾವುಕರಾಗಿದ್ದರು. ಇದಕ್ಕಿಂತ ಏನ್ ಬೇಕು ನಮಗೆ, ಕಷ್ಟ ಪಟ್ಟು ಸಿನಿಮಾ ಮಾಡಿದ್ದು ಸಾರ್ಥಕ ಆಯ್ತು ಅಂತ ಸಂತಸ ವ್ಯಕ್ತಪಡಿಸಿದರು.

ದಯಾಳ್​​ ಪದ್ಮನಾಭನ್​​ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಈ ಸಿನಿಮಾ ರಾಜ್ಯೋತ್ಸವದಂದು ತೆರೆ ಮೇಲೆ ಬರಲಿದೆ.