ದೊಡ್ಡ ಪರದೆ ಮೇಲೆ ಹೀರೋ ಆದ ರಾಕೇಶ್ ಮಯ್ಯ

ಮಗಳು ಜಾನಕಿ ಧಾರಾವಾಹಿಯಲ್ಲಿ ನಾಯಕ ನಿರಂಜನ್ ಆಗಿ ನಟಿಸಿ ಸೈ ಎನಿಸಿಕೊಂಡಿರುವ ರಾಕೇಶ್ ಮಯ್ಯ ಇದೀಗ ಹೀರೋ ಆಗಿ ಸ್ಯಾಂಡಲ್ ವುಡ್ ಗೆ ಕಾಲಿಡುತ್ತಿದ್ದಾರೆ.

ಮಗಳು ಜಾನಕಿ ಧಾರಾವಾಹಿಯಲ್ಲಿ ನಾಯಕ ನಿರಂಜನ್ ಆಗಿ ನಟಿಸಿ ಸೈ ಎನಿಸಿಕೊಂಡಿರುವ ರಾಕೇಶ್ ಮಯ್ಯ ಇದೀಗ ಹೀರೋ ಆಗಿ ಸ್ಯಾಂಡಲ್ ವುಡ್ ಗೆ ಕಾಲಿಡುತ್ತಿದ್ದಾರೆ. ಭಾಸ್ಕರ್ ನೀನಾಸಂ ನಿರ್ದೇಶನದ ಸಸ್ಪೆನ್ಸ್ ಥ್ರಿಲ್ಲರ್ ಕಥಾ ಹಂದರವನ್ನು ಒಳಗೊಂಡಿರುವ "ಸದ್ದು ವಿಚಾರಣೆ ನಡೆಯುತ್ತಿದೆ" ಸಿನಿಮಾದಲ್ಲಿ ನಾಯಕರಾಗಿ ನಟಿಸಲಿದ್ದಾರೆ ರಾಕೇಶ್ ಮಯ್ಯ. ಈಗಾಗಲೇ 96, ಶುಭಮಂಗಳ ಸಿನಿಮಾದಲ್ಲಿ ನಟಿಸಿರುವ ರಾಕೇಶ್ ಮಯ್ಯ ಇದೇ ಮೊದಲ ಬಾರಿಗೆ ಸ್ಯಾಂಡಲ್ ವುಡ್ ನಲ್ಲಿ ನಾಯಕರಾಗಿ ಮೋಡಿ ಮಾಡಲಿದ್ದಾರೆ.

ರಾಕೇಶ್ ಮಯ್ಯ

ಭಾಸ್ಕರ್‌ ನೀನಾಸಂ ಅವರ ನಿರ್ದೇಶನದ ಸಿನಿಮಾದಲ್ಲಿ ಅಭಿನಯಿಸುತ್ತಿರುವುದಕ್ಕೆ ನನಗೆ ತುಂಬಾ ಸಂತಸವಾಗುತ್ತಿದೆ. ಹಿರಿಯ ಕಲಾವಿದರೊಂದಿಗೆ ತೆರೆ ಹಂಚಿಕೊಳ್ಳುತ್ತಿರುವುದಕ್ಕೆ ಖುಷಿಯಾಗುತ್ತಿದೆ ಎಂದು ಹೇಳುವ ರಾಕೇಶ್ ಮಯ್ಯ ಕಿರುತೆರೆಯ ಮೂಲಕ ನಟನಾ ಪಯಣ ಶುರು ಮಾಡಿದರು.

ರಾಕೇಶ್ ಮಯ್ಯ

ಬಿ. ಸುರೇಶ್ ನಿರ್ದೇಶನದ ಪ್ರೀತಿ ಪ್ರೇಮ ದಾರಾವಾಹಿಯಲ್ಲಿ ನಟಿಸುವ ಮೂಲಕ ಕಿರುತೆರೆಗೆ ಕಾಲಿಟ್ಟ ರಾಕೇಶ್ ಮಯ್ಯ ಮುಂದೆ ಲವ್ ಲವಿಕೆ, ನಿಹಾರಿಕಾ, ಅವಳು ಕಥೆಯಾದವಳು ಧಾರಾವಾಹಿಯಲ್ಲಿ ಅಭಿನಯಿಸಿರುವ ರಾಕೇಶ್ ಮಯ್ಯಗೆ ಹೆಸರು ತಂದುಕೊಟ್ಟಿದ್ದು, ಮಗಳು ಜಾನಕಿಯ ನಿರಂಜನ್ ಪಾತ್ರ.

ರಾಕೇಶ್ ಮಯ್ಯ

ಇದೀಗ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಸಂಘರ್ಷ ಧಾರಾವಾಹಿಯಲ್ಲಿ ಐಎಎಸ್ ಆಫೀಸರ್ ರಾಕೇಶ್ ಆಗಿ ಇವರು ನಟಿಸುತ್ತಿದ್ದಾರೆ. ಸದ್ಯ ಬೆಳ್ಳಿತೆರೆಗೆ ನಾಯಕರಾಗಿ ಕಾಲಿಡುತ್ತಿರುವ ರಾಕೇಶ್ ಈಗಾಗಲೇ ಕಿರುಚಿತ್ರದಲ್ಲಿಯೂ ಅಭಿನಯಿಸಿದ್ದಾರೆ.

ರಾಕೇಶ್ ಮಯ್ಯ