'ಯುವರತ್ನ' ಸೆಟ್​​​​​​​​ನಲ್ಲಿ ರಾಘಣ್ಣ: ಮತ್ತೆ ಚಿತ್ರತಂಡ ಸೇರಿಕೊಂಡ ಸಯೇಶಾ ಸೈಗಲ್

ಸಂತೋಷ್​​​​​​ರಾಮ್ ನಿರ್ದೇಶನದಲ್ಲಿ ಪುನೀತ್ ರಾಜ್​ಕುಮಾರ್ ಅಭಿನಯಿಸುತ್ತಿರುವ  'ಯುವರತ್ನ' ಸಿನಿಮಾದ ಮೂರನೇ ಹಂತದ ಶೂಟಿಂಗ್ ಭರದಿಂದ ಸಾಗಿದೆ. ಶೂಟಿಂಗ್ ಸೆಟ್​​ಗೆ ನಿನ್ನೆ ರಾಘವೇಂದ್ರ ರಾಜ್​​​ಕುಮಾರ್ ಭೇಟಿ ನೀಡಿ ಎಲ್ಲರಿಗೂ ಆಶ್ಚರ್ಯ ಉಂಟುಮಾಡಿದರು.

ಪವರ್ ಸ್ಟಾರ್ ಪುನೀತ್ ರಾಜ್​ಕುಮಾರ್ ಅಭಿನಯದ 'ಯುವರತ್ನ' ಸದ್ಯಕ್ಕೆ ಸ್ಯಾಂಡಲ್​​​ವುಡ್​​​​​ನಲ್ಲಿ ಭಾರೀ ಕುತೂಹಲ ಕೆರಳಿಸಿರುವ ಸಿನಿಮಾ. ಯಶಸ್ವಿ ಜೋಡಿ ಅಂತಾನೆ ಕರೆಸಿಕೊಳ್ಳುವ ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಮತ್ತು ಪುನೀತ್ ಜೋಡಿ 'ರಾಜಕುಮಾರ' ಚಿತ್ರದ ನಂತ್ರ ಮತ್ತೆ ಈ ಸಿನಿಮಾದಲ್ಲಿ ಒಂದಾಗಿದ್ದಾರೆ.

ರಾಘವೇಂದ್ರ ರಾಜ್​​​ಕುಮಾರ್, ಪುನೀತ್ ರಾಜ್​​​​ಕುಮಾರ್​​​​

ಈಗಾಗಲೇ ಎರಡು ಹಂತದ ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ ಈಗ ಮೂರನೇ ಹಂತದ ಶೂಟಿಂಗ್​​ನಲ್ಲಿ ಬ್ಯುಸಿಯಾಗಿದೆ. ಬೆಂಗಳೂರಿನಲ್ಲಿ 'ಯುವರತ್ನ' ಶೂಟಿಂಗ್ ನಡೆಯುತ್ತಿದ್ದು ಶೂಟಿಂಗ್ ಸೆಟ್​​​​​ಗೆ ಪುನೀತ್ ಸಹೋದರ ರಾಘವೇಂದ್ರ ರಾಜ್​​​ಕುಮಾರ್ ಭೇಟಿ ನೀಡಿದ್ದಾರೆ. ರಾಘಣ್ಣನ ಭೇಟಿ ಈಗ ಅಭಿಮಾನಿಗಳಿಗೆ ಅಚ್ಚರಿ ಮೂಡಿಸಿದೆ. ತಮ್ಮನ ಚಿತ್ರದಲ್ಲಿ ರಾಘಣ್ಣ ಆ್ಯಕ್ಟ್ ಮಾಡ್ತಾರಾ ಎಂಬ ಕುತೂಹಲ ‌ದೊಡ್ಮನೆ ಅಭಿಮಾನಿಗಳಲ್ಲಿ ಕಾಡುತ್ತಿದೆ.

ಇನ್ನು ಈ ಚಿತ್ರದಲ್ಲಿ ಪುನೀತ್​​​ಗೆ ನಾಯಕಿಯಾಗಿ ನಟಿಸಿರುವ ಸಯೇಶಾ ಸೈಗಲ್ ಮದುವೆಯಾದ ಮೇಲೆ ಮತ್ತೆ 'ಯುವರತ್ನ' ಟೀಂ ಸೇರಿಕೊಂಡಿದ್ದಾರೆ .ಇತ್ತೀಚಿಗಷ್ಟೆ ತಮಿಳು ನಟ ಆರ್ಯ ಅವರನ್ನು ಸಯೇಶ ವರಿಸಿದ್ದರು. 'ಯುವರತ್ನ' ಸಿನಿಮಾ ಸಯೇಶಾ ನಟಿಸಿರುವ ಮೊದಲ ಕನ್ನಡ ಸಿನಿಮಾ.