ಗೋವಾದಲ್ಲಿ ಹೊಸವರ್ಷ ಆಚರಿಸಲಿರುವ ರಾಕಿಂಗ್ ಜೋಡಿ

ಕನ್ನಡಚಿತ್ರರಂಗದ ಸ್ಟಾರ್ ಜೋಡಿ ಯಶ್ ಮತ್ತು ರಾಧಿಕಾ‌ ಪಂಡಿತ್ 2022ರ ಹೊಸ ವರ್ಷಾಚರಣೆಯನ್ನು ಆಚರಿಸಲು ಮಕ್ಕಳೊಂದಿಗೆ ಗೋವಾಗೆ ತೆರಳಿದ್ದಾರೆ..

ಸ್ಯಾಂಡಲ್​ವುಡ್​ ಕ್ಯೂಟ್​​ ಜೋಡಿ ಯಶ್ ಮತ್ತು ರಾಧಿಕಾ‌ ಪಂಡಿತ್ ಹೊಸ ವರ್ಷಾಚರಣೆ ಆಚರಿಸಲು ಗೋವಾಗೆ ತೆರಳಿದ್ದಾರೆ. ಯಶ್ ಮತ್ತು ರಾಧಿಕಾ ಪಂಡಿತ್ ಮಕ್ಕಳ ಜೊತೆ ಗೋವಾದಲ್ಲಿ 2022ನೇ ವರ್ಷವನ್ನು ಬರಮಾಡಿಕೊಳ್ಳಲಿದ್ದಾರೆ.

ಈಗಾಗಲೇ ಯಶ್ ದಂಪತಿ ಗೋವಾದಲ್ಲಿದೆ. ಅಲ್ಲಿನ ಹೋಟೆಲ್​​ವೊಂದರಲ್ಲಿ ರಾಧಿಕಾ ಪಂಡಿತ್ ಹಾಗೂ ಮಗಳು ಆಯ್ರಾ ಕ್ರಿಸ್​​​ಮಸ್ ಟ್ರೀ ಮುಂದೆ ಕ್ಯಾಮೆರಾಗೆ ಪೋಸ್ ಕೊಟ್ಟಿದ್ದಾಳೆ. ಈ ಫೋಟೋಗಳನ್ನು ರಾಧಿಕಾ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದರು.

ರಾಧಿಕಾ ಜೊತೆ ಮಗಳು ಆಯ್ರಾ

ಕ್ರಿಸ್​ಮಸ್​ ಟ್ರೀ ಎದುರು ನಿಂತಿರುವ ಫೋಟೋವನ್ನು ರಾಧಿಕಾ ಪಂಡಿತ್​ ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ ಅವರು ಸಾಮಾನ್ಯ ಪೋಸ್​ ನೀಡಿದ್ದಾರೆ. ಆದರೆ, ಆಯ್ರಾ ಹಾಗಲ್ಲ. ಸೊಂಟದ ಮೇಲೆ ಕೈ ಇಟ್ಟುಕೊಂಡು, ಒಂದು ಕಣ್ಣನ್ನು ಮುಚ್ಚಿದ್ದಾಳೆ.

ಅವಳು ಕೊಟ್ಟ ಪೋಸ್​ ನೋಡಿ ಅಭಿಮಾನಿಗಳಿಗೆ ಮಾತ್ರವಲ್ಲದೆ, ಸ್ವತಃ ರಾಧಿಕಾ ಪಂಡಿತ್​​ಗೂ ಅಚ್ಚರಿ ಆಗಿದೆ. ಆಯ್ರಾ ನನಗಿಂತಲೂ ಉತ್ತಮವಾಗಿ ಪೋಸ್​ ನೀಡಿದ್ದಾಳೆ ಎಂಬರ್ಥ ಬರುವ ರೀತಿ ರಾಧಿಕಾ ಫೋಟೋಗೆ ಕ್ಯಾಪ್ಶನ್​ ನೀಡಿದ್ದಾರೆ.

ಮಕ್ಕಳೊಂದಿಗೆ ರಾಕಿಂಗ್​ ಜೋಡಿ

ರಾಧಿಕಾ ಪಂಡಿತ್ ಅವರು ಮಗಳು ಆಯ್ರಾ ಹಾಗೂ ಮಗ ಯಥರ್ವ್​ ಹಾಗೂ ಯಶ್​ ಆರೈಕೆಯಲ್ಲಿ ಬ್ಯುಸಿ ಆಗಿದ್ದಾರೆ. ಸದ್ಯ ಅವರು ಯಾವುದೇ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿಲ್ಲ. ಸಂಸಾರದ ಕಡೆಗೆ ರಾಧಿಕಾ ಹೆಚ್ಚು ಗಮನ ನೀಡುತ್ತಿದ್ದಾರೆ. ಮುಂದಿನ ದಿನಗಳಲ್ಲಿ ರಾಧಿಕಾ‌ ಪಂಡಿತ್ ಸಿನಿಮಾಗೆ ಕಮ್ ಬ್ಯಾಕ್ ಮಾಡಲಿ ಅನ್ನೋದು ಅಭಿಮಾನಗಳ ಆಸೆ.