ಈ ವಾರ ತೆರೆಗೆ ಬರ್ತಿದ್ದಾರೆ 'ಪುಣ್ಯಾತ್​​​ಗಿತ್ತೀರು' ... ಮತ್ತೆ ಬೆಳ್ಳಿ ಪರದೆ ಮೇಲೆ 'ಕಾಕ್ರೋಜ್'

ಸತ್ಯನಾರಾಯಣ ಮನ್ನೆ ನಿರ್ಮಾಣದ 'ಪುಣ್ಯಾತ್​​​ಗಿತ್ತೀರು' ಆಗಸ್ಟ್ 30 ರಂದು ಬಿಡುಗಡೆಯಾಗುತ್ತಿದೆ. ಮಮತಾ ರಾಹುತ್​, ಐಶ್ವರ್ಯ, ದಿವ್ಯಶ್ರೀ, ಸಂಭ್ರಮ, ತಿಥಿ ಖ್ಯಾತಿಯ ಪೂಜಾ ಸಿನಿಮಾದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಇದೇ ದಿನ 'ಸಾಹೋ' ಕೂಡಾ ಬಿಡುಗಡೆಯಾಗುತ್ತಿದ್ದು ಕನ್ನಡ , ಬಾಲಿವುಡ್ ಸಿನಿಮಾ ನಡುವೆ ಫೈಟ್ ನಡೆಯಲಿದೆ.

ವಿಭಿನ್ನ ವ್ಯಕ್ತಿತ್ವದ ನಾಲ್ವರು ಹುಡುಗಿಯರ ಕಥೆ ಹೇಳುತ್ತಿರುವ 'ಪುಣ್ಯಾತ್​​​ಗಿತ್ತೀರು' ಸಿನಿಮಾ ಇದೇ ತಿಂಗಳ 30 ರಂದು ಬಿಡುಗಡೆಯಾಗುತ್ತಿದೆ. ಮಮತಾ ರಾಹುತ್, ದಿವ್ಯಶ್ರೀ, ಐಶ್ವರ್ಯ ಹಾಗೂ ಸಂಭ್ರಮ ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.

ಕಾರಣಾಂತರಗಳಿಂದ ಬಿಡುಗಡೆ ದಿನಾಂಕವನ್ನು ಬಹಳ ಸಾರಿ ಮುಂದೂಡಲಾಗಿತ್ತು. ಕೊನೆಗೂ ಆಗಸ್ಟ್​ 30 ರಂದು ಸಿನಿಮಾ ಬಿಡುಗಡೆಯಾಗುತ್ತಿದೆ. ತಮ್ಮ ಚಿತ್ರದ ಬಗ್ಗೆ ಮಾತನಾಡಲು ಮಮತಾ ರಾಹುತ್, ಐಶ್ವರ್ಯ, ಸಂಭ್ರಮ, ಖಳನಟನಾಗಿ ನಟಿಸಿರುವ ಕಾಕ್ರೋಜ್ ಸುಧೀಂದ್ರ, ನೃತ್ಯ ನಿರ್ದೇಶಕ ತ್ರಿಭುವನ್​​​​​​, ನಿರ್ಮಾಪಕ ಸತ್ಯನಾರಾಯಣ, ನಿರ್ದೇಶಕ ರಾಜ್​​​​​ ಎಲ್ಲರೂ ಸುದ್ದಿಗೋಷ್ಠಿಯಲ್ಲಿ ಉಪಸ್ಥಿತರಿದ್ದರು. ತಿಥಿ ಖ್ಯಾತಿಯ ಪೂಜಾ ಕೂಡಾ ಈ ಸಿನಿಮಾದಲ್ಲಿ ನಟಿಸಿದ್ದಾರೆ.

ಐಶ್ವರ್ಯ, ಮಮತಾ ರಾಹುತ್, ಸಂಭ್ರಮ

ಈ ಚಿತ್ರದಲ್ಲಿ ನಾಲ್ಕು ಹಾಡುಗಳಿದ್ದು ಸಂಗೀತ ನಿರ್ದೇಶಕ ರಾಮಾನುಜಂ ಕ್ಯಾಚಿ ಟ್ಯೂನ್ ಹಾಕಿದ್ದಾರೆ. ನಿರ್ಮಾಪಕ ಸತ್ಯನಾರಾಯಣ ಮನ್ನೆ ಅದ್ದೂರಿಯಾಗಿ ಚಿತ್ರ ನಿರ್ಮಾಣ ಮಾಡಿದ್ದಾರೆ. ರಿಲೀಸ್​​​​ಗೂ ಮುಂಚೆ, ಹಿಂದಿ ಹಾಗೂ ತೆಲುಗು ಡಬ್ಬಿಂಗ್ ರೈಟ್ಸ್ ಸೇಲ್ ಆಗಿದ್ದು ನಿರ್ಮಾಪಕರು ಸ್ವಲ್ಪ ಖುಷಿಯಲ್ಲಿದ್ದಾರೆ. ಇನ್ನು ಆಗಸ್ಟ್​ 30 ರಂದು 'ಸಾಹೋ' ಬಿಡುಗಡೆಯಾಗುತ್ತಿದ್ದು ಪ್ರಭಾಸ್ ಜೊತೆ ಈ 'ಪುಣ್ಯಾತ್​​​ಗಿತ್ತೀರು' ಹೇಗೆ ಪೈಪೋಟಿ ಮಾಡಲಿದ್ದಾರೆ ಕಾದು ನೋಡಬೇಕು.